~~~~~~~~⊰❂ unicode ❂⊱~~~~~~~~

ထိုင်းနိုင်ငံက မြန်မာနိုင်ငံသို့ တုပ်ကွေးရောဂါကာကွယ်ဆေး အလုံးရေ ၁၆၂၀ လှူဒါန်း
*********
ထိုင်းနိုင်ငံမှလှူဒါန်းသည့်  တုပ်ကွေးရောဂါ ကာကွယ်ဆေးများအား စက်တင်ဘာလ (၁၉)ရက်နေ့တွင် မြန်မာနိုင်ငံဆိုင်ရာ ထိုင်းနိုင်ငံသံအမတ်ကြီး H.E.Mr Jukr Boon-Long က နေပြည်တော်၌ ကျန်းမာရေးနှင့် အားကစားဝန်ကြီးဌာန  ပြည်ထောင်စုဝန်ကြီး ဒေါက်တာမြင့်ထွေးထံ လွှဲပြောင်းပေးအပ်ကြောင်း သိရသည်။

အဆိုပါ တုပ်ကွေးရောဂါကာကွယ်ဆေးများအား လူဦးရေထူထပ်လျှက်ရှိပြီး ရောဂါကူးစက်လွယ်သော နေရာများ ဖြစ်သည့် ရခိုင်ပြည်နယ်မှ ပဋိပက္ခဘေးရှောင်ပြည်သူများနေထိုင်သည့် စခန်းများတွင် အဓိကထိုးနှံပေးသွားမည် ဖြစ်ကြောင်း ကျန်းမာရေးနှင့် အားကစားဝန်ကြီးဌာန  ပြည်ထောင်စုဝန်ကြီး ဒေါက်တာမြင့်ထွေးက ပြောကြားခဲ့သည်။

ထိုင်းနိုင်ငံအစိုးရ ၊ ပြည်သူလူထုနှင့် စီးပွားရေးလုပ်ငန်းရှင်များမှ ထိုင်းဘတ်ငွေ(၇)သိန်းခန့်တန်ဖိုးရှိ တုပ်ကွေးရောဂါ ကာကွယ်ဆေး (Vaxigrip) အလုံးရေ (၁၆၂၀)အား မြန်မာနိုင်ငံသို့ လှူဒါန်းခြင်းဖြစ်ကြောင်း သိရသည်။

ဓါတ်ပုံ #ပြန်ကြားရေးဝန်ကြီးဌာန