“ဗဟိုမဏ္ဍပ်ကြီးရယ်လို့တော့ ကြီးကြီးမားမားကြီးတော့ မဟုတ်ပါဘူး။ မြို့နယ်က စီစဉ်တာလို့ ဆိုရရင်တော့ ဒီနှစ်မှ ပြန်လုပ်ဖြစ်တယ်လို့ ပြောရမှာပေါ့။ အဆို၊ အက၊ အတီး ဝါသနာရှင်လေးတွေ အတွက် မြို့နယ်စည်ပင်ခန်းမမှာ မြို့နယ်စည်ပင်သာယာရေးကော်မတီကနေ စင်ထိုးပေးမယ်။ စတုဒိသာ ကျွေးမွေးတာတွေပါမယ် ထင်တယ်”ဟု မြို့နယ်စီမံခန့်ခွဲမှုကော်မတီအဖွဲ့ဝင်တစ်ဦးဖြစ်သည့် ရဲမှူးဝင်းခိုင်က ပြောသည်။
ကျောက်မဲမြို့တွင် ဗဟိုမဏ္ဍပ်ပြုလုပ်သည့် အလေ့အထ နည်းလာသည့်အတွက် ယခုနှစ်တွင် ရပ်ကွက် အုပ်ချုပ်ရေးမှူးများနှင့် ညှိနှိုင်းဆွေးနွေး၍ စီစဉ်ရခြင်းဖြစ်ကြောင်း သိရသည်။
“ကျွန်တော်တို့မြို့မှာ သင်္ကြန်မဏ္ဍပ်မရှိတာ အတော်ကြာပါပြီ။ ကျွန်တော့် အနေနဲ့ကတော့ ဝါသနာရှင် တစ်ယောက် ဖြစ်တဲ့အတွက် ရှိစေချင်တယ်။ ဒါကြောင့်မို့ ဒီနှစ်တော့ ကျွန်တော်လည်း ကူညီပေးမယ်။ အခုလို မဏ္ဍပ်နဲ့ အဆိုအကတွေ ပြန်ရှိလာတဲ့အတွက် ဝမ်းသာပီတိဖြစ်ရပါတယ်။ ကျွန်တော်တို့ မြို့သူ မြို့သားတွေလည်း သင်္ကြန်ကို ဖြတ်သန်းတဲ့အခါ ဒီလိုအစီအစဉ်လေးရှိတော့ ပိုပြီးပျော်ကြမယ်လို့ ထင်ပါတယ်” ဟု သင်္ကြန်မဏ္ဍပ်တွင် တီးခတ်မည့် သီဟ - ဝါသနာရှင် တေးဂီတအဖွဲ့မှ ကိုကောင်းသူရကျော်က ပြောသည်။
သင်္ကြန်မဏ္ဍပ်အား ကျောက်မဲမြို့ အမှတ်(၁)ရပ်ကွက်၊ မြို့နယ်စည်ပင်ခန်းမဝန်းအတွင်း ပြုလုပ်မည် ဖြစ်ကြောင်း သိရသည်။
သတင်း - နဖြေိုးမြင့်
