"အဂ္ဂမဟာ သဒ္ဓမ္မဇောတိကဓဇ" ဘွဲ့တံဆိပ်တော် ဆက်ကပ်ခြင်း ခံရသည့် (ပရဟိတ)အောင်မင်္ဂလာကျောင်းတိုက် ဆရာတော်အား တာချီလိတ်လေဆိပ်၌ သွားရောက် ကြိုဆိုပင့်ဆောင်မည်

"အဂ္ဂမဟာ သဒ္ဓမ္မဇောတိကဓဇ" ဘွဲ့တံဆိပ်တော် ဆက်ကပ်ခြင်း ခံရသည့် (ပရဟိတ)အောင်မင်္ဂလာကျောင်းတိုက် ဆရာတော်အား တာချီလိတ်လေဆိပ်၌ သွားရောက် ကြိုဆိုပင့်ဆောင်မည်
မတ် 6, 2015
By Tachileik News Agency

ပြည်ထောင်စုသမ္မတမြန်မာနိုင်ငံတော် အစိုးရ မှ ဆက်ကပ်လှူဒါန်းသော "အဂ္ဂမဟာ သဒ္ဓမ္မဇောတိကဓဇ" ဘွဲ့တံဆိပ်တော်ကို ဆက်ကပ်ခြင်းခံရသည့် တာချီလိတ်မြို့၊ လွယ်တော်ခမ်းကျေးရွာအုပ်စု၊ ဟွေရယ်ကျေးရွာရှိ (ပရဟိတ)အောင်မင်္ဂလာ တောရကျောင်းတိုက်၏ ပဓာန နာယကဆရာတော် သဒ္ဓမ္မဇောတိကဓဇ၊ မဟာသဒ္ဓမ္မဇောတိကဓဇ ဘဒ္ဒန္တပဏ္ဍိတသည် ဘွဲ့တံဆိပ်တော် ဆက်ကပ်ခြင်း အခမ်းအနားမှ မတ်လ(၈)ရက် နေ့လယ်(၁)နာရီ အချိန်တွင် တာချီလိတ်လေဆိပ်သို့ ပြန်လည်ကြွလာတော်မူမှာဖြစ်သည့် အတွက် တာချီလိတ်ဒေသခံ ပြည်သူများနှင့် တပည့် ဒါယကာ၊ ဒါယိကာမ အပေါင်းတို့မှ သွားရောက်ကြိုဆို ပင့်ဆောင်ကြမည်ဖြစ်ရာ မည်သူမဆို လိုက်ပါကြိုဆိုနိုင်ကြောင်း (ပရဟိတ)အောင်မင်္ဂလာကျောင်း အကျိုးတော်ဆောင်အဖွဲ့မှ သိရသည်။

"အဂ္ဂမဟာ သဒ္ဓမ္မဇောတိကဓဇ"ဘွဲ့တံဆိပ်တော် ဆက်ကပ်ခြင်းခံရသည့် (ပရဟိတ)အောင်မင်္ဂလာ တောရကျောင်းတိုက် ဆရာတော်အား ကြိုဆိုပင့်ဆောင်မှု အစီအစဉ်အဖြစ် ၂၀၁၅ခုနှစ် မတ်လ(၈)ရက် နေ့လယ်(၁၂)နာရီအချိန်တွင် တာချီလိတ်မြို့ ရှမ်းရိုးမကွင်း၌ စုရပ်သတ်မှတ်ကာ နေ့လယ်(၁)နာရီ တိတိအချိန်မှာ တာချီလိတ်လေဆိပ်သို့ စတင်ထွက်ခွာ၍ ကြိုဆိုပင့်ဆောင်ကြမှာ ဖြစ်ကြောင်း သိရှိရသည်။

 Tachileik Online News ( www.tachileik.net  ) 
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~