ကျွန်တော့်အသက် (၆၅) နှစ်ရှိပြီ။ နောက်ထပ် စစ်အစိုးရခေတ်ကို ကျွန်တော့် ကလေးတွေအတွက် မရှိစေချင်တော့ဘူး။ ဘယ်ပါတီတက်တက် ဒီမိုကရေစီစနစ်ပဲ ရချင်တယ်။ ဒါကြောင့်မို့လို့ ကိုယ်တတ်နိုင်တဲ့နည်းနဲ့ စစ်အာဏာရှင်စနစ်ကို လက်မခံကြောင်းပြတာ

တပ်မတော်က ဖေဖေါ်ဝါရီလ (၁) ရက်နေ့တွင် နိုင်ငံတော်အာဏာသိမ်းမှုကို လက်မခံသည့် နိုင်ငံ့ဝန်ထမ်းများက Civil Disobedience Campaign၊ Red Ribbon Campaign တို့ကို ဖေဖေါ်ဝါရီလ (၃) ရက်နေ့မှစ၍ လုပ်ဆောင်နေကြခြင်းဖြစ်သည်။

စစ်တပ်က ဖေဖေါ်ဝါရီလ (၁)ရက်နေ့တွင် အစိုးရအဖွဲ့အား ဖမ်းဆီးထိန်းသိမ်းပြီး နိုင်ငံတော်အာဏာသိမ်းလိုက်သဖြင့် အစိုးရဝန်ထမ်းများက ပုံမှန်လုပ်ငန်းတာဝန်များ ထမ်းဆောင်ခြင်းအား ဆက်လက်လုပ်ဆောင်ခြင်း မပြုသည့်နည်းဖြင့် ဆန္ဒထုတ်ဖေါ်လာကြခြင်းဖြစ်သည်။