ကရင်နီ(ကယား)ပြည်နယ်၊ လွိုင်ကော်မြို့နယ်တွင် တပ်စွဲထားသည့် အာဏာသိမ်းစစ်ကောင်စီတပ်ကို ၂၀၂၂ ခုနှစ်၊ စက်တင်ဘာလ (၂၇) ရက်နေ့ နံနက်ပိုင်းတွင် စနိုက်ပါပူးပေါင်းတပ်ဖွဲ့ဖြင့် တိုက်ခိုက်ရာ စစ်ကောင်စီတပ်သား (၇)ဦး သေဆုံးသည်ဟု သိရသည်။
လွိုင်ကော်မြို့၊ ကယန်းသာယာလမ်းခွကုန်းတွင် တပ်စွဲထားသည့် စစ်ကောင်စီတပ်အား အလယ်ပိုင်းတိုင်းအထူးစစ်ဆင်းရေး စနိုက်ပါအဖွဲ့နှင့် KNDF B O2 စနိုက်ပါအဖွဲ့တို့ ပူးပေါင်းတိုက်ခိုက်ခဲ့ခြင်း ဖြစ်ကြောင်း အလယ်ပိုင်းတိုင်းအထူးစစ်ဆင်ရေးအဖွဲ့က သတင်းထုတ်ပြန်သည်။
ပူးပေါင်းစနိုက်ပါအဖွဲ့များ၏ တိုက်ခိုက်မှုကြောင့် အထိနာသွားသော စစ်ကောင်စီတပ်က စက်လက်များ၊ စနိုက်ပါများ၊ ၆၀ မမ များဖြင့်ပြန်လည်ပစ်ခတ်ခဲ့သော်လည်း ပူးပေါင်းအဖွဲ့မှာထိခိုက်မှုမရှိ ပြန်လည်ဆုတ်ခွာနိုင်ခဲ့သည်ဟု သိရသည်။
တိုက်ပွဲမှာ နံနက်(၁၀)နာရီမှ နေ့လည်(၁၂)နာရီခွဲအထိဖြစ်ပွားခဲ့ကြောင်း သိရသည်။
