ထိုသို့ လှူဒါန်းရာတွင် ဒီဇင်ဘာလ (၁၂)ရက်နေ့က နေပြည်တော်မှ ထွက်ခွာလာခဲ့ပြီး သာဝတ္တိမြို့ရှိ "စမတောင် မဟာ ပရဟိတဂေဟာ" သို့ သွားရောက်ကာ ကျပ် (၃၅)သိန်းအား လှူဒါန်းခဲ့ရာ မိဘမဲ့ ကလေးသူငယ်ပေါင်း (၃၀၀)ကျော်ရှိကြောင်းလည်း သိရသည်။ ထိုမှတဆင့် ဆက်လက်၍ ခရီးထွက်လာခဲ့ပြီး ဒီဇင်ဘာလ(၁၆)ရက်နေ့က ပြင်ဦးလွင်မြို့နယ်ရှိ ဒိုးပင် အောင်ကံသာ ပရဟိတ လူငယ်ဖွံ့ဖြိုးရေးကျောင်းသို့ ၀င်ရောက်၍ ကျပ်သိန်း(၃၀) လှူဒါန်းခဲ့ကြောင်း သိရသည်။ အဆိုပါ ပရဟိတလူငယ်ဖွံ့ဖြိုးရေးကျောင်းတွင် မိဘမဲ့ ကလေးသူငယ်ပေါင်း (၁၆၄၂)ဦးရှိကြောင်းလည်း သိရှိရသည်။
ဆက်လက်၍ ဆိုင်ကယ်အဖွဲ့သည် ထိုမှ ထွက်ခွာလာခဲ့ကြပြီး တောင်ကြီးမြို့သို့ ရောက်ရှိရာ ဘုရားဖြူရပ်ကွက်ရှိ သူငယ်တော်ယေဇူးကျောင်း မသန်စွမ်း နှင့် မိဘမဲ့ ဂေဟာတွင် မသန်စွမ်း ဦးရေ (၁၅၀)ကျော် နှင့် မိဘမဲ့ ကလေးသူငယ် (၄၀)ကျော်တို့ရှိရာ အဆိုပါအဖွဲ့သားများမှ စုပေါင်း၍ ကျပ်ငွေသိန်း(၃၀)တို့ကို ပေးအပ်လှူဒါန်းခဲ့ကြကြောင်း သိရသည်။
"ကျွန်တော်တို့အဖွဲ့က လူမျိုးဘာသာ မခွဲခြားပဲ ပရဟိတဘုန်းကြီးကျောင်းနဲ့ ခရစ်ယာန်ကျောင်းမှာလည်း မိဘမဲ့ ကလေးသူငယ်တွေ မသန်စွမ်း ကလေးသူငယ်တွေအတွက် အဖွဲ့သားတွေအားလုံး စုပေါင်းပြီးတော့ တတ်နိုင်သလောက် လှူဒါန်းဖြစ်ခဲ့ပါတယ်.."ဟု Eastern Eagle Riders MC မှ အဖွဲ့သားတစ်ဦးဖြစ်သူ ကိုနော်ခမ်းက တာချီလိတ်အွန်လိုင်းသို့ ဖုန်းဖြင့် ဆက်သွယ်၍ ပြောပြသည်။
Eastern Eagle Riders MC အဖွဲ့သည် တောင်ကြီးမြို့မှ တာချီလိတ်သို့ စတင်ထွက်ခွာလာပြီး ဒီဇင်ဘာလ (၂၀)ရက်နေ့မှာ တာချီလိတ်မြို့သို့ ပြန်လည်ရောက်ရှိမှာ ဖြစ်ကြောင်း သိရှိရသည်။
