( ရုပ်သံ တင်ဆက်မှု )
မြန်မာနိုင်ငံ တာချီလိတ်မြို့မှာ ပထမဦးဆုံး ကျင်းပပြုလုပ်မှာဖြစ်တဲ့ Eastern Eagle MC ရဲ့ (၁၀)နှစ်ပြည့် အထိမ်းအမှတ် အပြည်ပြည်ဆိုင်ရာ မော်တော်ဆိုင်ကယ် ကလပ်ပေါင်းစုံတွေ့ဆုံပွဲကို ဒီဇင်ဘာလ (၁၄)ရက်မှ (၁၅)ရက်နေ့အထိ ကျင်းပပြုလုပ်မှာဖြစ်ပြီး အဲ့ဒီပွဲကို နိုင်ငံပေါင်း (၁၉)နိုင်ငံက နိုင်ငံခြားသားများ လာရောက်ကြမှာ ဖြစ်တယ်လို့ သိရပါတယ်။ အဲ့ဒီပွဲကို နိုင်ငံခြားသား တော်တော်များများ လာရောက်ကြမှာဖြစ်တဲ့အတွက် ပွဲတော်ကို စနစ်တကျ ဖြစ်စေရေးနဲ့ ချောချောမွေ့မွေ့ ပြီးမြောက်စေရေး အပြင် လူံခြုံရေးပေးနိုင်ရေးတို့အတွက် ဒီဇင်ဘာလ(၁)ရက်နေ့ နံနက်ပိုင်းက တာချီလိတ်ခရိုင် အုပ်ချုပ်ရေးမှူးရုံးမှာ ခရိုင်စီမံခန့်ခွဲမှု ကော်မတီ ဥက္ကဌ ဦးတင်ဝင်းရွှေ ဦးဆောင်တဲ့ ခရိုင်/မြို့နယ် စီမံခန့်ခွဲမှု ကော်မီဝင်များနဲ့ eemc မှ ပွဲဖြစ်မြောက်ရေး ကော်မတီတို့ တွေ့ဆုံကာ လုပ်ငန်းညှိနှိုင်း ဆွေးနွေးခဲ့ကြတာကို တာချီလိတ်အွန်လိုင်းမှ ရုပ်သံအဖြစ် ရိုက်ကူး တင်ဆက်ထားပါသည်။