ကိုဇက်- Tachileik News Agency
တာချီလိတ်၊ သြဂုတ်လ(၁၄)ရက်
ရှမ်းပြည်နယ်အစိုးရအနေဖြင့် စိုက်ပျိုးရေးကိုအခြေခံ၍ ထုတ်ကုန်အဆင့်မြှင့်တင်သော စီးပွားရေးမူဝါဒဖြင့် ဒေသတွင်း စိုက်ပျိုးရေးနှင့် လယ်ယာထုတ်ကုန်များတိုးမြှင့်တင်ပို့နိုင်ရန် ဆောင်ရွက်သွားမည်ဖြစ်ကြောင်း သိရသည်။
"ကျွန်တော်တို့ ရှမ်းပြည်နယ်ထဲမှာတော့ အဓိက စိုက်ပျိုးရေးကိုအခြေခံတဲ့ စီးပွားရေးပုံစံနဲ့ပဲသွားရမှာ။ ရှမ်းပြည်နယ်က မြေဧရိယာလည်း ကျယ်ပြန့်တဲ့အတွက်လည်းပါတယ်။ ကျွန်တော်တို့ ထုတ်ကုန်တွေကို အဆင့်မြှင့်တင်ရမယ်။ ဒီအတွက် နည်းပညာလိုအပ်ချက်လည်း ရှိတယ်။ အစိုးရချင်းဆက်ဆံရေး ခိုင်မြဲဖို့လိုတယ်။ ဒါတွေရှိမှ ကုန်သည်တွေလည်း နစ်နာမှုမရှိမှာ။ ဒီအတွက်တော့ အချိန်ကာလ သတ်မှတ်ချက်ချထားပြီး ဆောင်ရွက်ရတာဖြစ်တဲ့အတွက် ပြည်သူတွေသည်းခံဖို့တော့လိုမယ်"ဟု ရှမ်းပြည်နယ်အစိုးရ ပြောရေးဆိုခွင့်ရှိသူ ဦးစိုးညွှန့်လွင်က ပြောသည်။
လက်ရှိတွင် ရှမ်းပြည်နယ်(မြောက်ပိုင်း) ကုန်သွယ်မှုမှာ ကျဆင်းခြင်းမရှိသော်လည်း ရှမ်းပြည်နယ်(အရှေ့ပိုင်း) ကုန်သွယ်မှုတွင် ထိုင်းနိုင်ငံနှင့် ထုတ်ကုန်တူညီနေမှုကြောင့် ကုန်သွယ်မှုကျဆင်းနေသဖြင့် ပြည်နယ်တွင်း ထုတ်ကုန်တိုးမြှင့်ရေးကို လုပ်ဆောင်သွားမည်ဟု သိရသည်။
မြန်မာနိုင်ငံရှိ နယ်စပ်ကုန်သွယ်ရေးစခန်းပေါင်း(၁၆)ခုရှိသည့်အနက် ရှမ်းပြည်နယ်အတွင်း တာချီလိတ်၊ မူဆယ်၊ ကျိုင်းတုံမြို့များရှိ နယ်စပ်ကုန်သွယ်ရေးစခန်း (၃)ခု၏ ၂၀၁၅-၂၀၁၆ ခုနှစ်ကုန်သွယ်မှုစာရင်းမှာ အမေရိကန်ဒေါ်လာ သန်းပေါင်း(၅၄၆၆.၂၉၆)ရှိပြီး ရှမ်းပြည်နယ်(အရှေ့ပိုင်း)ကုန်သွယ်မှုတန်ဖိုးမှာ အမေရိကန်ဒေါ်လာ(၈၈)သန်းကျော်ရှိကြောင်း သိရသည်။