~~~~~~~~⊰❂ Unicode Version ❂⊱~~~~~~~~

ကုလသမဂ္ဂကမ္ဘာလုံးဆိုင်ရာ ယာဉ်အန္တရာယ်၊ လမ်းအန္တရာယ်ကင်းရှင်းရေး ရက်သတ္တပတ်လှုပ်ရှားမှုအဖြစ် ရှမ်းပြည်နယ်အရှေ့ပိုင်း၊ ကျိုင်းတုံမြို့တွင် ၂၀၁၉ ခုနှစ်၊ မေလ (၅)ရက်နေ့မှ (၁၂)ရက်နေ့အထိ အသိပညာပေးလှုံ့ဆော်မှုလုပ်ငန်းများ ဆောင်ရွက်သွားမည်ဖြစ်ကြောင်း သိရသည်။

ပညာပေးလက်ကမ်းစာစောင်များ ဖြန့်ဝခြေင်း၊ ဆောင်ပုဒ်စတစ်ကာများကို မော်တော်ယာဉ်များတွင် ကပ်ပေးခြင်းတို့ကို ဆောင်ရွက်မည်ဖြစ်ကြောင်း သိရသည်။

ကျိုင်းတုံမြို့တွင် အသိပညာပေးလှုံ့ဆော်မှုကို ကုန်းလမ်းပို့ဆောင်ရေးညွှန်ကြားမှုဦးစီးဌာန၊ အထွေထွေအုပ်ချုပ်ရေးဦးစီးဌာန၊ အမှတ်(၁၁၈) ယာဉ်ထိန်းရဲတပ်ဖွဲ့စု(ကျိုင်းတုံ)မှ တပ်ဖွဲ့စုမှူး ဒုရဲမှူးကျော်ဇောအောင် နှင့် ယာဉ်ထိန်းရဲတပ်ဖွဲ့ဝင်၊ လမ်းဦးစီးဌာန၊ မြို့နယ်စည်ပင်သာယာရေးဌာန၊ မီးသတ်ဦးစီးဌာန၊ မော်တော်ယာဉ်လိုင်းပေါင်းစုံထိန်းသိမ်းရေးကော်မတီ၊ နှလုံးလှလူမှုကူညီရေးအသင်းနှင့် လူမှုရေးအသင်းအဖွဲ့များဖြင့် ပူးပေါင်းဆောင်ရွက်ကြမည်ဖြစ်ကြောင်းသိရသည်။

ဆက်လက်၍ မေလ(၉)ရက်နေ့ နံနက်(၈)နာရီတွင် အေဝးပြေးယာဉ်ရပ်နားစခန်းတွင် လည်းကောင်း၊ မေလ(၁၂)ရက်နေ့တွင် မြို့တော်ခန်းမရှေ့နှင့် မော်တော်ဆိုင်ကယ်(Taxi)ဂိတ်များတွင် နံနက်(၈)နာရီ၌ လည်းကောင်း အသိပညာပေးလုပ်ငန်းများကိုဆောင်ရွက်သွားမည်ဖြစ်ကြောင်း သိရသည်။

Tachileik News Agency
ဓာတ်ပုံ - KZA