တာချီလိတ်တွင် ညမထွက်ရအမိန့်ဖြင့် ဖမ်းဆီးအရေးယူမှု ဒုတိယအကြိမ် ပြန်စမည်

ရှမ်းပြည်နယ် အရှေ့ပိုင်း တာချီလိတ်မြို့မှာ ညမထွက်ရအမိန့် ထုတ်ပြန်ထားပြီး ညပိုင်းဈေးဆိုင်ဖွင့်ထားသူတွေနဲ့ အများပြည်သူတွေသိရှိအောင် လိုက်လံအသိပေးပြီးတဲ့အတွက် အရေးယူမှုတွေစတင်လုပ်ဆောင်သွားမယ်လို့ တာချီလိတ်ခရိုင်အုပ်ချုပ်ရေးမှူးက ပြောပါတယ်။

အရေးယူမှုတွေ လုပ်ဆောင်ပါက ပြည်သူတွေထိခိုက်နိုင်တဲ့အတွက် တတ်နိုင်သမျှ သတ်မှတ်ထားတဲ့ အချိန်တွေမှာ အိမ်ပြင်မထွက်ဖို့လိုတယ်လို့ တာချီလိတ်ခရိုင်အုပ်ချုပ်ရေးမှူးက ပြောပါတယ်။ 

တာချီလိတ်မြို့မှာ ယခင်က ညမထွက်ရအမိန့်တွေကို ချိုးဖောက်တဲ့အတွက် ထောင်ဒဏ် (၃) လ ချမှတ်အရေးယူခံရသူ စုစုပေါင်း (၂၀) ကျော်ရှိခဲ့ပြီး လက်ရှိမှာ ဒုတိယအကြိမ်အဖြစ် ၂၀၂၀ ခုနှစ် စက်တင်ဘာလ (၃) ရက်နေ့ကနေစတင် ပြီးတော့ ပြန်လည် စစ်ဆေး ဖမ်းဆီမှုတွေ လုပ်ဆောင်သွားမှာ ဖြစ်ပါတယ်။၊