ရှမ်းပြည်နယ် အရှေ့ပိုင်းဒေသတစ်ခုဖြစ်သည့် တာချီလိတ်ခရိုင် တာချီလိတ်မြို့နယ် ဆန်ဆိုင်း(ခ)ရပ်ကွက် အပိုင်ဖြစ်သော ၀မ်မိုင်ကျေးရွာထဲတွင် မြေယာပိုင်ဆိုင်မှု ပြဿနာများဖြစ်ပွားနေသည့် ကိစ္စနှင့် ပတ်သက်၍ သိရှိနိုင်ရန်အတွက် သက်ဆိုင်ရာများမှ ယနေ့ ဇူလိုင်လ(၁၂)ရက် နံနက်(၁၀း၃၀)နာရီ အချိန်က မြေပြင်ကွင်းဆင်းလေ့လာခဲ့ကြသည်။
မြေယာပိုင်ဆိုင်မှု ပြဿနာများဖြစ်ပွားနေသည့် ကိစ္စများအား သိရှိနိုင်ရန်အတွက် ပြည်နယ်လွှတ်တော် ကိုယ်စားလှယ် ဒေါ်တင်မေထွန်း၊ တာချီလိတ်ခရိုင်အုပ်ချုပ်ရေးမှူး ဦးတင်ဝင်းရွှေ ဦးဆောင်သည့် ခရိုင်ရဲတပ်ဖွဲ့မှူး ဒု-ရဲမှူးကြီးထွန်းဝင်း၊ မြို့နယ်အုပ်ချုပ်ရေးမှူး ဦးထွန်းထွန်းဝင်း၊ မြို့နယ်အထောက်အကူပြု ဥက္ကဌ ဦးကြည်မြင့် နှင့် အဖွဲ့ဝင်များ၊ ခရိုင်/မြို့နယ် မြေစာရင်းမှူး နှင့် မြေတိုင်းအဖွဲ့များ၊ ခရိုင်/မြို့နယ် သစ်တောဦးစီးမှူးနှင့် အဖွဲ့များမှ စုပေါင်း၍ ကွင်းဆင်းလေ့လာကြသည်။
ခရိုင်အုပ်ချုပ်ရေးမှူး နှင့် ကွင်းဆင်းအဖွဲ့များသည် ဆန်ဆိုင်း(ခ)၀မ်မိုင်ရွာ မြန်မာနိုင်ငံရဲတပ်ဖွဲ့စိုက်ခင်းနှင့် ရဲတန်းလျားရှေ့ တွင် ရှေးဦးစွာ ဆန်ဆိုင်းရပ်ကွက်နေ မနန်းဗင် နှင့် ရဲတပ်ဖွဲ့စိုက်ခင်း ( ၂ )ဧကခွဲ ပြဿနာဖြစ်မှုအား နှစ်ဦးနှစ်ဖက် တွေ့ဆုံမေးမြန်းခြင်းများဆောင်ရွက်ခဲ့ကြသည်။
ဆက်လက်ပြီး ဆန်ဆိုင်းရပ်ကွက်နေ ဒေါ်နန်းဖုန်းပန် နှင့် ခရိုင်စိုက်ပျိုးရေး ဘိန်းပပျောက်ရေး အသိပညာပေးခြံပြဿနာ၊ ဆန်ဆိုင်းရပ်ကွက်နေ ဦးအိုက်ရမ်း၊ ဦးအိုက်ပင်း တို့နှင့် ခရိုင်စိုက်ပျိုးရေး ဘိန်းပပျောက်ရေး အသိပညာပေးခြံ ပြဿနာများအားလည်းကောင်း၊ ဒေါ်နန်းဖုန်းပန် နှင့် ဦးအိုက်ရမ်း၊ ဦးအိုက်ပင်း တို့နှစ်ဦးနှစ်ဖက်မှပင် စိုက်ပျိုးရေးဘိန်းပပျောက်ရေး အသိပညာပေးခြံအား ဘိုးဘွား လက်ထက်ကတည်းမှ သူပိုင်သည် ငါပိုင်သည် စသည့် မြေပြဿနာ များအား တွေ့ဆုံမေးမြန်း ညှိနှိုင်းဆောင်ရွက်ကြသည်။
ကွင်းဆင်းအဖွဲ့သည် မြေစာရင်းဦးစီးဌာန မြေတိုင်း(၄) ဦးရန်ငြိမ်း၊ မြေတိုင်း ဦးစိုင်းလုံတစ်တို့မှ ယနေ့တွင် ကွင်းဆင်းမြေတိုင်းတာသည့် ဒေါ်ဘူးဖယ် နှင့် ဒေါ်ညိုမာ တို့၏ မြေအငြင်းပွားမှုပြဿနာ၊ဒေါ်တင်တင် နှင့် ဒေါ်ဘူးဖယ် တို့၏ မြေအငြင်းပွားမှုပြဿနာများအတွက် ကွင်းဆင်းမြေတိုင်းတာမှုများနှင့် အခြေအနေများကို လည်းကောင်း၊ ၀မ်မိုင်ဂေါပကအဖွဲ့မှ တင်ပြလာသည့် ၀မ်မိုင်ဘုန်းတော်ကြီးကျောင်းနှင့် စိုက်ပျိုးရေးကုန်းမှ ဒေါ်တင်တင် မြေအစပ်အထိ မြေတိုင်းတာပေးရေးကိစ္စများကို တွေ့ဆုံ ညှိနှိုင်းခဲ့ကြပြီးနောက် ယခုလို ကနဦးဆုံး ကွင်းဆင်းစစ်ဆေးကြည့်ရှုခြင်းများနှင့် ပတ်သက်ပြီး တွေ့ရှိချက်များကို အမှန်အတိုင်း ခရိုင်/မြို့နယ်မြေစာရင်းမှတဆင့် ခရိုင်/ မြို့နယ်အုပ်ချုပ်ရေးအဖွဲ့သို့ အမြန်ဆုံးတင်ပြပေးရန် လမ်းညွှန်မှုပြုပြီး ညွှန်ကြားခဲ့ကြသည်။
