တာချီလိတ်မြို့၌ အိမ်ထောင်စုစာရင်းရှိသူတိုင်း ၁၅၀၀ ကျပ်တန် တန်ဖိုးနည်းဖုန်းကဒ်များကို လစဉ် လျှောက်ထားနေကြလျှက်ရှိရာ ယခုအခါမှာ တာချီလိတ်ခရိုင်အတွင်းရှိ သက်ပြည့် အငြိမ်းစား ၀န်ထမ်းများအား ဦးစားပေးသည့် အနေဖြင့် ၁၅၀၀ ကျပ်တန် တန်ဖိုးနည်း WCDMA ဖုန်းကဒ်များကို မဲနိုက် ရောင်းချစနစ်မဟုတ်ပဲ စာရင်းပေးသွင်း၍ ချက်ချင်းဝယ်ယူရရှိနိုင်ရန်အတွက် သက်ပြည့် အငြိမ်းစား များအား ပထမအကြိမ်အဖြစ် ယခုလ၌ အဆိုပါ ဖုန်းကဒ် (၁၀၀)ကဒ်ကို ချထားပေးလာကြောင်း သိရသည်။

WCDMA ဖုန်းကဒ်များကို၂၀၁၄ခုနှစ် ဖေဖော်ဝါရီလ (၃)ရက်နေ့မှ စတင်၍ တာချီလိတ်မြို့နယ်အထွေထွေအုပ်ချုပ်ရေးဦးစီးဌာနရုံးတွင် ရောင်းချပေးမည်ဖြစ်ရာ တာချီလိတ်ခရိုင်အတွင်းရှိ သက်ပြည့် အငြိမ်းစား ၀န်ထမ်းများအနေဖြင့် အောက်ဖော်ပြပါ အချက်အလက် အပြည့်အစုံကို ဖော်ပြ၍ ၀ယ်ယူရရှိနိုင်မှာ ဖြစ်ကြောင်း သိရသည်။

လိုအပ်သော အထောက်အထား

• ၁။ မိခင်ဌာနမှ ထုတ်ပေးသော သက်ပြည့်ပင်စင် ခံစားခွင့်ပြုအကြောင်းကြားစာ။
• ၂။ မြန်မာ့စီးပွားရေးဘဏ်မှ ထုတ်ပေးသော ပင်စင်စမတ်ကဒ် ရှေ့နောက်မိတ္တူ။
• ၃။ မှတ်ပုံတင်မိတ္တူ။
• ၄။ လိုင်စင်ဓာတ်ပုံ (၂)ပုံ။

(မှတ်ချက်။ သက်ပြည့်ပင်စင်များသာ၊ နာမကျန်း၊ လုပ်သက်ပြည့်နှင့် အခြားပင်စင်များ အကျုံးမ၀င်။)

ဖုန်းကဒ်များကို ၀ယ်ယူရာတွင် အထက်ဖော်ပြပါ အချက်အလက်စုံလင်ပါက သတ်မှတ်ရက် စောင့်ဆိုင်းစရာမလိုပဲ ချက်ချင်းလက်ငင်း ၀ယ်ယူရရှိနိုင်မှာဖြစ်ပြီး အဆိုပါ WCDMA အမျိုးအစားသည် လက်ရှိအသုံးပြုနေသော GSM ဖုန်းများတွင် ထည့်သွင်း၍ အသုံးပြုနိုင်သော ဖုန်းကဒ်အမျိုးအစား ဖြစ်သည့်အတွက် ဟန်းဆက် ရွေးချယ်ရန် အခက်မတွေ့နိုင်ကြောင်းလည်း သိရှိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~