ရှမ်းပြည်နယ် မီဒီယာဖွံ့ဖြိုးရေးဖိုရမ်ကို ရှမ်းပြည်နယ်(တောင်ပိုင်း) တောင်ကြီးမြို့ ဟိုတယ်ထိန်သာ၌ ၂၀၁၈ ခုနှစ်၊ သြဂုတ်လ(၄)ရက်နေ့နှင့် (၅)ရက်နေ့များတွင် ကျင်းပနပြေီး ရှမ်းပြည်နယ်တွင်းမှ သတင်းသမားများ တက်ရောက်ဆွေးနွေးနကြေသည်။

အဆိုပါဖိုရမ်၏ ပထမရက်တွင် ဒေသတွင်း သတင်းမီဒီယာများ၏ သတင်းရယူခြင်းဆိုင်ရာ အခက်အခဲများကို ဆွေးနွေးကြမည်ဖြစ်ပြီး ဒုတိယရက်တွင် အစိုးရအဖွဲ့၊ လွှတ်တော်ကိုယ်စားလှယ်များနှင့် တရားရေးမဏ္ဍိုင်၊ အရပ်ဖက်အဖွဲ့အစည်းများ တွေ့ဆုံဆွေးနွေးကြမည်ဖြစ်သည်။

"ကျွန်တော်တို့အတွက် သတင်းလွတ်လပ်စွာ ရယူခွင့်နဲ့ ပတ်သက်ပြီး ဘာလိုအပ်ချက်တွေရှိနေမလဲ။ ပြည်နယ်အစိုးရကို ဘာတွေတောင်းဆိုမလဲ စသည်ဖြင့် သတင်းမီဒီယာနဲ့ပတ်သက်တဲ့ အခက်အခဲတွေကို သိရှိနိုင်ရန်အတွက် ဒီပွဲကို ပြုလုပ်ရခြင်း ဖြစ်ပါတယ်။ ကျွန်တော်တို့ ဒီပွဲမှာ လိုအပ်ချက်တွေ တိုင်ပင်ဆွေးနွေးပြီးရင် နက်ဖြန်မှာ ပြည်နယ်အစိုးရအဖွဲ့နဲ့ ထပ်မံဆွေးနွေးကြမှာဖြစ်ပါတယ်။ ကျွန်တော်တို့ ရှမ်းပြည်နယ်မှာ မီဒီယာသမားတွေ အခက်အခဲတွေရှိပါတယ်။"ဟု တောင်ကြီးသတင်းထောက်များအသင်းမှ ကိုနေလင်းသိုက်က အဖွင့်အမှာစကားတွင် ထည့်သွင်းပြောကြားသွားသည်။

အဆိုပါ ဖိုရမ်ကျင်းပရခြင်းမှာ ပြည်နယ်တွင်း သတင်းသမားများ ချိတ်ဆက်မှုအားနည်းသဖြင့် စုစည်းမိစေရန် ကျင်းပရခြင်းဖြစ်ကြောင်း သိရသည်။

" ကျွန်တော်တို့ ရှမ်းပြည်နယ်အစိုးရအဖွဲ့အနေနဲ့ရော ဌာနဆိုင်ရာတွေနဲ့ရော ချိတ်ဆက်သတင်းရယူရာမှာ အဆင်မပြေဘူး။ ဒီပြဿနာတွေကို ကျွန်တော်တို့ ကိုယ်တိုင်ဖြေရှင်းဖို့ လိုပါတယ်။ တစ်ခါတလေ အစိုးရက ချမှတ်တဲ့ သတင်းအချက်အလက်တွေကို သတင်းမီဒီယာတွေက ချပြပေးပေမဲ့ ကျွန်တော်တို့ ရပိုင်ခွင့်ဖြစ်တဲ့ သတင်းရယူပိုင်ခွင့်တွေ အပြည့်အဝ မရရှိဘူး။ အရင်အစိုးရတုန်းကဆိုရင် သမ္မတလာရင် သတင်းအဆင်ပြေစွာ ယူလို့ရတယ်။ အခု အရပ်သားအစိုးရတက်လာချိန်မှာ သမ္မတလာတာကို သတင်းရယူဖို့ ခက်ခဲလာတယ်။ မဏ္ဍိုင်(၃)ရပ်ကလည်း ကျွန်တော်တို့ကို အယုံအကြည်နည်းလာတာကို တွေ့ရတယ်။ ကျွန်တော်တို့ ဒီဖိုရမ်ဟာ ရှမ်းပြည်နယ်မှာ ပထမဆုံးအကြိမ်ကျင်းပတဲ့ ပွဲလို့ ပြောလို့ရပါတယ်။ မီဒီယာအချင်းချင်း ချိတ်ဆက်ဖို့ လုပ်သွားမယ်။ သတင်းအချက်အလက်တွေ အဆင်ပြေစွာ ရယူဖို့ လုပ်သွားမယ်။ ဒီပြဿနာတွေကို ကျွန်တော်တို့ နှစ်ရက်တာ ဆွေးနွေးပြီးတော့ ပြည်နယ်အစိုးရအဖွဲ့ကို ဖြစ်ဖြစ် ပြည်ထောင်စုအစိုးရကို ဖြစ်ဖြစ် တင်ပြသွားမှာ ဖြစ်ပါတယ်"ဟု အဆိုပါ ဖိုရမ်ကျင်းပရေးတွင် ပါဝင်သူ ခမ်းသားငေါင်းဂျာနယ်မှ ခွန်ရာဇာက ဖိုရမ်ပြုလုပ်ရခြင်းနှင့် ပတ်သက်၍ ပြောကြားသွားခြင်း ဖြစ်သည်။

ရှမ်းပြည်နယ်သတင်းမီဒီယာကဏ္ဍဖွံ့ဖြိုးတိုးတက်စေရန် ရှေ့လုပ်ငန်းစဉ်များအား တက်ရောက်လာသည့် သတင်းသမားများအဖွဲ့က အုပ်စုလိုက်ဆွေးနွေးမှုများလုပ်ဆောင်သွားကြမည်ဖြစ်ကာ အချင်းချင်းချိတ်ဆက်ဆောင်ရွက်နိုင်မည့်နည်းလမ်းများရှာဖွေမည်ကြောင်း သိရသည်။

" မီဒီယာဥပဒေ၊ နည်းဥပဒေက အသက်မဝင်သလောက် ဖြစ်နေပါတယ်။ ကျွန်တော်တို့ ရှမ်းပြည်နယ်မှာ အခွင့်အရေးမရကြပါဘူး။ ကျွန်တော်တို့တွေ အားလုံးစုစုစည်းစည်းနဲ့ ရေးသားကြမယ်။ တစ်ခုခု အရေးအသားမှားလိုက်ရင် မီဒီယာဥပဒေ၊ နည်းဥပဒေနဲ့ မလုပ်ဘဲ ၆၆(ဃ)နဲ့ပဲ ဆွဲတာဟာ ခြိမ်းခြောက်မှုတွဖြေစ်စေပါတယ်။ ကျွန်တော်တို့တွေ တစ်ခုခုဖြစ်ရင် အတူတကွ တောင်းဆိုဖို့၊ မီဒီယာဆိုပြီး အမည်ခံပြီး နောက်ဆက်တွဲအသုံးချတာတွေ မိမိအကျိုးစီးပွားကို ကာကွယ်ဖို့အတွက် လုပ်နေတာတွေ တွေ့နေရတယ်။ မီဒီယာသမားတွေဟာ ဌာနဆိုင်ရာတွေနဲ့ အရမ်းနီးကပ်နေတာတွေဟာ တစ်ယောက်နဲ့တစ်ယောက် အပြန်အလှန်ထိန်းကျောင်းဖို့ရာမှာ အဆင်မပြေပါဘူး။ ကျွန်တော်တို့ဟာေဝဖန်ထောက်ပြရမှာဖြစ်တဲ့အတွက် သူတို့နဲ့ ရင်းနှီးမှုယူတာတွေဟာ မကောင်းပါဘူး။ ဒါကို မီဒီယာသမားအချင်းချင်း ထိန်းကျောင်းဖို့ လိုပါတယ်။ မီဒီယာကို အသုံးချပြီး ကိုယ်ကျိုးစီးပွားလုပ်နေတာတွေကို မီဒီယာသမားတွေကိုယ်တိုင် အပြန်အလှန်ထိန်းကျောင်းဖို့လိုတယ်။ ဒါဟာလည်း မီဒီယာပုံရိပ်ကို ကျစေပါတယ်။ နောက်တစ်ခုက ဖွဲ့စည်းဖို့ မီဒီယာနဲ့ပတ်သက်ရင် ကျွန်တော်တို့တွေဟာ မီဒီယာလမ်းကြောင်းလွဲနေရင်၊ မီဒီယာရပိုင်ခွင့်မရှိဘူးဆိုရင် ကျွန်တော်တို့ တညီတညွှတ်တည်းတောင်းဆိုဖို့ အဆင်မပြေနိုင်ဘူး။ လွှတ်တော်တွင်းမှာ တချို့မီဒီယာတွေဟာ သတင်းရယူခွင့်တွေရှိတယ်။ တချို့တွေက မရကြဘူး။ ဒီလို မျက်နှာလိုက်မှုတွေရှိနေတယ်။ အားလုံးတစ်ပြေးညီ သတင်းရယူနိုင်ရန်အတွက် တညီတညွှတ်တည်း တောင်းဆိုသွားဖို့လိုပါတယ်" ဟု DVB သတင်းဌာနမှ ခွန်ဇော်ဦးက ပြောသည်။

အဆိုပါ ဖိုရမ်တွင် ရှမ်းပြည်နယ်အတွင်း တွေ့ကြုံနေရသည့် သတင်းသမားများ၏ အခက်အခဲများနှင့် သတင်းကွန်ရက်ချိတ်ဆက်မှု အားကောင်းလာစေမည့် အကြောင်းအရာများကို ဆွေးနွေးကာ ရှမ်းပြည်နယ်အစိုးရထံ တင်ပြနိုင်ရန် စာတမ်းပြုစုခြင်းများ လုပ်ဆောင်သွားမည်ဖြစ်ကြောင်း သိရသည်။

Tachileik News Agency
ဓာတ်ပုံ - နဖြေိုးမြင့်