Photo: MGROnline

~~~~~~~~⊰❂ unicode ❂⊱~~~~~~~~

တောဝက်အသင်းကို ဆေးရုံပို့ရန် ရဟတ်ယာဉ်များအသင့်စောင့်ဆိုင်းနေ
�Update: 3:30 PM ၊ 8/7/2018�
::::::::::::::::::::::::::::::::::::::::::::
မယ်ဆိုင်ဂူအတွင်း (၁၅)ရက်ကြာပိတ်မိနေခဲ့သည့် တောဝက်ဘောလုံးအသင်းမှ (၁၂)ဦးနှင့် နည်းပြတို့ကို ချင်းရိုင်းဆေးရုံသို့ ခေါ်ဆောင်ပေးသွားရန် ရဟတ်ယာဉ်များ အသင့်အနေအထားဖြင့် စောင့်ဆိုင်းနေကြသည်ကို ဇူလိုင်လ(၈)ရက်နေ့ နေ့လယ်ပိုင်းက တွေ့ရကြောင်း တွေ့ရသည်။

အဆိုပါဆေးရုံမှာ မယ်ဆိုင်ရှိ ကယ်ဆယ်ရေးလုပ်နေသည့် ထမ့်လွမ်ဂူနှင့် (၃၅)မိုင်ကွာဝေးကြောင်း သိရသည်။

မယ်ဆိုင်ဂူအတွင်းမှ ထွက်လာမည့်ကလေးများကို ပို့ဆောင်ကုသမှုပေးမည့် ချင်းရိုင်း ပရာချာနူခွန်ဆေးရုံ အနီးဝန်းကျင်လမ်းများတွင် ဇူလိုင်လ(၈)ရက်နေ့က ယာဉ်ကြောရှင်းလင်းထားကာ လမ်းပိုင်းအချို့ကို ယာဉ်သွားလာခွင့်ပိတ်ထားကြောင်းသိရသည်။

အဆိုပါဆေးရုံတွင် ဂူအတွင်းပိတ်မိနေသည့်ကလေး(၁၃)ဦးအတွက် အထူးကြပ်မတ်ကုသဆောင်ကို ပြင်ဆင်ထားပြီး လိုအပ်မည့်ကုသမှုများအတွက် အဆင်သင့်ပြင်ဆင်စောင့်ဆိုင်းနေကြခြင်း ဖြစ်ကြောင်းသိရသည်။

မယ်ဆိုင်ဂူအတွင်းမှ ကလေး(၁၃)ဦးအား ရေတပ်အထူးအဖွဲ့နှင့် နိုင်ငံတကာမှ ရေငုပ်ကျွမ်းကျင်သူများပါဝင်သည့်အဖွဲ့တို့က ကယ်ထုတ်ခြင်းကို ထိုင်းစံတော်ချိန် နံနက်(၁၀)နာရီကတည်းက စတင်ဆောင်ရွက်နေကြခြင်းဖြစ်ပြီး ယနေ့ည(၉)နာရီတွင် ပထမဆုံးတစ်ယောက် အပြင်သို့ရောက်လာနိုင်သည်ဟု ခန့်မှန်းထားသည်။
နိုင်ငံတကာက ပူးပေါင်းဆောင်ရွက်သည့် မြန်မာနိုင်ငံနှင့်နယ်စပ် ထိုင်းနိုင်ငံအတွင်း ကယ်ဆယ်ရေးလုပ်ငန်းအား နိုင်ငံတကာမှ စိတ်ဝင်စားမှုမြင့်နေရာ နိုင်ငံတကာ မီဒီယာသမား (၁၀၀၀)ဝန်းကျင်က ကယ်ဆယ်ရေးစခန်းအနီးတွင် သတင်းရယူထုတ်ပြန်နေကြခြင်းဖြစ်သည်။

လက်ရှိတွင် မယ်ဆိုင်ဂူဝန်းကျင်တွင် မိုးအနည်းငယ်ရွာသွန်းနေကြောင်း သိရသည်။
Photo: MGROnline