ဖားကန့်တွင် နွံကန်ပြိုကျကာ နေအိမ် ၅၀ ကျော်ပါသွားပြီး သေဆုံးသူ ၈ ဦးအထိရှိလာ

ဇန်နဝါရီ 13, 2025 | အခြားဒေသများ| ဒေသဆိုင်ရာသတင်းများ

ကချင်ပြည်နယ် ဖားကန့်မြို့နယ် ဆိပ်မူကျေးရွာအုပ်စု စပေါ့ကျေးရွာရှိ ရတနာအဓိပတိ နွံကန် ယနေ့ ၂၀၂၅ ခုနှစ် ဇန်နဝါရီလ (၁၃)ရက်နေ့ နံနက်အစောပိုင်းတွင် ပြိုကျကာ နေအိမ်(၅၀)ကျော် ပါသွားပြီး လူ(၈)ဦး သေဆုံးသည်ဟု ကနဦးသတင်းသိရသည်။

အဆိုပါနွံကန်သည် ပြိုကျနိုင်ခြေရှိသဖြင့် KIO ဘက်က ဇန်နဝါရီလ (၆)ရက်နေ့တွက် လာရောက်အသိပေးထားပြီး လုပ်ငန်းရပ်ဆိုင်းရန် ပြောဆိုထားရာ ယနေ့နံနက်ပိုင်းတွင် ပြိုကျသွားခြင်းဖြစ်ပြီး လက်ရှိတွင် သေဆုံးသူ(၈)ဦး၏ အလောင်းကို ပြန်လည်ရှာဖွေတွေ့ရှိထားသည်ဟုလည်း ဆိုသည်။