~~~~~~~~⊰❂ unicode ❂⊱~~~~~~~~

ရှမ်းပြည်နယ် အရှေ့ပိုင်းဒေသမှ အသက်(၁၆)နှစ်မှ (၁၈)နှစ်အတွင်း တက္ကသိုလ်ဝင်တန်းအောင် အမျိုးသားများ လျှောက်ထားနိုင်ပြီး ထောက်ပံ့ကြေး ပါဝင်မည့် အလုပ်သင်စက်ပြင်သင်တန်းသားများ ၂၀၁၈ ခုနှစ် ဇူလိုင်လ (၃၁)ရက်နေ့ နောက်ဆုံးထားပြီး ခေါ်ယူနေပါတယ်။

ရန်ကုန်မြို့ရှိ သင်တန်းကျောင်းမှာ (၃)နှစ်ကြာ သင်တန်းကာလပြီးဆုံးပါက MSP CAT၏ အရည်အချင်း ပြည့်မီသော စက်ပြင် Technician အဖြစ် တာချီလိတ်မြို့ရှိ MSP CAT တွင် ဝန်ထမ်းအဖြစ် အလုပ် လုပ်ကိုင်ခွင့်ရရှိမှာ ဖြစ်ပါတယ်။

༨ သင်တန်းကို ၂၀၁၈ ခုနှစ် ဇူလိုင်လ (၃၁)ရက်နေ့ နောက်ဆုံး လျှောက်ထားနိုင်မှာဖြစ်ပါတယ်။
သင်တန်းကို အောက်ပါ အချက်အလက်များနဲ့ ပြည့်စုံသူတွေ လျှောက်ထားနိုင်မှာဖြစ်ပါတယ်။
༨ တက္ကသိုလ်ဝင်စာမေးပွဲတွင် အင်္ဂလိပ်စာ၊ သင်္ချာနှင့် ရူပဗေဒ သုံးဘာသာအမှတ်ပေါင်း အနည်းဆုံး (၁၄၀) ရှိသူ။
༨ ကိုယ်အလေးချိန်အနည်းဆုံး ပေါင် (၁၀၀)၊ အရပ်အမြင့် အနည်းဆုံး (၅)ပေ (၂)လက်မ၊ ပါဝါမျက်မှန် မတပ်ရသူ၊ ကျန်းမာရေးကောင်းမွန်သူ။
༨ အရက်၊ဆေးလိပ်၊ကွမ်းယာ ကင်းရှင်းသူ။
༨ သင်တန်းပြီးဆုံးပါက တာချီလိတ်မြို့ရှိ MSP CAT ရုံးတွင် အမြဲတမ်းဝန်ထမ်းအဖြစ် အနည်းဆုံး (၃)နှစ် တာဝန်ထမ်းဆောင်နိုင်သူ။
သတ်မှတ်အရည်အချင်းနဲ့ ပြည့်စုံသူတွေက အရည်အချင်းစစ် စာမေးပွဲဖြေဆိုခွင့်ရမှာ ဖြစ်ပါတယ်။

လျှောက်ထားမယ်ဆိုရင် လိုအပ်တာတွေကတော့
༨ ကိုယ်ရေးရာဇဝင်
༨ တက္ကသိုလ်ဝင်တန်းအောင်လက်မှတ် မိတ္တူ
༨ အမှတ်စာရင်း မိတ္တူ
༨ အိမ်ထောင်စုစာရင်း မိတ္တူ
༨ လိုင်စင်ဓာတ်ပုံ (၁)ပုံ
༨ ရပ်ကွက်ထောက်ခံစာ
༨ ရဲစခန်းထောက်ခံစာ
ဒီလို အလုပ်သင် စက်ပြင်သင်တန်းအစီအစဉ်ကို MSP CAT (မြန်ရွှပြေည်ထရက်တာလီမိတက်)က ၂၀၀၇ ခုနှစ်ကတည်းက စတင်နေတာဖြစ်ပါတယ်။

စက်ပြင်(ယန္တရားကြီး)ဝါသနာပါပြီး မိမိတို့၏ ဘဝတက်လမ်းအတွက် ကြိုးစားလိုသူ လူငယ်များ၊ ပညာဆက်လက် သင်ယူရန် အခက်အခဲရှိသည့် မိသားစုမှ လူငယ်များကို သင်တန်းအစီအစဉ်က ဦးစားပေးရွေးချယ် ပံ့ပိုးပေးတာတွေလည်း လုပ်ဆောင်ပေးနေတာ ဖြစ်ပါတယ်။

ကမ္ဘာ့အဆင့်မီ ကတ်တာပီလာ ကျွမ်းကျင်စက်ပြင်သင်တန်းများအတိုင်း သင်ထောက်ကူပစ္စည်း အစုံအလင်နဲ့ အခမဲ့သင်ကြားပေးနေတာဖြစ်ပါတယ်။

သင်တန်းမှ ပံ့ပိုးပေးမည့်အရာများက
༨ ယူနီဖောင်းနှင့် အန္တရာယ်ကာပစ္စည်းအစုံအလင်
༨ သင်ထောက်ကူပစ္စည်းများနှင့် စာရေးကိရိယာများ
༨ လစဉ်ထောက်ပံ့ကြေး
༨ အခြားခံစားခွင့်များ(ဆေးစရိတ်၊ ခရီးသွားစရိတ်၊ နေစားစရိတ်)
༨ ကတ်တာပီလာအသိအမှတ်ပြု သင်တန်းဆရာများက ခေတ်မီစာသင်ခန်းများတွင် သင်ကြားပို့ချမှု

သင်ကြားပေးမည့်ဘာသာရပ်များ
༨ ဒီဇယ်အင်ဂျင်နှင့် ဓာတ်ငွေ့သုံးအင်ဂျင်အခြေခံများ
༨ စက်ယန္တရားတွင်အသုံးပြုသောစနစ်များ၏ အခြေခံများ
༨ မီးစက်အခြေခံများ
༨ အထွေထွေစက်ပြင်ဝပ်ရှော့နည်းစနစ်များ
༨ မော်တော်ယာဉ်မောင်းနှင်နည်း
༨ အင်္ဂလိပ်ဘာသာစကားနှင့် ကွန်ပျူတာအခြေခံ

ဆက်သွယ်လျှောက်ထားလိုသူများ အနေနဲ့ အမှတ်(၇၄) ဆေခမ်းရပ်ကွက်၊ (လေယာဉ်ကွင်းနှင့် စက်မှုဇုန်သွားလမ်း၊ ) ဗိုလ်ချုပ်အောင်ဆန်းလမ်း၊ တာချီလိတ်မြို့ကို လာရောက် လျှောက်ထားနိုင်ပြီး ဆက်သွယ်မေးမြန်းလိုပါက ဖုန်း ဝ၉ ၄၅၆၉၈၈၅၀၀ နဲ့ ဝ၉ ၄၂၈၂၁၆၆၄၀ တို့ကို ဆက်သွယ်မေးမြန်းနိုင်မှာ ဖြစ်ပါတယ်။