မန္တလေးတိုင်း ပြင်ဦးလွင်-မိုးကုတ်ကားလမ်း ဒိုးပင်ကျေးရွာအနီးတွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေးတပ်များ ပြီးခဲ့သည့် ၂၀၂၃ခုနှစ် အောက်တိုဘာလ (၉)ရက်နေ့က တိုက်ပွဲဖြစ်ပွားခဲ့ရာ နှစ်ဖက်ကျဆုံးမှုရှိပြီး စစ်ကောင်စီတပ်ထံမှ လက်နက်ခဲယမ်းများကို သိမ်းဆည်းရရှိခဲ့ကြောင်း မန္တလေး PDFထံမှ သိရသည်။

တအာင်းအမျိုးသားလွတ်မြောက်ရေးတပ်မတော်(TNLA)နှင့် ပူးပေါင်းလုပ်ဆောင်နေသည့် ကနောင်စစ်ဆင်ရေး၏ အစိတ်အပိုင်းတစ်ခုအဖြစ် ဒိုးပင်ကျေးရွာအနီးတွင် တိုက်ပွဲဖြစ်ပွားခဲ့ရာ စစ်ကောင်စီတပ်သားအများအပြား သေဆုံးသည်ကို မန္တလေး PDFက အောက်တိုဘာလ(၁၆)ရက်နေ့တွင် ထုတ်ပြန်ထားသည့် ရုပ်သံတွင် တွေ့ရသည်။ 

တိုက်ပွဲမှာ ပြင်းထန်ခဲ့ပြီး စစ်ကောင်စီတပ်ဖွဲ့ထံမှ လက်နက်ခဲယမ်းများကို သိမ်းဆည်းရရှိခဲ့ကာ မန္တလေး PDFမှ ရဲဘော်(၃)ဦးလည်း ကျဆုံးခဲ့ရကာ အသေးစိတ်အချက်အလက်ကိုမူ ထုတ်ပြန်ထားခြင်းမရှိပါ။

#TachileikNewsAgency

Photo : မန္တလေး PDF