ရှမ်းပြည်နယ်(အရှေ့ပိုင်း) တာချီလိတ်မြို့ သစ်လုပ်ငန်းရှင်များက သစ်တန်ချိန်(၅၀,၀၀၀)ခန့်အား နိုင်ငံခြားတင်ပို့နိုင်ရန် ကြိုးစားနေသော်လည်း အစိုးရက ခွင့်ပြုခြင်းမရှိသေးကြောင်း တာချီလိတ်မြို့ နယ် သစ်တောဦးစီးဌာနမှသိရသည်။
"သူတို့ ဆီက သစ်တွေကို ပြည်ပတင်ပို့ နိုင်ဖို့ လုပ်နေတယ်။ ဒါပေမဲ့ ဌာနကတော့ အခုချိန်ထိ ခွင့်မပြုသေးဘူး။ တင်ပို့ ရာမှာလည်း သစ်တွေကို အလုံးလိုက်တင်ပို့ လို့ ရနိုင်မှာ မဟုတ်ဘဲ သစ်ခွဲသားတွေကိုပဲ တင်ပို့ နိုင်မှာပါ။ အဲဒီလို သစ်ခွဲသားတွေကို ပြည်ပတင်ပို့ ခွင့်ရဖို့ ဆိုရင် သစ်ခွဲသားတင်ပို့ ခွင့် လျှောက်လွှာတင်ကြရပါတယ်။ သူတို့ တင်ပြလာတဲ့ ဟာကို ကျွန်တော်တို့ ဌာန အနေနဲ့  စိစစ်ပြီးတော့ အဆင့် ဆင့်တင်ပြပြီး ဆောင်ရွက်ပေးနေပါတယ်။"ဟု တာချီလိတ်မြို့ နယ် သစ်တောဦးစီးဌာနမှ ဦးစီးအရာရှိ ဦးသန့်စင်ကျော်ကပြောသည်။
ယခုလက်ရှိတွင် ပြည်တွင်းမှ သစ်များကို ပြည်ပတင်ပို့ရာတွင် သစ်အလုံးလိုက် တင်ပို့ခွင့်မပြုတော့ဘဲ သစ်ခွဲသားများအဖြစ်သာ တင်ပို့ခွင့်ရမည်ဖြစ်ပြီး ရန်ကုန်ဆိပ်ကမ်းတစ်ခုတည်းမှသာ တင်ပို့နိုင်မည်ဖြစ်ကြောင်း သိရသည်။
တာချီလိတ်မှ သစ်လုပ်ငန်းရှင်များအနေဖြင့် သစ်ဆိပ်များတွင် ခုတ်လှဲပြီးစုပုံထားသည့် သစ်တန်ချိန် (၅၀၀၀၀)ခန့်ရှိနေပြီး လက်ရှိတွင် အစိုးရ၏ မူဝါဒ အပြောင်းအလဲကို စောင့်ဆိုင်းနေကြခြင်းဖြစ်ကြောင်း သိရသည်။
"ဒီလိုမျိုး မြန်မာနိုင်ငံကသစ်တွေကို နိုင်ငံခြား တင်ပို့ ရာမှာ ရန်ကုန်ဆိပ်ကမ်းတစ်ခုတည်းက မဟုတ်ဘဲနဲ့  တခြားနယ်စပ်ထွက်ပေါက်တွေကနေ ပို့ဖို့ကိစ္စက အစိုးရအနေနဲ့ လုပ်ဖို့ကနည်းနည်းစောနေသေးတယ် ထင်တယ်ဗျ။ သူတို့ မှာကလည်း ဒီထက်အရေးကြီးတဲ့ ကိစ္စရပ်တွေကို ဆောင်ရွက်နေရတယ်ဆိုတော့လေ။ တကယ်လို့သာ သစ်တင်ပို့ဖို့ကို တာချီလိတ်မြို့နဲ့ နီးတဲ့ ယိုးဒယားမှာ သစ်ဈေးကွက်က ကောင်းနေတယ် ဆိုရင်တော့ စီးပွားရေးအရ တင်ပို့ခွင့်ပေးသင့်ပါတယ်။ ဒါပေမဲ့ နိုင်ငံတော်အနေနဲ့  ဒီကိစ္စကို ခွင့်ပြုပေး လိုက်မယ်ဆိုရင် ဒါကို အကြောင်းပြုပြီးတော့ တခြားတရားမ၀င်တာတွေပါ ရောပြီးပါသွားမှာကို စိုးရိမ်နေတယ်ထင်ပါတယ်။"ဟု မြန်မာနိုင်ငံသစ်လုပ်ငန်းရှင်များအသင်းမှ ဦးဘာဘာချိုက ပြောသည်။
မြန်မာနိုင်ငံအနေဖြင့် ၂၀၁၄-၂၀၁၅ ဘဏ္ဍာနှစ်တွင် ပြည်ပသို့သစ်တင်ပို့မှုမှ ၀င်ငွေ အမေရိကန်ဒေါ်လာ သန်းပေါင်း (၁၀၀)မှ(၁၂၀)အထိရှိခဲ့ပြီး မြန်မာနိုင်ငံထွက် ကျွန်းသစ်များကို ဥရောပနိုင်ငံများနှင့် သစ်ပါးလွှာများကို အိန္ဒိယနိုင်ငံများသို့ တင်ပို့ လျှက်ရှိကြောင်း မြန်မာနိုင်ငံသစ်လုပ်ငန်းရှင်များအသင်းမှ သိရသည်။
