တာလေမြို့အတွင်း ကျိုင်းတုံ - တာလေ - တာချီလိတ် လမ်းမပေါ်တွင် ပျက်စီနေသည့် လမ်းများ နှင့် ယာဉ်တိုက်မှု အဖြစ်များသည့် နေရာများကို ပြင်ဆင်ရန် ဆောင်ရွက်နေ

  

ရှမ်းပြည်နယ်(အရှေ့ပိုင်း) တာချီလိတ်ခရိုင် တာလေမြို့အတွင်း ပါဝင်သည့် ကျိုင်းတုံ - တာလေ - တာချီလိတ် လမ်းမပေါ်တွင် ပျက်ဆီးနေသည့် လမ်းပိုင်းများနှင့်  ယာဉ်တိုက်မှု အဖြစ်များသည့်‌ နေရာများအား  ယာဉ်အန္တရာယ် ကင်းရှင်းရေးအတွက် ပြင်ဆင်နိုင်ရန်  ဆောင်ရွက်နေကြောင်း သိရသည်။

"မိုးရွာတော့ လမ်းတွေပျက်နေသလို ယာဉ်တိုက်မှုလည်း ခဏခဏဖြစ်တယ်။ အကွေ့နားမှာ လမ်းကလည်း ကျဉ်းတယ်၊ လမ်းညွှန်အမှတ်အသားလည်းမရှိတော့ ယာဉ်တိုက်မှု ခဏခဏဖြစ်တယ်၊ လမ်းတွေတော့ အပြင်နေပြီ လမ်းညွှန် ဆိုင်းဘုတ်တွေတော့ မှာထားတုန်းပဲရှိသေးတယ်။" ဟု တာလေမြို့အုပ်ချုပ်ရေးမှူး ဦးချစ်ကို က တာချီလိတ်သတင်းအေဂျင်စီသို့ ၂၀၂၀ခုနှစ် စက်တင်ဘာလ(၂)ရက်နေ့တွင် ပြောသည်။