(၆၆)နှစ်မြောက် လွတ်လပ်ရေးနေ့ နိုင်ငံတော်အလံတင် အခမ်းအနားကို ဇန်န၀ါရီ(၄)ရက် ၊ နံနက် (၄)နာရီ (၂၀)မိနစ်က မိုင်းဖြတ်မြို့၊  ပြည်သူ့ပန်းခြံရှိ လွတ်လပ်ရေးကျောက်တိုင်ရှေ့၌ ကျင်းပပြုလုပ်ရာ
မြို့နယ်အုပ်ချုပ်ရေးမှူး ဦးအောင်မြင့်ကျော် နှင့် ခရိုင်၊ မြို့နယ်အဆင့် ဌာနဆိုင်ရာအကြီးအကဲများ တက်ရောက်သည်။

ရှေးဦးစွာ ဂုဏ်ပြုတပ်ဖွဲ့က နေရာယူပြီး၊ နိုင်ငံတော်အလံတင်အဖွဲ့က မင်္ဂလာအချိန်တွင် နိုင်ငံတော်အလံကိုလွှင့်တင်ပေးပြီး၊ တက်ရောက်လာသည့်  ဌာနဆိုင်ရာများက အလေးပြုခဲ့ကြသည်။ဆက်လက်၍ နံနက် (၇)နာရီတွင် အဆိုပါနေရာ၌  ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ အဂ္ဂမဟာသရေစည်သူ၊ အဂ္ဂမဟာသီရိသုဓမ္မ  ဦးသိန်းစိန် ထံမှ  ၂၀၁၄ခုနှစ်  (၆၆)နှစ်မြောက် လွတ်လပ်ရေးနေ့ အခမ်းအနားသို့ ပေးပို့သော သ၀ဏ်လွှာအား မြို့နယ်အုပ်ချုပ်ရေးမှူး  ဦးအောင်မြင့်ကျော် က  ဖတ်ကြားသည်။

အခမ်းအနားသို့ ပြည်သူ့လွှတ်တော်ကိုယ်စားလှယ် ဦးစိုင်းကျောက်၊ ခရိုင်/မြို့နယ် ဌာနဆိုင်ရာများ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီဝင်များ၊ နိုင်ငံရေးပါတီများ၊လူမှုရေးအသင်းအဖွဲ့များ၊ ရပ်ကွက်/ကျေးရွာအုပ်ချုပ်ရေးမှူးများနှင့်  တိုင်းရင်းသားပြည်သူများ တက်ရောက်သည်။

မိုင်းဖြတ်မြို့တွင် လွတ်လပ်ရေးနေ့အထိမ်းအမှတ်အဖြစ် မိုင်းဖြတ်-အထကကျောင်း၌       အပြေးပြိုင်ပွဲ၊ ပိုက်ကျော်ခြင်းပြိုင်ပွဲ၊ ထုပ်ဆီးထိုးပြိုင်ပွဲများကို  ကျောင်းသား/သူများ က     ပျော်ရွှင်စွာ ပါဝင်ဆင်နွှဲကြကြောင်း သိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~