တာချီလိတ်မြို့ ဆန်ဆိုင်း(ခ)ရပ်ကွက်အတွင်း 1G1 ဟိုတယ်အနောက်ဘက်ရှိ မယ်ဆိုင်ချောင်းအတွင်း ငါးမျှားနေရင်း ချောင်းထဲကျသွားသည့် အမျိုးသားတစ်ဦးကို ရှာဖွေနေလျက်ရှိကြောင်း သိရသည်။
မယ်ဆိုင်ချောင်းအတွင်း ကမ်းစပ်ရှိ ကျောက်တုံးတွင် ၂၀၂၂ခုနှစ် စက်တင်ဘာလ(၁၇)ရက်နေ့ ညနေ(၄)နာရီကျော်အချိန်က ငါးမျှားနေရင်း ချော်ကျသွားရာမှ ရေနစ်မြှုပ်သွား၍ ယနေ့ စက်တင်ဘာလ(၁၈)ရက်နေ့ နံနက်ပိုင်းအထိ ဦးလှမိုး (တာချီလိတ်)လူမှုကူညီရေးအသင်းက ဆက်လက် ကူညီ ရှာဖွေပေးနေဆဲ ဖြစ်ကြောင်း သိရသည်။
ရေထဲကျသွားသူမှာ တာချီလိတ်မြို့ ရန်အောင်မြေ ရပ်ကွက်အတွင်း ပါလျှံ(၂)တွင် နေထိုင်သူ အသက်(၄၄)နှစ်အရွယ် ဦးထွန်းထွန်းဝင်းဖြစ်သည်ဟု သိရသည်။
ရေထဲ မျှောသွားသူကို ချောင်းဘေးတလျှောက် တွေ့ရှိရပါက ဖုန်း 09442747077၊ 09690876226 နှင့် 09447222363 သို့ ဆက်သွယ်အကြောင်းကြားပေးပါရန်လည်း ဦးလှမိုး (တာချီလိတ်)လူမှုကူညီရေးအသင်းက အသိပေးထားရှိသည်။
#TachileikNewsAgency
Photo: ဦးလှမိုး (တာချီလိတ်)လူမှုကူညီရေးအသင်း
