“ကျောက်မဲမှာလုပ်နိုင်ဖို့အမြန်ဆုံး အကောင်အထည်ဖေါ်သွားမှာပါ။ မြို့နယ်စည်ပင်သာယာရေးကော်မတီရယ် မြို့နယ်စည်ပင်သာယာရေးဌာနတို့နဲ့ ဆွေးနွေးထားပါတယ်။ စတင်လုပ်ကိုင်နိုင်ဖို့လည်း ပြည်နယ်ကိုတင်ပြ ထားပါတယ်။ ကုမ္ပဏီအနေနဲ့ကတော့ အဆင်ပြေပါတယ်။ နောက်ထပ်တစ်ကြိမ် မြို့နယ်အဖွဲ့တွေနဲ့ အစည်းအဝေး တစ်ရပ်ကျင်းပပြီးရင် စတင်လုပ်ကိုင်တော့မှာဖြစ်ပါတယ်” ဟု  အမှိုက်သိမ်းစနစ်လုပ်ဆောင်မည့် Green Hope Company မှဒါရိုက်တာ ဦးနော်ဟန်ဆန်က တာချီလိတ်သတင်းအေဂျင်စီသို့ ပြောသည်။

 မီးဖိုချောင်အမှိုက်များအတွက် နှုန်းထားများမှာ အထပ်နိမ့်များအတွက် အိမ်ထောင်စုလူဦးရေပေါ်မူတည်၍ အမှိုက်သိမ်းဝန်ဆောင်ခအဖြစ် တစ်လလျှင် ကျပ် (၁၀၀၀) မှ (၂၀၀၀) အထိ၊ အထပ်မြင့်များအတွက် ကျပ် (၂၀၀၀)မှ ကျပ်(၃၀၀၀)အထိ သတ်မှတ်ထားပြီး စီးပွားရေးလုပ်ငန်းထွက်အမှိုက်များအတွက် လုပ်ငန်းမှ ထွက်ရှိသည့် အမှိုက်ပေါ်မူတည်ပြီး နှုန်းထားသတ်မှတ်မည်ဖြစ်ကြောင်း သိရသည်။

“အခွန်အခဆောင်ရတာထက် အဲဒီလိုစနစ်ကိုသုံးတာက မြို့အတွက်ပိုသင့်တော်တယ်လို့ ထင်တယ်။ အခုသုံးနေတဲ့စနစ်ဖြစ်တဲ့ အမှိုက်ကန်မှာစုပုံပြီး စွန့်ပစ်တာတွေက ကြည့်ရတာမကောင်းသလို အနံ့အသက်လည်း မကောင်းဘူးလေ။ ဒါပေမဲ့ မြောင်းတွေထဲမှာ အမှိုက်ပစ်ကြတာတွေကိုတော့ ထိန်းသိမ်းဖို့လိုနေဦးမယ်လို့ထင်တယ်။ အဲဒီလိုတွေ ရှိနေဦးမယ်ဆိုရင်တော့ စနစ်ပြောင်းလည်း မြို့ကသပ်ရပ်လာဦးမှာမဟုတ်ဘူး “ဟု ကျောက်မဲမြို့ခံ ဒေါ်သင်းသင်းအေးက ပြောသည်။

အိမ်တိုင်ရာရောက်အမှိုက်သိမ်းစနစ်အား မြို့တွင်းလမ်းမကြီး (၃) ခုဖြစ်သည့် အောင်ဆန်းလမ်း၊ စဝ်စံထွန်းလမ်း၊ ပင်လုံလမ်းတို့တွင် ကနဦးလုပ်ဆောင်ရန်လျာထားကြောင်း သိရသည်။

သတင်း၊ဓါတ်ပုံ #နေဖြိုးမြင့်