“ဆရာကန်တော့ပွဲဆိုတာ အောက်တိုဘာလ (၅) ရက်နေ့တိုင်း ကျင်းပတယ်ရှင့်။ ကျွန်မတို့ကျတော့ ငွေအားမတတ်နိုင်တဲ့အခါ ဒီပွဲလေးလည်း ကလေးတွေ မှတ်မိအောင်    စေတနာရှိတာလေးတွေနဲ့ ကန်တော့ကြမယ်ဆိုတော့ ခြံထွက်သီးနံှလေးတွေပေါ့။ ကျွန်မတာဝန်ကျတဲ့ ဒီရွာလေးက တောင်ယာလုပ်ငန်းဘဲလုပ်ကြတယ်ရှင့်”ဟု ဟွေဟိ မူလတန်းကျောင်းမှ ဆရာမ ချစ်နှင်းဖြူက တာချီလိတ်သတင်းအေဂျင်စီသို့ ပြောသည်။

ဟွေဟိကျေးရွာရှိ အခြေခံပညာမူလတန်းကျောင်းတွင် အဆိုပါကျေးရွာမှ ကျောင်းသား၊ ကျောင်းသူ (၃၀)ဦး တက်ရောက် ပညာသင်ကြားနေကြခြင်းဖြစ်သည်။

ကျိုင်းတုံမြို့နယ်အတွင်း ကျေးရွာအများစုမှာ တောင်ယာလုပ်ငန်း လုပ်ကိုင်သူများပြားသဖြင့် ကျေးရွာကျောင်းအချို့တွင် အာစရိယပူဇော်ပွဲကျင်းပရာ၌ ကျောင်းသားမိဘများအတွက် ဝန်ထုပ်ဝန်ပိုး မဖြစ်စေရန် ရာသီထွက်သီးနှံများ ယူဆောင်လာစေပြီး အမှတ်တရအနေဖြင့် ကျင်းပလေ့ရှိခြင်းဖြစ်သည်ဟု သိရသည်။

Tachileik News Agency
ဓါတ်ပုံ - CHP