~~~~~~~~⊰❂ unicode ❂⊱~~~~~~~~

ကရင်နီပြည် လူထုငြိမ်းချမ်းရေးနှီးနှောဖလှယ်ပွဲမှ ရလဒ်များဖြင့် ပြည်နယ်နှင့်တိုင်းဒေသကြီးများတွင် ဆက်လက်ဆွေးနွေးမည်
***************
ကရင်နီပြည်လူထုုငြိမ်းချမ်းရေးနှီးနှောဖလှယ်ပွဲအား လွိုင်ကော်မြို့တွင် သုံးရက်တာ ပြုလုပ်ခဲ့သည့် ဆွေးနွေးပွဲရလဒ်များဖြင့် အခြားပြည်နယ်နှင့်တိုင်းဒေသကြီးများတွင် လူထုငြိမ်းချမ်းရေးနှီးနှောဖလှယ်ပွဲများ ဆက်လက်ကျင်းပသွားမည်ဖြစ်ကြောင်း သိရသည်။

၂၀၁၈ ခုနှစ် မေလ (၂၆) ရက်နေ့မှ (၂၈) ရက်နေ့အထိကျင်းပသည့် အဆိုပါနှီးနှောဖလှယ်ပွဲက ထုတ်ပြန်ချက်တွင် နိုင်ငံရေး ၊ ငြိမ်းချမ်းရေးတည်ဆောက်မှုနှင့် တိုင်းပြည်၏အထွေထွေပြသနာများကိုဖြေရှင်းရန် ၂၀၀၈ အခြေခံဥပဒေမှာ အဓိကအတားဆီး ဖြစ်နေပြီး လက်ရှိ NCA လမ်းကြောင်း ၂၁ ရာစုပင်လုံ ညီလာခံနှင့်နိုင်ငံရေးဆွေးနွေးပွဲများမှာ ငြိမ်းချမ်းရေး တည်ဆောက်ရန်နှင့် ဖက်ဒရယ်ပြည်ထောင်စုဖော်ဆောင်ရန် ပြည့်စုံလုံလောက်မှုမရှိကြောင်း ထုတ်ပြန်ထားသည်။

ယင်းအပြင် တိုင်းရင်းသားဒေသများတွင်ထိုးစစ်များ ရပ်တန့်၍ တပ်မတော်နှင့်အစိုးရမှ တစ်ပြည်လုံးအပစ်အခတ်ရပ်စဲရေးကို ကြေညာပေးရန်၊ ငြိမ်းချမ်းရေးတည်ဆောက်မှုအား အတားဆီးဖြစ်စေမည့် အမိန့်ညွှန်ကြားချက်ဥပဒေ၊ နည်းဥပဒေများကို ဖျက်သိမ်းပေးရန် ၊ ဒေသခံများသဘောမတူညီသော ပြည်တွင်းပြည်ပ ရင်နှီးမြုပ်နှံမှုလုပ်ငန်းများအား ရပ်ဆိုင်းပေးရန်၊NCA လက်မှတ်ရေးထိုးသည်ဖြစ်စေ မထိုးသည်ဖြစ်စေ တိုင်းရင်းသား လက်နက်ကိုင်တော်လှန်ရေး အဖွဲ့များအားလုံး ၊ အမျိုးသမီးနှင့် အရပ်ဖက်အဖွဲ့စည်းများ ငြိမ်းချမ်းရေးလုပ်ငန်းစဉ်တွင်ပါဝင်ခွင့်ရရှိရန် စသည့် အချက်များကို တောင်းဆိုထားသည်။

အဆိုပါ နှီးနှောဖလှယ်ပွဲတွင် အဖွဲ့စည်းအသီးသီးမှ ငြိမ်းချမ်းရေး လုပ်ငန်းစဉ် အကြံပြုချက် စာတမ်း(၂၅)စောင် တင်သွင်းဆွေးနွေးခဲ့ကြပြီး တတ်ရောက်လာသော အင်အားစုအသီးသီးမှကိုယ်စားလှယ်များက လူထုသဘောထားများ ကိုအခြေခံသည့် ငြိမ်းချမ်းရေးဖော် ဆောင်ရေးအတွက် အခြေခံလို အပ်ချက်များ၊ အကြံပြုချက်များ၊ လက်တွေ့လုပ်ငန်းစဉ်များအား စုပေါင်း၍ ဆွေးနွေးခဲ့ကြခြင်းဖြစ်သည်။

နှီးနှောဖလှယ်ပွဲသို့ ကယားပြည်နယ်နှင့် ကယန်းဒေသအခြေစိုက် တိုင်းရင်းသားလက်နက်ကိုင်အဖွဲ့ စည်းများ ၊ အခြားပြည်နယ်မှ လက်နက်ကိုင်အဖွဲ့စည်းများ၊ တိုင်းရင်းသားနိုင်ငံရေးပါတီများ၊ အခြားအင်အားစု အဖွဲ့ အစည်းများ၊ လူငယ်နှင့်အမျိုးသမီးအဖွဲ့ များ ၊ အရပ်ဖက်လူမှုအဖွဲ့အစည်းများနှင့် ကယားပြည်နယ်ရှိမြို့နယ်အသီးသီးမှ ကိုယ်စားလှယ်များ စုစုပေါင်း (၃၅၀)ဦး တတ်ရောက်ဆွေးနွေးခဲ့ကြခြင်းဖြစ်ကြောင်းသိရသည်။

သတင်း #ဆန်းဖြိုးထွန်း