ဒုတိယအႀကိမ္ ရွမ္းျပည္နယ္လႊတ္ေတာ္ ဒုတိယပံုမွန္ အစည္းအေ၀း၏ ပထမေန႔တြင္ ျပည္နယ္ဝန္ႀကီးဌာန ႏွစ္ခုအား အမည္ေျပာင္းလဲ သတ္မွတ္လိုက္ေၾကာင္း သိရသည္။
အမည္ျပင္ဆင္သတ္မွတ္လိုက္သည့္ ဝန္ႀကီးဌာနမ်ားမွာ ျပည္နယ္စုိက္ပိ်ဳးေရးႏွင့္ ေမြးျမဴေရး၀န္ႀကီးဌာနအား "စုိက္ပိ်ဳးေရး၊ ေမြးျမဴေရးႏွင့္ဆည္ေျမာင္း၀န္ႀကီးဌာန" ဟုလည္းေကာင္း၊ ျပည္နယ္သယံဇာတႏွင့္ ပတ္၀န္းက်င္ ထိန္းသိမ္းေရး၀န္ႀကီးဌာနအား "သယံဇာတႏွင့္ သဘာ၀ပတ္၀န္းက်င္ထိန္းသိမ္းေရး၀န္ႀကီးဌာန"ဟု လည္းေကာင္း အသီးသီး ေျပာင္းလဲ သတ္မွတ္လိုက္ျခင္း ျဖစ္ေၾကာင္း သိရသည္။
ဒုတိယအႀကိမ္ ရွမ္းျပည္နယ္လႊတ္ေတာ္ ဒုတိယပံုမွန္အစည္းအေ၀း ပထမေန႔အား ဇူလိုင္(၁၂)ရက္ေန႔က က်င္းပရာ လႊတ္ေတာ္တြင္ ေမးခြန္း(၁၄)ခု၊ အဆို(၃)ခုႏွင့္ ဥပေဒမူၾကမ္း(၁)ခုတို႔အား တင္သြင္းေဆြးေႏြးသည့္အျပင္ ျပည္နယ္၀န္ႀကီးခ်ဳပ္မွ တင္ျပလာေသာ ဓႏုကိုယ္ပိုင္အုပ္ခ်ဳပ္ခြင့္ရေဒသဦးစီးအဖြဲ႕ဥကၠဌအား ျပည္နယ္လႊတ္ေတာ္တြင္ အတည္ျပဳခ်က္ရယူခဲ့ေၾကာင္း သိရသည္။
"အဆို(၃)ခုကိုေတာ့ လႊတ္ေတာ္က ေဆြးေႏြးဖို႔ လက္ခံလိုက္တယ္။ လႊတ္ေတာ္ေနာက္ေန႔ေတြမွာ ဆက္ၿပီး ေဆြးေႏြးမွာပါ။ ဥပေဒမူၾကမ္းကေတာ့ ရွမ္းျပည္နယ္အစိုးရက ေရးဆြဲၿပီး ရွမ္းျပည္နယ္လႊတ္ေတာ္ကို တင္သြင္းတာပါ။ ဒါနဲ႔ပတ္သက္တာကေတာ့ လႊတ္ေတာ္ဥပေဒၾကမ္းေကာ္မတီေတြက သံုးသပ္ၿပီးမွ အတည္ျပဳမွာပါ"ဟု တာခ်ီလိတ္ၿမိဳ႕နယ္ မဲဆႏၵနယ္အမွတ္(၂)မွ ရွမ္းျပည္နယ္လႊတ္ေတာ္ကိုယ္စားလွယ္ ဦးခင္ေမာင္တင့္က ေျပာသည္။
ရွမ္းျပည္နယ္လႊတ္ေတာ္ ဒုတိယပံုမွန္အစည္းအေ၀း ပထမေန႔တြင္ "ဆားႏွင့္ ဆားထြက္ပစၥည္း" ဥပေဒ(မူၾကမ္း)ကို တင္သြင္းၿပီး အဆို (၃)ခုတင္သြင္းသည့္အနက္ သီေပါၿမိဳ႕နယ္ မဲဆႏၵနယ္အမွတ္(၁)မွ လႊတ္ေတာ္ကိုယ္စားလွယ္ ေဒၚနန္းစမ္းစမ္းအား တင္သြင္းသည့္ "ရွမ္းျပည္နယ္အတြင္းရွိ ဌာေနတုိင္းရင္းသားမ်ားအား အိမ္ေထာင္စုစာရင္းႏွင့္ ႏိုင္ငံသားစိစစ္ေရးကတ္ျပားမ်ား ဦးစားေပးလုပ္ေဆာင္ေပးရန္" ႏွင့္ ေက်ာက္မဲၿမိဳ႕နယ္ မဲဆႏၵနယ္အမွတ္(၁)မွ လႊတ္ေတာ္ကိုယ္စားလွယ္ ဦးစိုင္းထြန္း၀င္း က "တိုင္းရင္းသား စာေပသင္ၾကားမႈတြင္ သင္ရိုးညႊန္းတမ္း၊ ေက်ာင္းဆရာ၊ ေက်ာင္းသားအေရအတြက္ ဆရာမ်ား၏ ခ်ီးျမွင့္ေငြကိစၥတို႔ကို ပိုမိုထိေရာက္စြာ ေဆာင္ရြက္ႏိုင္ေရးအတြက္ တိုင္းရင္းသားစာေပသင္ၾကားေရးဦးစီးဌာနတစ္ခုအျဖစ္ ဖြဲ႕စည္းၿပီး ေဆာင္ရြက္ေပးႏိုင္ရန္"အဆိုတို႔လည္း ပါဝင္ေၾကာင္း သိရသည္။
သတင္း။ ။ ကိုဇက္
...............
ဒုတိယအကြိမ် ရှမ်းပြည်နယ်လွှတ်တော် ဒုတိယပုံမှန် အစည်းအေဝး၏ ပထမနေ့တွင် ပြည်နယ်ဝန်ကြီးဌာန နှစ်ခုအား အမည်ပြောင်းလဲ သတ်မှတ်လိုက်ကြောင်း သိရသည်။
အမည်ပြင်ဆင်သတ်မှတ်လိုက်သည့် ဝန်ကြီးဌာနများမှာ ပြည်နယ်စိုက်ပျိုးရေးနှင့် မွေးမြူရေးဝန်ကြီးဌာနအား "စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန" ဟုလည်းကောင်း၊ ပြည်နယ်သယံဇာတနှင့် ပတ်ဝန်းကျင် ထိန်းသိမ်းရေးဝန်ကြီးဌာနအား "သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန"ဟု လည်းကောင်း အသီးသီး ပြောင်းလဲ သတ်မှတ်လိုက်ခြင်း ဖြစ်ကြောင်း သိရသည်။
ဒုတိယအကြိမ် ရှမ်းပြည်နယ်လွှတ်တော် ဒုတိယပုံမှန်အစည်းအေဝး ပထမနေ့အား ဇူလိုင်(၁၂)ရက်နေ့က ကျင်းပရာ လွှတ်တော်တွင် မေးခွန်း(၁၄)ခု၊ အဆို(၃)ခုနှင့် ဥပဒေမူကြမ်း(၁)ခုတို့အား တင်သွင်းဆွေးနွေးသည့်အပြင် ပြည်နယ်ဝန်ကြီးချုပ်မှ တင်ပြလာသော ဓနုကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ဥက္ကဌအား ပြည်နယ်လွှတ်တော်တွင် အတည်ပြုချက်ရယူခဲ့ကြောင်း သိရသည်။
"အဆို(၃)ခုကိုတော့ လွှတ်တော်က ဆွေးနွေးဖို့ လက်ခံလိုက်တယ်။ လွှတ်တော်နောက်နေ့တွေမှာ ဆက်ပြီး ဆွေးနွေးမှာပါ။ ဥပဒေမူကြမ်းကတော့ ရှမ်းပြည်နယ်အစိုးရက ရေးဆွဲပြီး ရှမ်းပြည်နယ်လွှတ်တော်ကို တင်သွင်းတာပါ။ ဒါနဲ့ပတ်သက်တာကတော့ လွှတ်တော်ဥပဒကြေမ်းကော်မတီတွေက သုံးသပ်ပြီးမှ အတည်ပြုမှာပါ"ဟု တာချီလိတ်မြို့နယ် မဲဆန္ဒနယ်အမှတ်(၂)မှ ရှမ်းပြည်နယ်လွှတ်တော်ကိုယ်စားလှယ် ဦးခင်မောင်တင့်က ပြောသည်။
ရှမ်းပြည်နယ်လွှတ်တော် ဒုတိယပုံမှန်အစည်းအေဝး ပထမနေ့တွင် "ဆားနှင့် ဆားထွက်ပစ္စည်း" ဥပဒေ(မူကြမ်း)ကို တင်သွင်းပြီး အဆို (၃)ခုတင်သွင်းသည့်အနက် သီပေါမြို့နယ် မဲဆန္ဒနယ်အမှတ်(၁)မှ လွှတ်တော်ကိုယ်စားလှယ် ဒေါ်နန်းစမ်းစမ်းအား တင်သွင်းသည့် "ရှမ်းပြည်နယ်အတွင်းရှိ ဌာနေတိုင်းရင်းသားများအား အိမ်ထောင်စုစာရင်းနှင့် နိုင်ငံသားစိစစ်ရေးကတ်ပြားများ ဦးစားပေးလုပ်ဆောင်ပေးရန်" နှင့် ကျောက်မဲမြို့နယ် မဲဆန္ဒနယ်အမှတ်(၁)မှ လွှတ်တော်ကိုယ်စားလှယ် ဦးစိုင်းထွန်းဝင်း က "တိုင်းရင်းသား စာပေသင်ကြားမှုတွင် သင်ရိုးညွှန်းတမ်း၊ ကျောင်းဆရာ၊ ကျောင်းသားအရေအတွက် ဆရာများ၏ ချီးမြှင့်ငွေကိစ္စတို့ကို ပိုမိုထိရောက်စွာ ဆောင်ရွက်နိုင်ရေးအတွက် တိုင်းရင်းသားစာပေသင်ကြားရေးဦးစီးဌာနတစ်ခုအဖြစ် ဖွဲ့စည်းပြီး ဆောင်ရွက်ပေးနိုင်ရန်"အဆိုတို့လည်း ပါဝင်ကြောင်း သိရသည်။
သတင်း။ ကိုဇက်
