မကွေးတိုင်းဒေသကြီး နတ်မောက်မြို့ရဲ့ မြို့မဈေးအတွင်းမှာ ဒီနေ့ ၂၀၂၁ခုနှစ် နိုဝင်ဘာလ(၁၃)ရက်နေ့ ည(၉)နာရီ (၄၅)မိနစ်ဝန်းကျင်အချိန်က စပြီးမီးလောင်မှုဖြစ်ပွားနေပါတယ်။
မီးလောင်တဲ့နေရာကို မကွေးတိုင်းဒေသကြီးအတွင်းထဲက မီးသတ်ကား(၁၀)စီးကျော် အပါအဝင် ဒေသခံပြည်သူများနဲ့ဝိုင်းဝန်းငြိမ်းသတ်တဲ့အခါမှာ မီးညွှန်ကျိုးသွားပြီး ည(၁၁)နာရီ (၁၅)မိနစ်ဝန်းကျင်မှာ မီးထိန်းနိုင်တယ်လို့ မီးသတ်တပ်ဖွဲ့က သတင်းထုတ်ပြန်ထားပါတယ်။၊
မီးလောင်တဲ့အချိန်မှာ လေတိုက်နှုန်းလည်း အနည်းငယ်ရှိပြီး ဈေးအတွင်းထဲက ဈေးအလယ် တောင်မြောက်လမ်းနဲ့ အရှေ့ဘက်အတွင်း တစ်ခြမ်းလုံး မီးလောင်ကျွမ်းသွားတယ်လို့ ဒေသခံများထံက သိရပါတယ်။၊
