၂၀၁၃ခုနှစ် အောက်တိုဘာလ ၂၉ရက် ညနေ ၅နာရီခွဲအချိန်ခန့်က မူးယစ်တပ်ဖွဲ့စု(၃၀)တာချီလိတ်မှ ဦးဆောင်သော ပူးပေါင်းအဖွဲ့တို့သည် ဟောင်လိတ်ကျေးရွာအုပ်စု၊ လွယ်စတုံ အထက်ရွာ၌ မူးယစ်ဆေးဝါး သတင်းအရ စိတ်ကြွဆေးပြား ၃၄၄ ပြားအား တရားခံနှင့်အတူ ဖမ်းဆီးရမိကြောင်း သတင်းရရှိသည်။

တာချီလိတ်မြို့နယ်၊ ဟောင်လိတ်ကျေးရွာအုပ်စု၊ လွယ်စတုံ အထက်ရွာတွင် အဆိုပါ ပူးပေါင်းအဖွဲ့မှ မူးယစ်ဆေးဝါး သတင်းအရ  ဦးအားxxx၏ နေအိမ်အား ၀င်ရောက်ရှာဖွေရာ အိမ်ရှင်ဖြစ်သူ ဦးအားxxx နှင့် ဒေါ်မီxxx တို့အား နေအိမ်တွင် အသင့်တွေ့ရှိနေရပြီး နေအိမ် အိပ်ခန်း အတွင်းသို့ ရှာဖွေရာ အိပ်ယာအောက်မှ အပြာရောင် ပလပ်စတစ်ကပ်ခွာအိတ်ဖြင့် ထည့်ထားသည့် WY စာတန်းပါ လိမ္မော်ရောင် စိတ်ကြွဆေးပြား ၂၀၀ ပြားပါသည့် ၁ထုတ် နှင့် ၁၄၄ ပြား ပါသည့် ၁ထုပ် စုစုပေါင်း ၃၄၄ ပြားအား ရှာဖွေတွေ့ရှိရကြောင်း သိရသည်။

အဆိုပါ ပူးပေါင်းအဖွဲ့တို့သည့် မူးယစ်ဆေးဝါးများအား သိမ်းဆည်းခဲ့ကြပြီး မူးယစ်ဆေးဝါးနှင့်အတူ လက်ဝယ်တွေ့ရှိရသူ အသက် ၅၅ နှစ် အရွယ်ရှိ ဦးအားxxx နှင့် အသက် ၅၆ နှစ် အရွယ်ရှိ ဒေါ်မီxxx တို့အား ဖမ်းဆီးခဲ့ပြီးနောက် တာချီလိတ်မြို့မရဲစခန်းမှ မယ(ပ) ၁၃၈/၂၀၁၃၊ မူး/စိတ်ပုဒ်မ ၁၅/၁၉(က)/၂၁ အရ အရေးယူထားရှိကြောင်း သတင်းရရှိသည်။