မဖြစ်မနေ ဆောင်ရွက်သင့်တဲ့ ဘာသာရေးဆိုင်ရာ အခမ်းအနားများကို လူ (၃၀) ဦးအောက် အရေအတွက်နဲ့ ၂၀၂၀ ခုနှစ်၊ သြဂုတ်လ (၁၆) ရက်နေ့ကစပြီး ခွင့်ပြုထားပြီဆိုပေမဲ့ COVID 19 ကာကွယ်ရေးလမ်းညွှန်ချက်များအတိုင်း အတိအကျ လိုက်နာရမှာဖြစ်ပါတယ်။

ဘာသာရေးအဆောက်အဦများမှာ

- လာရောက်သူတိုင်းကို အဝင်ဝမှာ ကိုယ်အပူချိန်တိုင်းတာပြီး ကိုယ်အပူချိန်မြင့်ရင် ဖျားနာရင် ချောင်းဆိုး၊ အသက်ရှုကြပ်ရင် ဝင်ခွင့်မပြုရပါဘူး။

- နှာခေါင်းစည်း (Mask)နဲ့ Face Shield တပ်ဆင်ရပါမယ်။

- အဆောက်အဦများမှာ လေအေးပေးစက်မသုံးဘဲ လေဝင်လေထွက်ရှိအောင် ပြတင်းပေါက်များ ဖွင့်ထားရပါမယ်။

- လူအများထိတွေ့ရာနေရာများကို ပိုးသတ်သန့်စင်ရပါမယ်။

- လက်ဆေးရန်နေရာများ၊ လက်သန့်ဆေးရည်များ ထားရှိပေးရပါမယ်။

- ရောဂါကာကွယ်ရေးအသိပညာပေးခြင်းများကို အများမြင်သာအောင် ချိတ်ဆွဲထားရပါမယ်။

- သံသယလက္ခဏာလူနာတွေ့ပါက ကျန်းမာရေးဌာနသို့ အမြန်ဆုံးဆက်သွယ်ရန်နှင့် သီးသန့်ထားရန် နေရာရှိရပါမယ်။