ထိုင်းနိုင်ငံဘက်သို့ တရားမဝင် ဝင်ရောက်သွားပြီး ဖမ်းဆီးခံရသည့် မြန်မာနိုင်ငံသား (၂၇) ဦး ပြစ်ဒဏ်စေ့၍ မြန်မာနိုင်ငံ၊ တာချီလိတ်ဘက်သို့ ၂၀၁၉ ခုနှစ်၊ စက်တင်ဘာလ (၂၇)ရက်နေ့ နံနက် (၁၁)နာရီဝန်းကျင်က ထိုင်းတာဝန်ရှိသူများက လွှဲပြောင်းပေးလာသည်။

ပြန်လည်လွှဲပြောင်းပေးလာသည့် အမျိုးသား (၁၈)ဦးနှင့် အမျိုးသမီး (၉)ဦးတို့သည် ရှမ်းပြည်နယ်အတွင်းမှဖြစ်ကြပြီး ထိုင်းနိုင်ငံတွင်းသို့  သွားရောက်ခွင့်ပြုထားသည့် နယ်မြေထက်ကျော်လွန်သွားလာမှု၊ တရားမဝင် ဝင်ရောက်မှုတို့ဖြင့် ဖမ်းဆီးခံရကာ ပြစ်ဒဏ်ကျခံရပြီးနောက် မြန်မာဘက်သို့ ပြန်လည်လွှဲပြောင်းပေးခံရခြင်းဖြစ်သည်။

တာချီလိတ်မှ မယ်ဆိုင်သို့ သွားရန်အတွက် နယ်စပ်ဖြတ်သန်းလက်မှတ်များအဖြစ် နယ်စပ်ဖြတ်သန်းခွင့် လက်မှတ် ( Border Pass ) နှင့် ယာယီနယ်စပ်ဖြတ်သန်းခွင့်လက်မှတ်(Temporary Border Pass)တို့ပြုလုပ်ရာတွင် အဆိုပါ လက်မှတ်များသည် ထိုင်းနိုင်ငံ မယ်ဆိုင်မြို့အထွက် ဘန့်ထန့်ဂိတ်ကို ကျော်လွန်၍ သွားရောက်ခြင်းမရှိကြောင်း နှင့် သတ်မှတ်နယ်မြေထက် ကျော်လွန်သွားပါက  အရေးယူခံရမည်ဖြစ်ကြောင်း သိရသည်။

ထိုင်းနိုင်ငံဘက်မှ မယ်ဆိုင် လဝကအရာရှိ Somsak Singkham ဦးစီးသည့်အဖွဲ့က လွှဲပြောင်းပေးအပ်ရာတွင် မြန်မာဘက်မှ မြို့နယ် အထွေထွေအုပ်ချုပ်ရေး ဦးစီးဌာန၊ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ ဦးစီးဌာန၊ မြို့နယ် အလုပ်သမား ညွှန်ကြားမှုဦးစီးဌာန၊ လူကုန်ကူးမှုတိုက်ဖျက်ရေး ရဲတပ်ဖွဲ့နှင့် ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီ (CNCMC) တို့က စိစစ်လက်ခံကြပြီး နေရပ်ပြန်ရန် အခက်အခဲဖြစ်သူများနှင့် အကူအညီလိုအပ်သူများကို သက်ဆိုင်ရာများဖြင့် ချိတ်ဆက်ဆောင်ရွက်ပေးရသည်များလည်း ရှိကြောင်း သိရှိရသည်။

Tachileik News Agency
ဓါတ်ပုံ - CNCMC

~~~~~~~~⊰❂ Unicode Version ❂⊱~~~~~~~~