ရှမ်းပြည်နယ် အရှေ့ပိုင်းဒေသ တာချီလိတ်မြို့နယ် တော်ကော့(အတွင်း)ရပ်ကွက်တွင် ကျပ်သိန်းပေါင်း (၄၀၀၀)ခန့်တန်ဖိုးရှိသည့် စိတ်ကြွဆေးပြားများကို ယနေ့ ၂၀၁၄ခုနှစ် ဧပြီလ(၂၇)ရက် မွန်းလွဲ(၁း၁၅)မိနစ် အချိန်ခန့်က မူးယစ်တပ်ဖွဲ့စု(၃၀)တာချီလိတ် ပါဝင်သည့် ပူးပေါင်းအဖွဲ့မှ တရားခံ(၅)ဦးနှင့်အတူ ဖမ်းဆီးရရှိကြောင်း သတင်းရရှိသည်။

အဆိုပါကိစ္စနှင့် ပတ်သက်၍ ဖြစ်စဉ်မှာ တာချီလိတ်မြို့နယ်၊ တော်ကော့(အတွင်း)ရပ်ကွက်၊ အိမ်အမှတ်(တကက-xxx)ရှိ ဒေါ်xxဟူ၏ နေအိမ်အား မူးယစ်ဆေးဝါး သတင်းပေးချက်အရ အဆိုပါ ပူးပေါင်းအဖွဲ့မှ  ၀င်ရောက် စစ်ဆေးရှာဖွေရာ အိမ်ရှင်ဖြစ်သူ ဒေါ်xxxဟူ နှင့်အတူ မxxxလျှန်း၊ မအုတ်xx၊ မောင်xxခွား နှင့် မောင်ညီxxx၊တို့အား အသင့်တွေ့ရှိရပြီး ဆက်လက်ရှာဖွေရာ ရှမ်းစက္ကူဖြင့်ပတ်ထားပြီး အပြာရောင် ပလပ်စတစ်အိတ်များဖြင့် ထည့်လျက် ကာလတန်ဖိုးငွေ ကျပ်သိန်းပေါင်း (၄၀၀၀)ခန့်တန်ဖိုးရှိသော Wy စာတမ်းပါ နီညိုရောင် စိတ်ကြွဆေးပြား (၁၆၀၀၀၀)ပြားကို ရှာဖွေ တွေ့ရှိရကြောင်း သိရသည်။

~~~~~~~~~~~~~~~~~~ ~~~~~~~~~~~~~~~~~~~~