နိုင်ငံတော်၏ အနာဂတ်ကို ကယ်တင်ရန် စစ်ကောင်စီမှ တိုင်းမှူး၊ တပ်မမှူး၊ စကခမှူးများ အမျိုးသားညီညွတ်ရေးအစိုးရ (NUG) နှင့် တိုင်းရင်းသားတော်လှန်ရေးတပ်ဖွဲ့ (EROs) များနှင့် ဆက်သွယ်ပြီး အတူပူးပေါင်းဆောင်ရွက်ရန် ပြည်သူ့ရင်ခွင်-People’s Embrace က တိုက်တွန်းသည်။
စစ်ခေါင်းဆောင် မင်းအောင်လှိုင်နှင့် ထိပ်ပိုင်းစစ်ဗိုလ်ချုပ်ကြီးများအား ဖမ်းဆီးဖယ်ရှားပြီး တပ်မတော်နှင့် နိုင်ငံတော်၏ အနာဂတ်ကိုကယ်တင်ရန် ၊ ဒီမိုကရေစီစံနူန်းနှင့်အညီ အရပ်ဘက်ကွက်ကဲမှုကို လေးစားလိုက်နာပြီး တပ်မတော်၏ နိုင်ငံတော်ကာကွယ်ရေး မူလတာဝန်ကိုသာ ထမ်းဆောင်ရန်နှင့် ဖက်ဒရယ်တပ်မတော်ပေါ်ပေါက်ရေး ပြုပြင်ပြောင်းလဲရန်အတွက် တိုင်းမှူး၊ တပ်မမှူး၊ စကခမှူးများအနေဖြင့် NUG နှင့် EROs များနှင့် ပူးပေါင်းဆောင်ရွက်ရန် ပြည်သူ့ရင်ခွင်က တိုက်တွန်းထားသည်။
နိုင်ငံတော်နှင့် တပ်မတော်ကို ဖျက်ဆီးနေသည့် စစ်ခေါင်းဆောင် မင်းအောင်လှိုင်၏ လက်အောက်တွင် မည်သည့်အရာရှိကြီးများမှ အသက် ၊ ရာထူး ၊ စည်းစိမ် ၊ မိသားစုအနာဂတ်အတွက် လုံခြုံမှုမရှိတော့ဘဲ လက်ရှိရင်ဆိုင်နေရသည့် အခြေအနေအရပ်ရပ်ကို အချိန်မီ ရပ်တန့်ဖြေရှင်းနိုင်ရန်အတွက် လက်တွဲပူးပေါင်းဆောင်ရွက်ရန် ဖိတ်ခေါ်ခြင်းဖြစ်ကြောင်း ပြည်သူ့ရင်ခွင်-People’s Embrace က ဆိုသည်။
ပြည်သူ့ရင်ခွင် People’s Embrace အဖွဲ့သည် NUG ၊ MOD ၏ မိတ်ဖက်အဖွဲ့အစည်းအနေဖြင့် စစ်ကောင်စီတပ်နှင့်ရဲကို စွန့်ခွာလိုသူများအတွက် ကူညီဆောင်ရွက်ပေးနေသည့် လွတ်လပ်သော တော်လှန်ရေးအဖွဲ့အစည်းတစ်ခုဖြစ်သည်။
#TachileikNewsAgency
Photo: ပြည်သူ့ရင်ခွင် - People's Embrace
