မကွေးတိုင်း ပခုက္ကူခရိုင်အတွင်းရှိ မြို့နယ်အသီးသီးမှ ရဲဘော် (၁၈၂)ဦး ပါဝင်သော သင်တန်းအမှတ်စဥ် (၃)မှာ ၂၀၂၄ ခုနှစ် စက်တင်ဘာလ (၇)ရက်နေ့တွင် သင်တန်းဆင်းပြီဖြစ်ကြောင်း မြိုင် ပကဖ ကထုတ်ပြန်သည်။ 

သင်တန်းမှာ (၂)လခွဲကြာမြင့်ပြီး သင်တန်းဆင်းပွဲအား တော်လှန်ရေးနယ်မြေတစ်နေရာ၌ ပြုလုပ်ခဲ့ကာ အဆိုပါ သင်တန်းဆင်းပွဲသို့ မြိုင်ပကဖတာဝန်ခံနှင့် ပေါက်အုပ်ချုပ်ရေး၊ ကာကွယ်ရေးတာဝန်ခံ၊ ကမ္မတပ်ပေါင်းစုတာဝန်ခံများ တက်ရောက်ခဲ့သည်ဟု သိရသည်။

screenshot_2024-09-09_184718.png

သင်တန်းဆင်းပွဲအခမ်းအနားကို သင်တန်းသားရဲဘော်များမှ စစ်ကြောင်းပုံစံဖြင့် ခေါင်းဆောင်အသီးသီးအား ချီတက်အလေးပြုခြင်း၊ အမှာစကားများပြောကြားခြင်း၊ အလံကိုင်သစ္စာဆိုခြင်း၊ သွေးသစ္စာသီချင်းသီဆိုခြင်းတို့ဖြင့် အခမ်းအနားပြီဆုံးကြောင်း သိရသည်။

#TachileikNewsAgency

Photo: မြိုင်-ပကဖ