ထိုင်းနိုင်ငံမှ ပြန်လာသူများတွင် ကိုရိုနာဗိုင်းရပ်စ် ကူးစက်ခံရနိုင်ချေ မြင့်သဖြင့် (၁၄)ရက် သီးခြားနေထိုင် စောင့်ကြည့်ရန် ကျန်းမာရေးက မေတ္တာရပ်ခံ
ထိုင်းနိုင်ငံမှ ပြန်လာသူများတွင် ကိုရိုနာဗိုင်းရပ်စ်(covid 19) ကူးစက်ခံရနိုင်ချေမြင့်သဖြင့် နေရပ်ပြန်လာသူများ အနေဖြင့် (၁၄)ရက် သီးခြားနေထိုင်စောင့်ကြည့်ခြင်းနှင့် ကျန်းမာရေးအခြေအနေကို သက်ဆိုင်ရာကျန်းမာရေးဌာနသို့ နေ့စဉ်မပျက်မကွက် သတင်းပေးပို့ခြင်း၊ ရောဂါလက္ခဏာပြပါက စောစီးစွာကုသခံယူခြင်းတို့ဖြင့် ရောဂါမပြန့်ပွားစေရေး ပူးပေါင်းကူညီဆောင်ရွက်ပေးကြရန် ကျန်းမာရေးနှင့် အားကစားဝန်ကြီးဌာနက မေတ္တာရပ်ခံထားသည်။
မြန်မာနိုင်ငံတွင် မတ်လ (၂၅)ရက်နေ့ ထုတ်ပြန်ပြီးသည်အထိ အတည်ပြုလူနာ (၃)ဦးရှိနေခြင်းဖြစ်သည်။
Tachileik News Agency
