တာချီလိတ်မြို့ရှိ မဇ္ဈိမလူမှုကူညီရေးအသင်းမှ ဖိတ်ကြားအချက်အရ ဖေဖော်ဝါရီလ (၆)ရက်နေ့နှင့် (၇)ရက်နေ့တို့တွင် တာချီလိတ်မြို့ အောင်မြတ်ခန်းမ၌ ပြုလုပ်မည့် စာပေဟောပြောပွဲအတွက် ရောက်ရှိလာသော စာရေး ဆရာဦးဘုန်း(ဓါတု) နှင့် စာရေးဆရာ ညီမင်းညို ( ဒေါက်တာ ညီပေါက် [ဘိုင်အို ဆရာ] )တို့သည် ပညာဒါနအဖြစ် အခြေခံပညာအထက်တန်းကျောင်း(ဆန်ဆိုင်း) နှင့် မကာဟိုခမ်းရပ်ကွက်ရှိ ရွှေမဟာကိုယ်ပိုင် အထက်တန်းကျောင်းတို့၌ အဆိုပါ စာရေးဆရာနှစ်ဦးမှ ဓါတုဘာသာရပ်နှင့် ဘိုင်အိုဘာသာရပ်များကို ယနေ့ ဖေဖော်ဝါရီလ(၆)ရက် မွန်းလွဲ(၁း၃၀)နာရီအချိန်က အလှည့်ကျ သင်ကြားပေးခဲ့ကြသည်။

ထိုသို့သင်ကြားရာတွင် စာရေးဆရာ ညီမင်းညိုမှ အ.ထ.က(ဆန်ဆိုင်း)၌ ဘိုင်အိုဘာသာရပ်ကို ဦးစွာသင်ကြားပို့ချပေးရာ အ.ထ.က(ဆန်ဆိုင်း)ကျောင်းအုပ်ဆရာကြီး ဦးဝင်းမြင့် နှင့် ဆရာ/မများက လိုအပ်သည်များကို ဆောင်ရွက်ပေးပြီး သင်ကြားမှုကို အ.ထ.က(တာချီလိတ်)၊ အ.ထ.က(ဆန်ဆိုင်း)၊ အ.ထ.က(ဟောင်လိတ်)မှ တက္ကသိုလ်ဝင် ကျောင်းသား/သူများ နှင့် အပြင်ကျောင်းသား/သူ စုစုပေါင်း အယောက်(၃၀၀)ခန့် လာရောက် သင်ယူမှတ်သားခဲ့ကြသည်။

တဆက်တည်းမှာပင် ရွှေမဟာကိုယ်ပိုင် အထက်တန်းကျောင်း၌ ကျောင်းအုပ်ဆရာကြီး ဦးခင်မောင်မြင့်နှင့် ဆရာ/မများက လိုအပ်သည်များကို ဆောင်ရွက်ပေးပြီး စာရေးဆရာ ဦးဘုန်း(ဓါတု)မှ ဓါတုဘာသာရပ်ကို သင်ကြားပို့ချရာ အဆိုပါကျောင်းမှ (၉)တန်း နှင့် (၁၀)တန်းကျောင်းသား/သူ အယောက်(၃၀၀)ခန့် သင်ယူမှတ်သားခဲ့ကြသည်။

လွန်ခဲ့သော ၂၀၁၃ခုနှစ် မတ်လ(၂)ရက်နေ့က အဆိုပါ စာရေးဆရာနှစ်ဦးမှပင် တာချီလိတ်မြို့သို့ စာပေဟောပြောပွဲအတွက် ရောက်ရှိလာရင်း ပညာဒါန အစီစဉ်အဖြစ် အခြေခံပညာအထက်တန်းကျောင်း (ဆန်ဆိုင်း)တွင် ယခုအတိုင်း တာချီလိတ်မြို့နယ်ရှိ တက္ကသိုလ်ဝင်ကျောင်းသား/သူများအား ဘာသာရပ်နှစ်ခုကို သင်ကြားပို့ချပေးခဲ့ရာ ယခုအကြိမ်သည် ဒုတိယအကြိမ်ဖြစ်ကြောင်း သိရှိရသည်။

ပုံများကိုကြည့်ရန်
စာရေးဆရာ ဦးဘုန်း(ဓါတု) နှင့်ညီမင်းညိုတို့မှ ဓါတု ဘိုင်အို ပို့ချ

Email: [email protected]

~⊱•❈❀ღ✿⊰❂⊱✿ღ❀❈•⊰~