တာချီလိတ်မြို့၊ ဟောင်လိတ်ကျေးရွာအုပ်စု၊ ပါလျှံ(၁)ရပ်ကွက်၊ အာခါဈေးကွက်သစ်လမ်းသွယ်ရှိ နေအိမ်တိုက်ခန်းငှား၌ မူးယစ်တပ်ဖွဲ့စု(၃၀)တာချီလိတ်မှ ပါဝင်သော ပူးပေါင်းအဖွဲ့တို့မှ စိတ်ကြွဆေးပြား အနည်းငယ်အား ၂၀၁၃ခုနှစ် နိုဝင်ဘာလ ၁၉ရက် နေ့လည် ၁၁နာရီ၃၀မိနစ်အချိန်ခန့်က တရားခံနှင့်အတူ ဖမ်းဆီးရမိကြောင်း သတင်းရရှိသည်။

ဖြစ်စဉ်မှာ အဆိုပါ ပူးပေါင်းအဖွဲ့တို့သည် ပါလျှံ(၁)ရပ်ကွက်၊ အာခါဈေးကွက်သစ်လမ်းသွယ်ရှိ နေအိမ်တိုက်ခန်းငှားအမှတ် (၃_ _ )ရှိ ဦးဝင်းxx၏ နေအိမ်ခန်းအား မူးယစ်ဆေးဝါး သတင်းအရ ၀င်ရောက်ရှာဖွေစစ်ဆေးရာ နေအိမ် အိပ်ခန်း အတွင်းမှ တန်ဖိုးငွေ ၁၃၄၀၀၀ကျပ်ရှိ Wy စာတမ်းပါ နီညိုရောင် စိတ်ကြွဆေးပြား ၆၇ပြားအား တွေ့ရှိရ၍ အသက် ၄၀နှစ်ရှိ ဦးဝင်းxxxအား တာချီလိတ်မြို့မရဲစခန်းမှ မယ(ပ)၁၄၉/၂၀၁၃၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေပုဒ်မ ၁၅/၁၉(က)အရ အရေးယူဆောင်ရွက်ထားရှိကြောင်း သတင်းရရှိသည်။

Email: [email protected]

~⊱•❈❀ღ✿⊰❂⊱✿ღ❀❈•⊰