ယနေ့ ( ၂.၁၂.၂၀၁၃ )နေ့လည် ၁၁နာရီ ၅၀မိနစ် အချိန်ခန့်က မူးယစ်တပ်ဖွဲ့စု(၃၀)တာချီလိတ်ပါဝင်သည့် ပူးပေါင်းအဖွဲ့မှ တာချီလိတ်မြို့ ဆန်ဆိုင်း(ခ)ရပ်ကွက်၊ ၀မ်မိုင်ကျေးရွာ၌ စိတ်ကြွဆေးပြား ( ၃၉၉)ပြားအား တရားခံနှင့်အတူ ဖမ်းဆီးရမိကြောင်း သတင်းရရှိသည်။

ဖြစ်စဉ်မှာ ဆန်ဆိုင်း(ခ)ရပ်ကွက်၊ ၀မ်မိုင်ကျေးရွာအတွင်း၌ အဆိုပါ ပူးပေါင်းအဖွဲ့တို့သည် မူးယစ်ဆေးဝါး သတင်းအရ စောင့်ဆိုင်းနေကြစဉ် လီလောက်xxxသည် ဆိုင်ကယ်ဖြင့် လမ်းမပေါ်သို့ ရောက်ရှိလာရာ ပူးပေါင်းအဖွဲ့မှ ရပ်တန့်စစ်ဆေး ရှာဖွေသည့်အခါမှာ လီလောက်xx ၀တ်ဆင်ထားသော ကုတ်အင်္ကျီလက်ရှည် အိတ်ကပ်အတွင်းမှ တန်ဖိုးငွေ ကျပ်ဆယ်သိန်းခန့်ရှိသည့် Wy စာတမ်းပါ ပန်းရောင် စိတ်ကြွဆေးပြား (၃၉၉)ပြားအား ရှာ ဖွေတွေ့ရှိရ၍ မူးယစ်ဆေးဝါးနှင့်အတူ လက်ဝယ်တွေ့ရှိရသူ အသက်(၃၃)နှစ်ရှိ လီလောက်xxx အား တာချီလိတ်မြို့မရဲစခန်းမှ မူးယစ်(ပ)၁၆၁/၂၀၁၃၊ မူး/စိတ်ပုဒ်မ ၁၅/၁၉(က)အရ အမှုဖွင့်အရေးယူ ဆောင်ရွက်ထားရှိကြောင်း သတင်းရရှိသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~