မြန်မာနိုင်ငံ၊ ကရင်ပြည်နယ်က လွှင့်တင်လိုက်သည့် မီးပုံးပျံမှာ ၅၁၁ ကီလို ကွာဝေးသည့် ထိုင်းနိုင်ငံ လမ်းပန်းခရိုင် ၊မိန်းမြို့နယ်၊ ကွေ့ဖဲရပ်ကွက်(၃)ရှိ အိမ်အမှတ်(၉၉)တွင် ၂၀၁၇ခုနှစ် အောက်တိုဘာလ(၃၁)ရက်နေ့ ညနေက ကျရောက်လာကြောင်း ထိုင်းနိုင်ငံ လမ်းပန်းဒေသ သတင်းဌာနက ဖော်ပြထားရှိသည်။

မီးပုံးပျံနှင့်အတူ တွေ့ရှိရသည်မှာ မြန်မာကျပ်ငွေ တစ်ထောင်တန် (၁၄)ရွက် နှင့်အတူ မြန်မာစာဖြင့် ရေးထားပြီး ဖုန်းနံပါတ်ပါ ပါရှိသည့် စာတစ်စောင်အား တွေ့ရှိရကြောင်း သိရသည်။

"အောက်တိုဘာလ(၃၁)ရက်နေ့ ညနေက အိမ်ခေါင်မိုးပေါ်မှာ ကျလာတာကို တွေ့ရတာ ။ မီးပုံးပျံရဲ့ အမြင့်က ၁၅ မစ်ဝန်းကျင်လောက်ရှိတယ်၊ အခုဘယ်လို လုပ်ရမလဲဆိုတာ ကျွန်တော်လဲ မသိသေးဘူး ။ မီးပုံးပျံကိုတော့ အိမ်အနောက်ဖေးမှာသွားထားလိုက်တယ်၊ ပြီးတော့ စာရွက်ထဲမှာပါတဲ့ ဖုန်းနံပါတ်ကို ဆက်သွယ်ဖို့တော့ မဆုံးဖြတ်ရသေးပါဘူး၊ မီးပုံးပျံကတော့ အရမ်းကြီးတယ်လေ၊ ရွာသားတွေ တော်တော်များများ လာကြည့်ကြတယ်၊ မီးပုံးပျံမှာ စောင်တွေ အထည်(၁၀၀)ကျော် ချည်ပြီး ထည့်ထားတာလည်းတွေ့ရတယ်။ မီးပုံးပျံကျလာတာနဲ့ စောင်တွေကိုတော့ မသုံးတော့ဘဲ ထားလိုက်တယ်"ဟု အိမ်ပိုင်ရှင်ဖြစ်သူ နိုင်းအစ်ထိဖန်း ခမ်းမီးအွမ်က ပြောသည်။

မီးပုံးပျံအား ကျန်ကျောင်းပုံပါ ပလတ်စတစ်ဖြင့်ပြုလုပ်ထားပြီး အောက်ခြေအား ကြိမ်ဖြင့် အ၀ိုင်းပုံစံပြုလုပ်ထားကာ (၅)မစ်အရှည်ရှိသည့် သံချောင်း အနက်(၂)ချောင်းထပ်လျက်ပြုလုပ်ထား၍ အောက်ခြေပိုင်း ခိုင်ခံ့စေရန် ပြုလုပ်ထားပုံကို တွေ့ရကြောင်း ၎င်းက ဆိုသည်။

ထိုင်းသတင်းဌာနတွင် ဖုန်းနံပါတ်ပါရှိသည့် စာရွက်အား ဖော်ပြထားမှုကို တွေ့ရှိရ၍ တာချီလိတ်သတင်းအေဂျင်စီမှ ဆက်သွယ်မေးမြန်းရာတွင် မီးပုံးပျံ စတင်လွှင့်တင်သည့် ဒေသမှာ မြန်မာနိုင်ငံ၊ ကရင်ပြည်နယ်၊ ဘားအံ့မြို့နယ်၊ မြပြည်ရွာရှိ မြပြည်ကျောင်းကြီး(ဘုန်းကြီးကျောင်း)က ဖြစ်နေကြောင်း သိရသည်။

"ကျောင်းမှာ ကထိန်လုပ်တာက အောက်တိုဘာလ(၃၀)ရက်နေ့က လုပ်တာ၊ အဲ့နေ့က မီးပုံးပျံလွှတ်လို့ မရလို့ အောက်တိုဘာလ(၃၁)ရက်နေ့ နံနက်ပိုင်းမှာ လွှတ်တင်လိုက်တာပါ။ မီးပုံးပျံ ရရှိသူအနေနဲ့ ဆက်သွယ်နိုင်ရန် ဖုန်းနံပါတ်လည်း ရေးထည့်ပေးလိုက်ပါတယ်။ ကျပ်ငွေ (၁၀၀၀)တန်ကတော့ (၁၅)ရွက်ပါ။"ဟု မီးပုံးပျံအား လွှတ်တင်သည့် ဘားအံ့မြို့နယ်၊ မြပြည်ရွာရှိ မြပြည်ကျောင်းကြီး(ဘုန်းကြီးကျောင်း)မှ ဦးဇင်း ဦးပညာက တာချီလိတ်သတင်းအေဂျင်စီသို့ မိန့်သည်။

အဆိုပါ ဘုန်းကြီးကျောင်းက မီးပုံးပျံများအား လွှတ်တင်မှုများ ပြုလုပ်ရာတွင် ယခုလို ဆုငွေ နှင့်အတူ စာရေး၍ လွှတ်တင်ခဲ့ရာ ပြီးခဲ့သည့် နှစ်က မြန်မာနိုင်ငံအတွင်း၌ပင် ကျရောက်ကြောင်း နှင့် ယခုနှစ်တွင် ထိုင်းနိုင်ငံ အတွင်း ကျရောက်သည့်အတွက် အံ့သြ၀မ်းမြောက်မိကြောင်း ဦးဇင်းက မိန့်သည်။

"ကျောင်းတိုက်ကနေ ဦးဇင်းတို့ ငယ်ငယ်ကတည်းက အခုလိုပဲ မီးပုံးပျံလွှတ်နေကျပါ။ ပြီးခဲ့တဲ့ နှစ်ကတော့ မွန်ပြည်နယ်ဘက် ကျသွားတယ်။ အခုနှစ်တော့ ထိုင်းနိုင်ငံဘက် ရောက်မယ်ဆိုတာ မထင်ထားမိဘူး။ မီးပုံးပျံကျတဲ့နေရာမှာ ရသွားသူတွေ အသုံးပြုနိုင်ရန်အတွက် စောင်အထည်(၁၁၀)ဝန်းကျင် ထည့်ပေးလိုက်တယ်။"ဟု မြပြည်ကျောင်းကြီး(ဘုန်းကြီးကျောင်း)မှ ဦးဇင်း ဦးပညာက မိန့်သည်။

ထိုင်းနိုင်ငံ လမ်းပန်းခရိုင်သည် ချင်းမိုင်ဒေသအနီးတွင်ရှိပြီး ကရင်ပြည်နယ်နှင့် အကွာအဝေးမှာ ၅၁၁ ကီလိုကွာဝေးကြောင်း သိရှိရသည်။

Photo: lampang13.com

( ဘားအံ ရှိ  မြပြည်ကျောင်းကြီး(ဘုန်းကြီးကျောင်း) ပုံ )

~~~~~~~~⊰❂ unicode ❂⊱~~~~~~~~

⊰❂ #TachileikNewsAgency #TachileikOnlineNews  #တာချီလိတ်သတင်းအေဂျင်စီ www.tachileik.net  ❂⊱

~~~~~~ ကြော်ငြာ ~~~~~~