၂၀၁၄ခုနှစ် ဇူလိုင်လ(၁၃)ရက်နေ့ နံနက်(၃)နာရီအချိန်ခန့်က တာချီလိတ်မြို့၊ ၀မ်ကောင်းရပ်ကွက်ထဲရှိ မြန်မာရွာတွင် မိုးသည်းထန်စွာ ရွာသွန်းမှု ဖြစ်ပွားပြီးနောက်မှာ ကျောက်ကြီးစီထားသော မြေထိန်းနံရံသည် နေအိမ်အခန်းငှားပေါ်ကို ပြိုကျလာပြီးနောက် ကလေး (၃)ဦးနှင့် လူကြီး(၄)ဦး စုစုပေါင်း (၇)ဦး သေဆုံးခဲ့ပြီး (၄)ဦး ဒဏ်ရာ ရရှိသည့်ဖြစ်စဉ်တစ်ခု ဖြစ်ပွားခဲ့ရာ ဒဏ်ရာ ရရှိသူ လူနာ(၄)ဦးကို ထိခိုက်ဒဏ်ရာ ရရှိသည့် နေ့ဖြစ်သည့် ဇူလိုင်လ(၁၃)ရက်နေ့မှ ယနေ့ ဇူလိုင်လ(၁၅)ရက်နေ့တို့တွင် ဌာနဆိုင်ရာ အကြီးအကဲများမှ ကူညီထောက်ပံ့မှုများ ပေးအပ်ကြောင်း သိရှိရသည်။

ထိုသို့ ပေးအပ် ထောက်ပံ့ရာတွင် အသက်မသေဘဲ လွတ်မြောက်လာခဲ့သော လူနာ(၄)ဦးဖြစ်သည့် အသက် (၃၉)နှစ်ရှိ ဦးအောင်ကျော်လွင်၊ အသက်(၂၇)နှစ်ရှိ ကိုမျိုးလင်းအောင်၊ အသက်(၃၇)နှစ်ရှိ ဒေါ်လဲ့လဲ့မြင့် နှင့် အသက်(၂၇)နှစ်ရှိ မစန်းစန်းမြင့်တို့ (၄)ဦးအတွက် တာချီလိတ်မြို့ နဂါးနှစ်ကောင်ကျောင်းတိုက်ဆရာတော် အဘိဓဇ အဂ္ဂမဟာသဒ္ဓမ္မဇောတိက အဂ္ဂမဟာပဏ္ဍိတ Honorary Ph.D. နဂါးနှစ်ကောင်ဆရာတော် ဘုရားကြီး "ဘဒ္ဒန္တဓမ္မသီရိ"မှ ပေးအပ်လှူဒါန်းလာသော လူနေမှုအသုံးအဆောင်ပစ္စည်းများဖြစ်သည့် စောင်၊ အိပ်ရာထိုင်ခင်း စသည့် ပစ္စည်းများကို တာချီလိတ်(အခြေချ) စစ်ဗျူဟာမှူး ဗိုလ်မှူးကြီး ဇော်နိုင်ဦး နှင့် တာချီလိတ်မြို့နယ် အုပ်ချုပ်ရေးမှူး ဦးထွန်းထွန်းဝင်းတို့မှ ဆရာတော်ဘုရားကြီး ကိုယ်စား ယနေ့ ဇူလိုင်လ(၁၅)ရက် နံနက် (၉း၃၀)နာရီအချိန်က တာချီလိတ်ပြည်သူ့ဆေးရုံတွင် သွားရောက် ထောက်ပံ့လှူဒါန်းပေးခဲ့ကြသည်။

ယင်းသို့ ထောက်ပံ့လှူဒါန်းရာတွင် အရိုး/အကြောအထူးကုဆရာဝန် ဒေါက်တာကြီးမြင့်သိန်း နှင့် ဆေးရုံရှိ တာဝန်ရှိသူများမှလိုက်ပါ ကူညီဆောင်ရွက်ပေးပြီး စစ်ဗျူဟာမှူးကြီး နှင့်အဖွဲ့မှ ပေးအပ်လှူဒါန်းရာ ဆေးဝါးကုသမှု ခံယူနေသူ (၄)ဦးမှ လှိုက်လှဲဝမ်းမြောက်စွာဖြင့် လက်ခံရယူခဲ့ကြသည်။

ပြီးခဲ့သည့် ဇူလိုင်လ(၁၃)ရက် ညနေ(၅)နာရီအချိန်ကလည်း နဂါးနှစ်ကောင်ဆရာတော်ဘုရားကြီး၏ လမ်းညွှန်ချက်အရ စစ်ဗျူဟာမှူးကြီး နှင့်အဖွဲ့မှ အဆိုပါ (၄)ဦးအား ထောက်ပံ့ငွေအဖြစ် တစ်ဦးလျှင် ထိုင်းဘတ်ငွေ (၅၀၀၀)နှုန်းဖြင့် စုစုပေါင်း ထိုင်းဘတ်ငွေ (၂၀၀၀၀)ဘတ်တိတိကိုလည်း ထောက်ပံ့ပေးအပ်ခဲ့သည့်အပြင် ဇူလိုင်လ(၁၄)ရက်နေ့ကလည်း စစ်ဗျူဟာမှူးကြီး ပါဝင်သည့် တာချီလိတ်ခရိုင်/မြို့နယ်အုပ်ချုပ်ရေးအဖွဲ့မှ ထိုင်းဘတ်ငွေ (၈၀၀၀)ဘတ်တိတိကိုလည်း ထောက်ပံ့ပေးအပ်ခဲ့ကြောင်း သိရှိရသည်။

~⊱•❈❀ღ✿⊰❂⊱✿ღ❀❈•⊰~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~