ဗိုလ္ခ်ဳပ္ေအာင္ဆန္းပံုတူ ေၾကးသြန္းရုပ္တုျပဳလုပ္ၿပီး တာခ်ီလိတ္ၿမိဳ႕ရွိ ရွမ္းရိုးမကြင္းအတြင္း၌ ထားရွိႏိုင္ရန္အတြက္ ဇူလိုင္(၁၃)ရက္ေန႔ ညေနပိုင္းက ဗိုလ္ခ်ဳပ္ေအာင္ဆန္း ေၾကးသြန္းရုပ္တုျဖစ္ေျမာက္ေရး ညႇိႏႈိင္းအစည္းအေ၀းအား တာခ်ီလိတ္ၿမိဳ႕ မကာဟိုခမ္းရပ္ကြက္အတြင္းရွိ ေရႊမဟာကိုယ္ပိုင္အထက္တန္းေက်ာင္း၏ ခန္းမေဆာင္တြင္ ျပဳလုပ္ကာ ေကာ္မတီတစ္ရပ္ ဖြဲ႕စည္းခဲ့ေၾကာင္း သိရသည္။
အဆိုပါ အစည္းအေ၀းသို႔ လူဦးေရ (၅၀)ထက္ မနည္း တက္ေရာက္လာၾကၿပီး တာခ်ီလိတ္ၿမိဳ႕ ရွမ္းရိုးမကြင္း၌ ဗိုလ္ခ်ဳပ္ေအာင္ဆန္း၏ ပံုတူေၾကးသြန္းရုပ္တုထားရွိႏိုင္ေရးအတြက္ တက္ေရာက္လာသူမ်ားမွ ေဆြးေႏြးအႀကံျပဳ တင္ျပခဲ့ၾကျခင္း ျဖစ္သည္။
"အဓိကေတာ့ ဗိုလ္ခ်ဳပ္ရုပ္တုထားဖို႔ ေျမေနရာ ရရွိေရးအတြက္ ဘယ္မွာထားမယ္ဆိုတာကို အစည္းအေ၀းလုပ္ရင္း ေကာ္မတီဖြဲ႕တာ၊ ဒီေကာ္မတီကေန ျပည္နယ္အစိုးရဆီကို ၿမိဳ႕ရဲ႕ လူသြား၊ လူလာမ်ားၿပီး အမ်ားအတြက္ အဆင္ေျပေစမယ့္ ရွမ္းရိုးမကြင္းကို စာတင္ၿပီးေတာင္းဆိုသြားမွာပါ"ဟု ဗိုလ္ခ်ဳပ္ေအာင္ဆန္းေၾကးသြန္းရုပ္တုျဖစ္ေျမာက္ေရး ေကာ္မတီ ဥကၠဌ ဦးတင့္ေဆြက ေျပာသည္။
ဗိုလ္ခ်ဳပ္ေအာင္ဆန္းေၾကးသြန္းရုပ္တု ျဖစ္ေျမာက္ေရးအတြက္ အမ်ားျပည္သူ၏ ဆႏၵလက္မွတ္မ်ား ေကာက္ခံသြားမည္ျဖစ္ၿပီး၊ လုပ္ငန္းအေကာင္အထည္ေဖာ္ေရး ေကာ္မတီမွ ေျမေနရာ ရရွိလာပါက အျမင့္(၁၃)ေပရွိ ဗိုလ္ခ်ဳပ္ေအာင္ဆန္းေၾကးသြန္းရုပ္တုအား ထားရွိႏိုင္ရန္ ဆက္လက္လုပ္ေဆာင္သြားမည္ျဖစ္ေၾကာင္း ၎ထံမွ သိရသည္။
"ကြ်န္ေတာ္တို႔ ရွမ္းျပည္နယ္အေရွ႕ပိုင္းမွာရွိတဲ့ ၿမိဳ႕ေတြမွာေတာ့ ဗိုလ္ခ်ဳပ္ေၾကးရုပ္တု ရွိတယ္ဆိုတာ မၾကားဖူးေသးဘူး၊ ဒီ တာခ်ီလိတ္မွာ အေကာင္အထည္ေဖာ္လို႔ ေအာင္ျမင္ရင္ေတာ့ ရွမ္းအေရွ႕မွာ တာခ်ီလိတ္က ပထမဆံုးလို႔ ေျပာလို႕ရႏိုင္ပါလိမ့္မယ္"ဟု အစည္းအေ၀း တက္ေရာက္လာသူ တစ္ဦးက ဆိုသည္။
တာခ်ီလိတ္ၿမိဳ႕သည္ ထုိင္းႏိုင္ငံႏွင့္ ထိစပ္လွ်က္ရွိသည့္ ၿမိဳ႕ျဖစ္သည့္အတြက္ ဗိုလ္ခ်ဳပ္ေအာင္ဆန္းရုပ္တုအား အမ်ားျပည္သူမ်ား ေတြ႕ရွိႏိုင္သည့္ေနရာျဖစ္ၿပီး၊ တုိင္းရင္းသားမ်ားႏွင့္ ေနာင္လာေနာက္သား ကေလးငယ္မ်ားအတြက္ ဗိုလ္ခ်ဳပ္စိတ္ဓာတ္မ်ား ေပၚေပါက္လာေစရန္ တည္ေဆာက္လိုျခင္းျဖစ္ေၾကာင္း ႏွင့္ ေဒသခံအမ်ားစုမွာလည္း အဆိုပါ ရွမ္းရိုးမကြင္းတြင္ တည္ေဆာက္ထားရွိရန္ လိုလားလွ်က္ရွိေၾကာင္း သိရသည္။
သတင္း၊ ကိုဇက္
...................
ဗိုလ်ချုပ်အောင်ဆန်းပုံတူ ကြေးသွန်းရုပ်တုပြုလုပ်ပြီး တာချီလိတ်မြို့ရှိ ရှမ်းရိုးမကွင်းအတွင်း၌ ထားရှိနိုင်ရန်အတွက် ဇူလိုင်(၁၃)ရက်နေ့ ညနေပိုင်းက ဗိုလ်ချုပ်အောင်ဆန်း ကြေးသွန်းရုပ်တုဖြစ်မြောက်ရေး ညှိနှိုင်းအစည်းအေဝးအား တာချီလိတ်မြို့ မကာဟိုခမ်းရပ်ကွက်အတွင်းရှိ ရွှေမဟာကိုယ်ပိုင်အထက်တန်းကျောင်း၏ ခန်းမဆောင်တွင် ပြုလုပ်ကာ ကော်မတီတစ်ရပ် ဖွဲ့စည်းခဲ့ကြောင်း သိရသည်။
အဆိုပါ အစည်းအေဝးသို့ လူဦးရေ (၅၀)ထက် မနည်း တက်ရောက်လာကြပြီး တာချီလိတ်မြို့ ရှမ်းရိုးမကွင်း၌ ဗိုလ်ချုပ်အောင်ဆန်း၏ ပုံတူကြေးသွန်းရုပ်တုထားရှိနိုင်ရေးအတွက် တက်ရောက်လာသူများမှ ဆွေးနွေးအကြံပြု တင်ပြခဲ့ကြခြင်း ဖြစ်သည်။
"အဓိကတော့ ဗိုလ်ချုပ်ရုပ်တုထားဖို့ မြေနေရာ ရရှိရေးအတွက် ဘယ်မှာထားမယ်ဆိုတာကို အစည်းအေဝးလုပ်ရင်း ကော်မတီဖွဲ့တာ၊ ဒီကော်မတီကနေ ပြည်နယ်အစိုးရဆီကို မြို့ရဲ့ လူသွား၊ လူလာများပြီး အများအတွက် အဆင်ပြေစေမယ့် ရှမ်းရိုးမကွင်းကို စာတင်ပြီးတောင်းဆိုသွားမှာပါ"ဟု ဗိုလ်ချုပ်အောင်ဆန်းကြေးသွန်းရုပ်တုဖြစ်မြောက်ရေး ကော်မတီ ဥက္ကဌ ဦးတင့်ဆွေက ပြောသည်။
ဗိုလ်ချုပ်အောင်ဆန်းကြေးသွန်းရုပ်တု ဖြစ်မြောက်ရေးအတွက် အများပြည်သူ၏ ဆန္ဒလက်မှတ်များ ကောက်ခံသွားမည်ဖြစ်ပြီး၊ လုပ်ငန်းအကောင်အထည်ဖော်ရေး ကော်မတီမှ မြေနေရာ ရရှိလာပါက အမြင့်(၁၃)ပေရှိ ဗိုလ်ချုပ်အောင်ဆန်းကြေးသွန်းရုပ်တုအား ထားရှိနိုင်ရန် ဆက်လက်လုပ်ဆောင်သွားမည်ဖြစ်ကြောင်း၎င်းထံမှ သိရသည်။
"ကျွန်တော်တို့ ရှမ်းပြည်နယ်အရှေ့ပိုင်းမှာရှိတဲ့ မြို့တွေမှာတော့ ဗိုလ်ချုပ်ကြေးရုပ်တု ရှိတယ်ဆိုတာ မကြားဖူးသေးဘူး၊ ဒီ တာချီလိတ်မှာ အကောင်အထည်ဖော်လို့ အောင်မြင်ရင်တော့ ရှမ်းအရှေ့မှာ တာချီလိတ်က ပထမဆုံးလို့ ပြောလို့ရနိုင်ပါလိမ့်မယ်"ဟု အစည်းအေဝး တက်ရောက်လာသူ တစ်ဦးက ဆိုသည်။
တာချီလိတ်မြို့သည် ထိုင်းနိုင်ငံနှင့် ထိစပ်လျှက်ရှိသည့် မြို့ဖြစ်သည့်အတွက် ဗိုလ်ချုပ်အောင်ဆန်းရုပ်တုအား အများပြည်သူများ တွေ့ရှိနိုင်သည့်နေရာဖြစ်ပြီး၊ တိုင်းရင်းသားများနှင့် နောင်လာနောက်သား ကလေးငယ်များအတွက် ဗိုလ်ချုပ်စိတ်ဓာတ်များ ပေါ်ပေါက်လာစေရန် တည်ဆောက်လိုခြင်းဖြစ်ကြောင်း နှင့် ဒေသခံအများစုမှာလည်း အဆိုပါ ရှမ်းရိုးမကွင်းတွင် တည်ဆောက်ထားရှိရန် လိုလားလျှက်ရှိကြောင်း သိရသည်။
သတင်း၊ ကိုဇက်
