ကယားပြည်နယ်၊ လွိုင်ကော်မြို့နယ် ပကြဲတောင်သုံးလုံးဒေသတွင် အကောင်အထည်ဖေါ်မည့် တစ်နေ့ တန်(၄၀၀၀)ကျ ဘိလပ်မြေစက်ရုံစီမံကိန်း အပြီးဖျက်သိမ်းပေးရန် လူထုဆန္ဒလက်မှတ်ရေးထိုး တောင်းဆိုနေရာ စက်တင်ဘာလ (၂၅)ရက်နေ့တွင် ဒေသခံ(၁၀၀၀)ကျော် လက်မှတ်ရေးထိုးပြီးဖြစ်ကြောင်း သိရသည်။
" ကျွန်တော်တို့ အခုဒီစီမံကိန်းနဲ့ တိုက်ရိုက်သက်ဆိုင်နေတဲ့ရွာတွေက လူတွေ အမာခံပေါ့။ လက်မှတ်တွေ ရထားပြီ။ နောက်မိုးဗြဲ၊ ဖယ်ခုံ၊ ဒီးမော့ဆိုဖက်က လူတွေကပါ လက်မှတ်ထိုးကြတယ်။ ဘာလို့လဲဆို စီမံကိန်းသာ ဖြစ်သွားရင် ကျောက်မီးသွေးက အဲဒီဖက်ကနေ ယူရမှာလေ"ဟု အဆိုပါစီမံကိန်းဖျက်သိမ်းပေးရန် အဓိကဦးဆောင် လှုပ်ရှားနေသည့် ကယားမြေသက်သေအဖွဲ့မှ ဦးဆန်းထွန်းက တာချီလိတ်သတင်းအေဂျင်စီသို့ ပြောသည်။

အဆိုပါစီမံကိန်းအား Square Power Group Company Limited မှ အကောင်အထည်ဖေါ်ရန် ၂၀၁၁ ခုနှစ်ကတည်းက ဒေသတွင်း စတင်လုပ်ဆောင်လာခဲ့ချိန်မှစ၍ လူထုကန့်ကွက်မှုများဖြင့် ကြုံနေရခြင်းဖြစ်သည်။

 ဘိလပ်မြေစက်ရုံစီမံကိန်း အပြီးတိုင်ဖျက်သိမ်းပေးရေး လူထုဆန္ဒခံယူပွဲကို လွိုင်ကော်မြို့ ဒေါမူကလားကျေးရွာတွင် စက်တင်ဘာလ (၂၃)ရက်နေ့ကပြုလုပ်ခဲ့ကာ လူထုဆန္ဒလက်မှတ်ကောက်ယူရာ ဒေသခံလူထုက ပါဝင်လက်မှတ်ရေးထိုးခြင်းများ ပြုလုပ်နေခြင်းဖြစ်ကြောင်း သိရသည်။

" မလုပ်ပါနဲ့လို့ အမြဲပြောခဲ့တယ်လေ။ ကျွန်တော်တို့က ဆိုးကျိုးကို သိတယ်။ ဒါကြောင့် ကန့်ကွက်တာ”ဟု ပကြဲကျေးရွာမှ ဦးဆူရယ်က ပြောသည်။

လက်ရှိကယားပြည်နယ်အစိုးရအနေဖြင့် အဆိုပါစီမံကိန်းနှင့်ပတ်သက်၍ လူထုကန့်ကွက်ပါက ခွင့်ပြုမည်မဟုတ်ကြောင်း ကယားပြည်နယ်ဝန်ကြီးချုပ် ဦးအယ်လ်ဖောင်းရှိုက ကတိပေးပြောကြားထားသည်။

အဆိုပါဘိလပ်မြေစက်ရုံစီမံကိန်းအား ၂၀၁၁ ခုနှစ် နိုဝင်ဘာလ(၈)ရက်နေ့တွင် ခွင့်ပြုခဲ့ပြီး ၂၀၁၁ ခုနှစ်   နိုဝင်ဘာလ (၁၁)ရက်နေ့တွင် ကယားပြည်နယ်အစိုးရက ခွင့်ပြုခဲ့ခြင်းဖြစ်သော်လည်း လူထုကန့်ကွက်မှုများနှင့် ရင်ဆိုင်နေရခြင်းဖြစ်ပြီး လက်ရှိကယားပြည်နယ်အစိုးရက ခွင့်ပြုထားခြင်းမရှိသေးကြောင်း သိရသည်။

သတင်း၊ ဓါတ်ပုံ #ဆန်းဖြိုးထွန်း