( ျပည္သူ႔လႊတ္ေတာ္တြင္ ေဆြးေႏြးစဥ္ ၊ ဓာတ္ပံု။ ။ ျပည္သူ႔လႊတ္ေတာ္ )
တာခ်ီလိတ္၊ ေမလ (၆)ရက္
ရွမ္းျပည္နယ္ေျမာက္ပိုင္း၊ မိုင္းရယ္ၿမိဳ႕နယ္၊ မန္းမံုေက်းလက္က်န္းမာေရးဌာနအား တိုက္နယ္ေဆးရံုအျဖစ္ အဆင့္ျမႇင့္တင္ရန္ လာမည့္ဘ႑ာႏွစ္တြင္ ရန္ပံုေငြတင္ျပေတာင္းခံသြားမည္ျဖစ္ေၾကာင္း သိရသည္။
အဆိုပါ ေဆးရံု အဆင့္ျမႇင့္တင္ေရးအတြက္ ၂၀၁၇-၂၀၁၈ ဘ႑ာႏွစ္တြင္ ဘ႑ာေငြတင္ျပေတာင္းခံၿပီး ရန္ပံုေငြခြဲေ၀ရရွိမွသာ တိုက္နယ္ေဆးရံုအျဖစ္ေဆာက္လုပ္၍ လိုအပ္ေသာ ပစၥည္းကိရိယာႏွင့္ ၀န္ထမ္းမ်ားအား တာ၀န္ခ်ထားေပးသြားမည္ျဖစ္ေၾကာင္း က်န္းမာေရး၀န္ႀကီးဌာန ျပည္ေထာင္စု၀န္ႀကီး ေဒါက္တာျမင့္ေထြးက ေမလ(၄)ရက္ေန႔တြင္ က်င္းပေသာ ဒုတိယအႀကိမ္ေျမာက္ျပည္သူ႔လႊတ္ေတာ္ ပထမပံုမွန္အစည္းအေ၀း န၀မအႀကိမ္ေျမာက္ေန႔တြင္ ေျပာၾကားခဲ့ျခင္းျဖစ္သည္။
မိုင္းရယ္ၿမိဳ႕နယ္ ျပည္သူ႔လႊတ္ေတာ္ကိုယ္စားလွယ္ ဦးစိုင္းသီဟေက်ာ္မွ မန္းမံု ေက်းလက္က်န္းမာေရးဌာနအား တိုက္နယ္ေဆးရံုအျဖစ္ တိုးျမႇင့္ ဖြင့္လွစ္ခြင့္ရရွိေရးအား ၂၀၁၄-၂၀၁၅ ဘ႑ာႏွစ္တြင္ ယခင္ျပည္သူ႔လႊတ္ေတာ္ န၀မအႀကိမ္ေျမာက္ ပံုမွန္အစည္းအေ၀း(၂၂)ရက္ေျမာက္ေန႔တြင္ က်န္းမာေရး၀န္ႀကီးဌာန ဒုတိယ၀န္ႀကီးမွ စီစဥ္ေဆာင္ရြက္ေပးမည္ျဖစ္ေၾကာင္း ေျပာၾကားခဲ့ေသာ္လည္း ယေန႔အခ်ိန္အထိ အေဆာက္အဦ ေဆာက္လုပ္ျခင္ းမရွိေသးသည့္ အေပၚေမးခြန္းထုတ္ျခင္းအား က်န္းမာေရး၀န္ႀကီး ေဒါက္တာျမင့္ေထြးက ယင္းကဲ့သို႔ ျပန္လည္ေျဖၾကားခဲ့ျခင္းျဖစ္သည္။
"က်န္းမာေရးဝန္ႀကီးဌာန အေနနဲ႔ ေဆး႐ုံ၊ ေဆးခန္း၊ ေက်းလက္က်န္းမာေရးဌာနႏွင့္ ေက်းလက္က်န္းမာေရး ဌာနခြဲမ်ား အသစ္ဖြင့္လွစ္ျခင္း၊ အဆင့္ျမႇင့္ျခင္း၊ တိုးခ်ဲ႕ဖြဲ႕စည္းျခင္းႏွင့္ ပတ္သက္၍ အၾကမ္းဖ်င္း တင္ျပရလွ်င္ လူဦးေရသိပ္သည္းမႈအေျခအေန၊ လမ္းပန္းဆက္သြယ္ေရးႏွင့္ သဘာဝ ပထဝီအေနအထား၊ လုံေလာက္ေသာေျမအက်ယ္အဝန္း၊ ေရာဂါျဖစ္ပြားမႈ အေျခအေန၊ ေရာဂါျဖစ္ပြားမႈ ႏႈန္းႏွင့္ ျပန္႔ပြားမႈႏႈန္း၊ ဝန္ထမ္းလိုအပ္ခ်က္မ်ား ရွိ/မရွိ၊ ပတ္ဝန္းက်င္ေဒသရွိ ဖြင့္လွစ္ၿပီးေသာ ေဆး႐ုံ၊ ေဆးေပးခန္းႏွင့္ ေက်းလက္က်န္းမာေရးဌာန၊ ေက်းလက္က်န္းမာေရး ဌာနခြဲမ်ားတို႔ရွိ/မရွိ ကိုစစ္ေဆးၿပီး အဆင့္ျမွင့္တင္ဖြင့္လွစ္ရမွာပါ"ဟု က်န္းမာေရး၀န္ႀကီးဌာန ျပည္ေထာင္စု၀န္ႀကီး ေဒါက္ျမင့္ေထြးမွ ေျပာၾကားခဲ့သည္။
တိုက္နယ္ေဆးရံုသို႔ အဆင့္ျမႇင့္ဖြင့္လွစ္မည္ဆိုပါက လက္ရွိ၀န္ထမ္းဖြဲ႕စည္းပံုအရ အရာထမ္း(၂)ေနရာအတြက္ တစ္ႏွစ္ ကုန္က်စရိတ္ က်ပ္(၃.၆)သန္းအပါအ၀င္ အမႈထမ္း(၁၇)ေနရာအတြက္ စုစုေပါင္း တစ္ႏွစ္ကုန္က်ေငြ (၃၅.၃၄)သန္းကုန္က်မည္ျဖစ္ၿပီး ယခင္ထက္ ကုန္က်မႈထက္ (၃၁.၇၄)သန္း ပိုမိုကုန္က်မည္ျဖစ္ေၾကာင္း၊ စံကိုက္အေဆာက္အဦေဆာက္လုပ္ရန္ တုိက္နယ္ေဆးရံုအတြက္ က်ပ္သန္း(၆၀၀)သတ္မွတ္ထားေၾကာင္း၊ ထို႔ေၾကာင့္ လာမည့္ ၂၀၁၇-၂၀၁၈ ဘ႑ာႏွစ္မွသာ ဘတ္ဂ်က္တင္ျပေတာင္းခံၿပီး ရန္ပံုေငြခြဲေ၀ရရွိမွသာ တည္ေဆာက္ႏိုင္မည္ျဖစ္ေၾကာင္း သိရသည္။
သတင္း။ ။ ကိုဇက္
.................
တာချီလိတ်၊ မေလ (၆)ရက်
ရှမ်းပြည်နယ်မြောက်ပိုင်း၊ မိုင်းရယ်မြို့နယ်၊ မန်းမုံကျေးလက်ကျန်းမာရေးဌာနအား တိုက်နယ်ဆေးရုံအဖြစ် အဆင့်မြှင့်တင်ရန် လာမည့်ဘဏ္ဍာနှစ်တွင် ရန်ပုံငွေတင်ပြတောင်းခံသွားမည်ဖြစ်ကြောင်း သိရသည်။
အဆိုပါ ဆေးရုံ အဆင့်မြှင့်တင်ရေးအတွက် ၂၀၁၇-၂၀၁၈ ဘဏ္ဍာနှစ်တွင် ဘဏ္ဍာငွေတင်ပြတောင်းခံပြီး ရန်ပုံငွေခွေဲဝရရှိမှသာ တိုက်နယ်ဆေးရုံအဖြစ်ဆောက်လုပ်၍ လိုအပ်သော ပစ္စည်းကိရိယာနှင့် ဝန်ထမ်းများအား တာဝန်ချထားပေးသွားမည်ဖြစ်ကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာမြင့်ထွေးက မေလ(၄)ရက်နေ့တွင် ကျင်းပသော ဒုတိယအကြိမ်မြောက်ပြည်သူ့လွှတ်တော် ပထမပုံမှန်အစည်းအေဝး နဝမအကြိမ်မြောက်နေ့တွင် ပြောကြားခဲ့ခြင်းဖြစ်သည်။
မိုင်းရယ်မြို့နယ် ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်မှ မန်းမုံ ကျေးလက်ကျန်းမာရေးဌာနအား တိုက်နယ်ဆေးရုံအဖြစ် တိုးမြှင့် ဖွင့်လှစ်ခွင့်ရရှိရေးအား ၂၀၁၄-၂၀၁၅ ဘဏ္ဍာနှစ်တွင် ယခင်ပြည်သူ့လွှတ်တော် နဝမအကြိမ်မြောက် ပုံမှန်အစည်းအေဝး(၂၂)ရက်မြောက်နေ့တွင် ကျန်းမာရေးဝန်ကြီးဌာန ဒုတိယဝန်ကြီးမှ စီစဉ်ဆောင်ရွက်ပေးမည်ဖြစ်ကြောင်း ပြောကြားခဲ့သော်လည်း ယနေ့အချိန်အထိ အဆောက်အဦ ဆောက်လုပ်ခြင်းမရှိသေးသည့် အပေါ်မေးခွန်းထုတ်ခြင်းအား ကျန်းမာရေးဝန်ကြီး ဒေါက်တာမြင့်ထွေးက ယင်းကဲ့သို့ ပြန်လည်ဖြကြေားခဲ့ခြင်းဖြစ်သည်။
"ကျန်းမာရေးဝန်ကြီးဌာန အနေနဲ့ ဆေးရုံ၊ ဆေးခန်း၊ ကျေးလက်ကျန်းမာရေးဌာနနှင့် ကျေးလက်ကျန်းမာရေး ဌာနခွဲများ အသစ်ဖွင့်လှစ်ခြင်း၊ အဆင့်မြှင့်ခြင်း၊ တိုးချဲ့ဖွဲ့စည်းခြင်းနှင့် ပတ်သက်၍ အကြမ်းဖျင်း တင်ပြရလျှင် လူဦးရေသိပ်သည်းမှုအခြေအနေ၊ လမ်းပန်းဆက်သွယ်ရေးနှင့် သဘာဝ ပထဝီအနေအထား၊ လုံလောက်သောမြေအကျယ်အဝန်း၊ ရောဂါဖြစ်ပွားမှု အခြေအနေ၊ ရောဂါဖြစ်ပွားမှု နှုန်းနှင့် ပြန့်ပွားမှုနှုန်း၊ ဝန်ထမ်းလိုအပ်ချက်များ ရှိ/မရှိ၊ ပတ်ဝန်းကျင်ဒေသရှိ ဖွင့်လှစ်ပြီးသော ဆေးရုံ၊ ဆေးပေးခန်းနှင့် ကျေးလက်ကျန်းမာရေးဌာန၊ ကျေးလက်ကျန်းမာရေး ဌာနခွဲများတို့ရှိ/မရှိ ကိုစစ်ဆေးပြီး အဆင့်မြှင့်တင်ဖွင့်လှစ်ရမှာပါ"ဟု ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်မြင့်ထွေးမှ ပြောကြားခဲ့သည်။
တိုက်နယ်ဆေးရုံသို့ အဆင့်မြှင့်ဖွင့်လှစ်မည်ဆိုပါက လက်ရှိဝန်ထမ်းဖွဲ့စည်းပုံအရ အရာထမ်း(၂)နေရာအတွက် တစ်နှစ် ကုန်ကျစရိတ် ကျပ်(၃.၆)သန်းအပါအဝင် အမှုထမ်း(၁၇)နေရာအတွက် စုစုပေါင်း တစ်နှစ်ကုန်ကျငွေ (၃၅.၃၄)သန်းကုန်ကျမည်ဖြစ်ပြီး ယခင်ထက် ကုန်ကျမှုထက် (၃၁.၇၄)သန်း ပိုမိုကုန်ကျမည်ဖြစ်ကြောင်း၊ စံကိုက်အဆောက်အဦဆောက်လုပ်ရန် တိုက်နယ်ဆေးရုံအတွက် ကျပ်သန်း(၆၀၀)သတ်မှတ်ထားကြောင်း၊ ထို့ကြောင့် လာမည့် ၂၀၁၇-၂၀၁၈ ဘဏ္ဍာနှစ်မှသာ ဘတ်ဂျက်တင်ပြတောင်းခံပြီး ရန်ပုံငွေခွေဲဝရရှိမှသာ တည်ဆောက်နိုင်မည်ဖြစ်ကြောင်း သိရသည်။
သတင်း။ ကိုဇက်
ပုံအညွှန်း။ ( ပြည်သူ့လွှတ်တော်တွင် ဆွေးနွေးစဉ်၊ ဓာတ်ပုံ။ ပြည်သူ့လွှတ်တော် )
