တောင်ကြီး - ကျိုင်းတုံသွားလမ်း စပါယ်ရှယ်တောင် အဆင်းတွင် ကားဘရိတ်ပေါက်မှုကြောင့် လူ(၁)ဦး သေဆုံး
ရှမ်းပြည်နယ်အရှေ့ပိုင်းဒေသအတွင်း တောင်ကြီး - ကျိုင်းတုံသွားလမ်းပေါ် စပါယ်ရှယ်တောင်အဆင်းတွင် (၁၂)ဘီးကား တစ်စီး ဘရိတ်ပေါက်ကာ ယာဉ်မတော်တဆမှုကြောင့် လူ(၁)ဦး သေဆုံးသွားကြောင်း သိရသည်။
တောင်ကြီး - ကျိုင်းတုံ သွားလမ်း စပါယ်ရှယ်တောင်အဆင်းတွင် ယနေ့ ၂၀၂၄ခုနှစ် ဒီဇင်ဘာလ(၁၀)ရက်နေ့ နံနက်(၈)နာရီ ဝန်းကျင်အချိန်က ကားဘရိတ်ပေါက်ကာ ယင်းသို့ ဖြစ်ပွားခြင်း ဖြစ်ကြောင်း သိရသည်။
ကားမတော်တဆမှုကြောင့် ယာဉ်ပေါ်တွင် ပါသူ (၂)ဦး အနက် အမျိုးသား(၁)ဦးမှာ နေရာတွင် သေဆုံးသွားပြီး ကျန်တစ်ဦးမှာ ဒဏ်ရာရရှိသွားကြောင်း သိရသည်။
ဒဏ်ရာရရှိသူအား တိုင်းနေနာရေးကူညီမှုအသင်းက ကျိုင်းတုံပြည်သူ့ဆေးရုံသို့ အရေးပေါ် ကူညီပို့ဆောင်ပေးထားကြောင်း သိရသည်။
Photo: တိုင်းနေနာရေးကူညီမှုအသင်း
