ကယားပြည်နယ်တွင် ရင်းနှီးမြှုပ်နှံမှုလုပ်ငန်းများ ပိုမိုဝင်ရောက်စေရေးအတွက် Kayah State Investment Forum ကို ကယားပြည်နယ် လွိုင်ကော်မြို့၊ ကယားပြည်နယ်ခန်းမတွင် ၂၀၁၈ ခုနှစ် မေလ ၂၆ ရက်နေ့၌ ကျင်းပမည်ဖြစ်ကြောင်း သိရသည်။

အဆိုပါ ဖိုရမ်တွင် သတ္ထုတွင်းလုပ်ငန်း၊ ဟိုတယ်နှင့်ခရီးသွားလုပ်ငန်း၊ စိုက်ပျိုးရေးလုပ်ငန်း(အော်ဂဲန်းနစ်)၊ ငါးလုပ်ငန်း၊ ဒေသထွက် အစားအစာများ၊ စက်မှုဇုန် စသည့် ကဏ္ဍများ အားကောင်းလာစေရေး ဦးစားပေး ပြသမည်ဖြစ်ပြီး ဖိုရမ်ကို ကယားပြည်နယ်အစိုးရအဖွဲ့နှင့် ကယားပြည်နယ် ရင်းနှီးမြှုပ်နှံမှုကော်မတီရုံး၊ ရင်းနှီး မြှုပ်နှံမှုနှင့်ကုမ္ပဏီများ ညွှန်ကြားမှု ဦးစီးဌာနတို့ပူးပေါင်းကျင်းပခြင်းဖြစ်ကြောင်း သိရသည်။

ကယားပြည်နယ်တွင် နှစ်နှစ်တာကာလအတွင်း ရင်းနှီးမြုပ်နှံမှု တိုးတက်မှုအားနည်းနေသဖြင့် ရင်းနှီးမြုပ်နှံမှု ကော်မတီကို ၂၀၁၇ ခုနှစ် ဇူလိုင်လ (၇) ရက်နေ့တွင် စတင်ဖွဲ့စည်းခဲ့ပြီး ဆောင်ရွက်မှုအခြေအနေများကို လေးလတစ်ကြိမ်နှင့် တစ်နှစ်တစ်ကြိမ် အဆင့်ဆင့်တင်ပြဆောင်ရွက်စေခြင်းဖြစ်ကြောင်း သိရသည်။

အဆိုပါကော်မတီသည် ရင်းနှီးမြုပ်နှံမှု ဥပဒေအရ နိုင်ငံတော်နှင့် နိုင်ငံသားတို့၏ အကျိုးစီးပွား အလို့ငှာ သဘာဝ ပတ်ဝန်းကျင်နှင့် လူမှုပတ်ဝန်းကျင်ကို ထိခိုက်မှုမရှိစေသည့် တာဝန်ယူမှုရှိသော ရင်းနှီးမြုပ်နှံမှု လုပ်ငန်းများ ဖွံ့ဖြိုးတိုးတက်လာစေရန်၊ ရင်းနှီးမြုပ်နှံသူများနှင့် ၎င်းတို့၏ ရင်းနှီးမြုပ်နှံမှုလုပ်ငန်းများကို ဥပဒေနှင့်အညီ အကာအကွယ်ပေးရန်၊ ပြည်သူတို့အတွက် အလုပ်အကိုင်အခွင့်အလမ်းများ ပေါ်ပေါက် လာစေရန်၊ စိုက်ပျိုးရေး၊ မွေးမြူရေးနှင့် စက်မှုကဏ္ဍဖွံ့ဖြိုးတိုးတက်လာစေရန်တို့ကို ဆောင်ရွက်ရမည် ဖြစ်ကြောင်း သိရသည်။

~~~~~~~~⊰❂ unicode ❂⊱~~~~~~~~

⊰❂ #TachileikNewsAgency #TachileikOnlineNews  #တာချီလိတ်သတင်းအေဂျင်စီ www.tachileik.net  ❂⊱

~~~~~~ ကြော်ငြာ ~~~~~~