တာချီလိတ်မြို့ ပါလျှံမီးပွိုင့် လမ်းချဲ့ထွင်ရာမှာ လမ်းနဲ့ မလွတ်တဲ့ အိမ်/ဆိုင် ပိုင်ရှင်တွေနဲ့ ညှိနှိုင်းခဲ့ရ
တာချီလိတ်မြို့မှာ အဓိက လမ်းမကြီးအဖြစ် ဗိုလ်ချုပ်အောင်ဆန်းလမ်းမကြီး တစ်ခုတည်းတာရှိတဲ့အတွက် ယာဉ်ကြောကျပ်တည်းမှု ဖြေလျော့ပေးနိုင်ရေး နဲ့ ပတ်သက်ပြီး ပါလျှံမီးပွိုင့်ကို လမ်းချဲ့ထွင်ရာမှာ လမ်းဧရိယာနဲ့မလွတ်ကင်းတဲ့ အိမ်ပိုင်ရှင်တွေ ဆိုင်ပိုင်ရှင်တွေနဲ့ ညှိနှိုင်းဆောင်ရွက်ခဲ့ရတယ်လို့ တာချီလိတ်ခရိုင်အုပ်ချုပ်ရေးမှူး ဦးမြင့်နိုင်က ပြောပါတယ်။
ပါလျှံမီးပွိုင့်မှာ လမ်းချဲ့ထွင်မှုတွေလုပ်ဆောင်ပြီး လမ်းဧရိယာနဲ့မလွတ်ကင်းတဲ့ မီးတိုင်တွေ၊ ဆက်သွယ်ရေးတိုင်တွေနဲ့ မီးပွိုင့်တွေကို ပြောင်းရွှေ့မှုလုပ်ဆောင်နေပြီး အများနည်းတူ ပူးပေါင်း ပါဝင်မှုမရှိသေးတဲ့ အချို့အိမ်ပိုင်ရှင်တွေနဲ့ဆက်လက်ညှိနှိုင်းရဖို့ ရှိနေတယ်လို့ သိရပါတယ်။
Tachileik News Agency
တင်ဆက် - ကိုဇောင်း
သတင်း/ရိုက်ကူး - ဟန်စိုးထိုက် ၊ ကျော်ဇင်ဟိန်း
