ရှမ်းပြည်နယ် မြောက်ပိုင်းဒေသ မူဆယ်မြို့တွင် စိတ်ကြွဆေးပြား ၄၀၀၀ တိတိကို မူးယစ်တပ်ဖွဲ့စု (၂၂)မူဆယ်၊ မြို့ပေါ်လှုပ်ရှားအဖွဲ့မှ ရဲအုပ် ဇော်မင်းသိန်း ဦးစီးသည့် တပ်ဖွဲ့ဝင်များနှင့် ပူးပေါင်းအဖွဲ့တို့မှ ဇူလိုင်လ(၆)ရက် နေ့လည် (၁၂း၄၅)နာရီအချိန်ခန့်က တရားခံနှစ်ဦးနှင့်အတူ ဖမ်းဆီးရရှိကြောင်း သတင်းရရှိသည်။

ဖြစ်စဉ်မှာ အဆိုပါ ပူးပေါင်းအဖွဲ့တို့သည် မူဆယ် - နမ့်ခမ်းသွားကားလမ်းမ နှင့် လွယ်ဆုတောင်းစေတီအနီးတွင် မူးယစ်ဆေးဝါးနှင့် ပတ်သက်၍ သတင်းရရှိထားသည့်အတွက် စောင့်ဆိုင်းနေကြစဉ် နမ့်ခမ်းမြို့ဘက်မှ မူဆယ်မြို့ဘက်သို့ ဂမ်အောင် စီးနင်း မောင်းနှင်လာသည့် ဆိုင်ကယ်နှင့် တုန်းကျင်ပေါက် စီးနင်းမောင်းနှင်လာသည့် ဆိုင်ကယ်တို့အား စစ်ဆေးရှာဖွေရန် ရပ်တန့်စဉ် တုန်းကျင်ပေါက်သည် ဆိုင်ကယ်အား ရပ်တန့်ပြီး ထွက်ပြေးသဖြင့် အဆိုပါ ပူးပေါင်းအဖွဲ့မှ လိုက်လံဖမ်းဆီးရာ ပြန်လည်ဖမ်းဆီးရမိခဲ့ပြီးနောက် ၎င်းတို့အား ဆက်လက်ရှာဖွေရာ ဂမ်အောင် မောင်းနှင်လာသော ဆိုင်ကယ်ဂွကြားတွင် သယ်ဆောင်လာသည့် 88 နှင့် 1 စာတမ်းပါ ပန်းရောင်စိတ်ကြွဆေးပြား (၄၀၀၀)ပြားတို့ကို ရှာဖွေတွေ့ရှိရကြောင်း သိရသည်။

ထိုသို့ စိတ်ကြွဆေးပြားများအား အရောင်းအ၀ယ်ပြုလုပ်ရန် သယ်ဆောင်လာကြသူများဖြစ်သည့် အဆိုပါ နှစ်ဦးအား ရဲအုပ် ဇော်မင်းသိန်းမှ တရားလိုပြုလုပ်၍ မူဆယ်မြို့မရဲစခန်းမှ မယ(ပ) ၅၄/၂၀၁၄၊ မူး/စိတ် ပုဒ်မ ၁၅/၁၉(က)/၂၁ အရ အမှုဖွင့်အရေးယူ ဆောင်ရွက်ထားရှိကြောင်း သိရှိရသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~