လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ လူမှုဝန်ထမ်းဦးစီး ဌာန၊ တာချီလိတ် မူလတန်းကြိုကျောင်းမှ ရင်သွေးငယ်လေးများအား မြန်မာကလေးများနေ့ အကြိုအဖြစ် ကျောင်းပြင်ပလေ့လာရေး ခရီးစဉ်ကို ယနေ့ ဖေဖော်ဝါရီလ (၂)ရက် ၊ နံနက် (၉)နာရီအချိန်က တာချီလိတ်ရွှေတိဂုံဘုရား၊ ဘုရင့်နောင်ရုပ်ထုရင်ပြင် ၊ မဟာမြတ်မုနိဘုရား၊ ဟိုတယ်တာချီလိတ်၊ မြန်မာ - ထိုင်း ချစ်ကြည်ရေးတံတား အမှတ်(၂) နှင့် လေယာဉ်ကွင်းတို့အား လိုက်လံပို့ဆောင်ပေးခဲ့ကြောင်း သိရသည်။
အဆိုပါ လေ့လာရေးခရီးစဉ်အား ကလေးများ ပျော်ရွှင်မှု ရှိစေရန် ၊ စုပေါင်းပါဝင် လုပ်ဆောင် တတ်စေရန်၊ မိမိကိုယ်ကို ယုံကြည်မှုရှိစေရန်၊ ရဲရင့်တက်ကြွ ဖြတ်လတ်စေရန်၊ ပြင်ပ ဗဟုသုတ များ ရရှိစေရန် ဟူသည့် ရည်ရွယ်ချက်များဖြင့် အနီးကပ်ပြုစုစောင့်ရှာက်ပို့ဆောင်ပေးခဲ့ခြင်းဖြစ်ကြောင်း ကျောင်းအုပ်ဆရာမကြီး ဒေါ်လှလှထွန်း က ပြောသည်။
ဆက်လက်၍ ဖေဖော်ဝါရီ(၄)ရက်နေ့တွင် ဗိုလ်ချုပ်အောင်ဆန်း ၏ နိုင်ငံအပေါ်ချစ်မြတ်နိုးစိတ်၊
အနစ်နာခံစိတ်၊ အမြော်အမြင်ကြီးမှုနှင့် အမျိုးသားရေးစိတ်ဓာတ်တို့ကို မူလတန်းကြိုကျောင်း ရင်သွေးငယ်လေးများ၏ စိတ်တွင် ထာဝစဉ် ကိန်းအောင်းနေစေရေးအတွက် ဟောပြောပွဲအား မိဘများပါ တက်ရောက်စေပြီး ကျင်းပ ပေးသွားမည်ဖြစ်ကြောင်း သိရသည်။
သတင်း ။ ။ ဝေယံလင်း
