ကယားျပည္နယ္တြင္ ဗိုလ္ခ်ဳပ္ေအာင္ဆန္းရုပ္တု ထားရိွေရးအား ကန္႔ကြက္မႈ ရိွေနသျဖင့္ ျပည္နယ္ အစုိးရက ဖြဲ႕စည္းထားသည့္ ဗုိလ္ခ်ဳပ္ေၾကးရုပ္ျဖစ္ေျမာက္ေရးေကာ္မတီအား ဖ်က္သိမ္းလုိက္ကာ လူမႈေရး အဖြဲ႕အစည္းမ်ား ဦးေဆာင္ဖြဲ႕စည္းမည့္ ေကာ္မတီက ေဆာင္ရြက္သြားမည္ျဖစ္ေၾကာင္း သိရသည္။
ကယားျပည္နယ္၊ လြဳိင္ေကာ္ၿမဳိ႕၊ ကႏၵေဟ၀န္ပန္းၿခံတြင္ ဗုိလ္ခ်ဳပ္ေအာင္ဆန္း၏ ျမင္းစီးေၾကးရုပ္ထားရိွေရး ေဆာင္ရြက္ေနမႈကို အရပ္ဖက္အဖြဲ႕အစည္းအခ်ိဳ႕က ကန္႔ကြက္ခဲ့မႈႏွင့္ ပတ္သက္၍ ၂၀၁၈ ခုနွစ္၊ ဇူလုိင္လ (၂၃)ရက္ေန႔ နံနက္(၁၀)နာရီက လိြဳင္ေကာ္ၿမိဳ႕ရွိ ျပည္နယ္အုပ္ခ်ဳပ္ေရးမွဴးရံုးတြင္ သတင္းစာ ရွင္းလင္းပြဲ က်င္းပရာ ျပည္နယ္ဝန္ႀကီးခ်ဳပ္က ယင္းကဲ့သို႔ ေျပာၾကားလုိက္ျခင္းျဖစ္သည္။
ျပည္နယ္တြင္း ဗုိလ္ခ်ဳပ္ေၾကးရုပ္တည္ေဆာက္ထားရွိေရးကုိ အရပ္ဖက္အဖြဲ႕အစည္းအခ်ိဳ႕က ဇူလုိင္လ (၃)ရက္ေန႔တြင္ ကန္႔ကြက္ဆႏၵထုတ္ေဖၚရာ၌ ၿငိမ္းခ်မ္းစြာစုေ၀းျခင္းႏွင့္ ၿငိမ္းခ်မ္းစြာ စီတန္းလွည့္လည္ျခင္း ဆုိင္ရာ ဥပေဒ၊ လုပ္ထုံးလုပ္နည္းအတုိင္း လုပ္ေဆာင္ခဲ့ျခင္းမရိွသျဖင့္ အေရးယူခဲ့ရေသာ္လည္း သက္ညႇာစြာ ကိုင္တြယ္ ေျဖရွင္းခဲ့ေၾကာင္း ဝန္ႀကီးခ်ဳပ္က သတင္းစာရွင္းလင္းပြဲတြင္ ေျပာၾကားခဲ့ၿပီး ဆႏၵ ထုတ္ေဖၚသူမ်ားအေနျဖင့္ ဥပေဒလုပ္ထံုးလုပ္နည္းမ်ားအတုိင္း ေဆာင္ရြက္ခဲ့မႈ မရိွျခင္းကို ျပည္နယ္ ရဲတပ္ဖြဲ႕မွဴး ရဲမွဴးႀကီး ၀င္းၾကည္က ရွင္းလင္းေျပာၾကားခဲ့သည္။
လိြဳင္ေကာ္ၿမိဳ႕တြင္ ဗိုလ္ခ်ဳပ္ေၾကးရုပ္တု ထားရိွေရးႏွင့္ပတ္သက္၍ ျပည္နယ္အစိုးရအေနျဖင့္ အစိုးရအဖြဲ႕ဝင္ ဝန္ႀကီးမ်ား၊ ဌာနဆိုင္ရာအႀကီးအကဲမ်ား၊ ခရိုင္/ၿမိဳ႕နယ္ အုပ္ခ်ဳပ္ေရးမွဴးမ်ား၊ စည္ပင္သာယာေရး ေကာ္မတီမ်ား၊ ရပ္ကြက္အုပ္ခ်ဳပ္ေရးမွဴးမ်ား၊ တုိင္းရင္းသားစာေပႏ်င့္ ယဥ္ေက်းမႈေကာ္မတီမ်ား၊ ေၾကးသြန္းပညာရွင္မ်ားျဖင့္ ၂၀၁၈ ခုႏွစ္ ေဖေဖၚဝါရီလ (၁)ရက္ေန႔က အစည္းအေဝးျပဳလုပ္ရာတြင္ ေၾကးအစစ္ျဖင့္ သြန္းလုပ္ရန္ သေဘာတူညီခဲ့ေၾကာင္း၊ ျပည္နယ္အစုိးရအဖြဲ႕ Page၊ Facebook Acc မ်ားတြင္ သာမက၊ ေဒသတြင္း မီဒီယာမ်ားကလည္း အဆိုပါ အစည္းအေဝးကို Live လႊင့္ခဲ့ေၾကာင္း၊ ဒုတိယအႀကိမ္ အစည္းအေ၀းကို ဧၿပီလ (၃၀) ရက္ေန႔တြင္ က်င္းပရာ ရပ္ကြက္/ ေက်းရြာအုပ္စု အုပ္ခ်ဳပ္ေရမွဴးမ်ားႏွင့္ ရပ္/ ေက်းစာေရးမ်ားအား ခ်ျပ၍ ဆႏၵသေဘာထားရယူခဲ့ရာ ကန္႔ကြက္သူမရွိ ေထာက္ခံခဲ့ၾကေၾကာင္း၊ တတိယအႀကိမ္ အစည္းအေ၀းအား ဇြန္လ(၂၀)ရက္ေန႔က က်င္းပစဥ္ကလည္း ကန္႔ကြက္သူမရိွခဲ့ေၾကာင္း ဝန္ႀကီးခ်ဳပ္က ရွင္းလင္းသည္။
ယင္းေနာက္ ကန္႔ကြက္သည့္ အရပ္ဖက္အဖြဲ႕မ်ားရိွလာသျဖင့္ ဇူလုိင္လ(၂၀)ရက္ေန႔တြင္ ျပည္နယ္ အစိုးရအဖြဲ႕က ေခၚယူေတြ႕ဆံုေဆြးေႏြးရာ ကရင္နီျပည္လူငယ္မ်ားသမဂၢႏွင့္ ကယားျပည္နယ္ ေက်ာင္းသားမ်ားသမဂၢအဖြဲ႕တုိ႔က ေဆြးေႏြးပြဲမွ ထြက္ခြာသြားခဲ့ၿပီး က်န္ရွိသူမ်ားႏွင့္ ဆက္လက္ ေဆြးေႏြးရာ တက္ေရာက္လာသည့္ လူမႈေရးအဖြဲ႕အစည္းမ်ားက မိမိတုိ႔ ဦးေဆာင္မႈျဖင့္သာ ေကာ္မတီ ဖြဲ႕စည္းၿပီး ႀကိဳးပမ္းေဖာ္ေဆာင္လုိေၾကာင္း တင္ျပသည့္အတြက္ ျပည္နယ္အစုိးရအဖြဲ႕က ဖြဲ႕စည္းထားသည့္ ဗုိလ္ခ်ဳပ္ ေၾကးရုပ္ျဖစ္ေျမာက္ေရးေကာ္မတီအား ဖ်က္သိမ္းေပးခဲ့ကာ အဆုိပါေကာ္မတီသစ္ကို ဝိုင္းဝန္း ႀကိဳးစားသြားမည္ျဖစ္ေၾကာင္း ဝန္ႀကီးခ်ဳပ္က ေျပာၾကားသည္။
အဆုိပါ သတင္းစာရွင္းလင္းပြဲသုိ႔ ကယားျပည္နယ္ အစုိးရအဖြဲ႕၊ ၀န္ႀကီးခ်ဳပ္၊ ျပည္နယ္လႊတ္ေတာ္ ဥကၠဌ၊ ျပည္နယ္လႊတ္ေတာ္ ဒုဥကၠဌ၊ ျပည္နယ္အစုိးရအဖြဲ႕၀င္ ၀န္ႀကီးမ်ား၊ ျပည္နယ္ဥပေဒခ်ဳပ္၊ ျပည္နယ္အစုိးရအဖြဲ႕ အတြင္းေရးမွဴး၊ ဌာနဆုိင္ရာ တာ၀န္ရွိသူမ်ား၊ လူမႈေရး အသင္းအဖြဲ႕မ်ားလည္း တက္ေရာက္ၾကေၾကာင္း သိရသည္။
Tachileik News Agency
ဓါတ္ပံု - ကယားျပည္နယ္အစုိးရအဖြဲ႕ရုံး
~~~~~~~~⊰❂ unicode ❂⊱~~~~~~~~
ကယားပြည်နယ်၊ လွိုင်ကော်မြို့၊ ကန္ဒဟေဝန်ပန်းခြံတွင် ဗိုလ်ချုပ်အောင်ဆန်း၏ မြင်းစီးကြေးရုပ်ထားရှိရေး ဆောင်ရွက်နေမှုကို အရပ်ဖက်အဖွဲ့အစည်းအချို့က ကန့်ကွက်ခဲ့မှုနှင့် ပတ်သက်၍ ၂၀၁၈ ခုနှစ်၊ ဇူလိုင်လ (၂၃)ရက်နေ့ နံနက်(၁၀)နာရီက လွိုင်ကော်မြို့ရှိ ပြည်နယ်အုပ်ချုပ်ရေးမှူးရုံးတွင် သတင်းစာ ရှင်းလင်းပွဲ ကျင်းပရာ ပြည်နယ်ဝန်ကြီးချုပ်က ယင်းကဲ့သို့ ပြောကြားလိုက်ခြင်းဖြစ်သည်။
ပြည်နယ်တွင်း ဗိုလ်ချုပ်ကြေးရုပ်တည်ဆောက်ထားရှိရေးကို အရပ်ဖက်အဖွဲ့အစည်းအချို့က ဇူလိုင်လ (၃)ရက်နေ့တွင် ကန့်ကွက်ဆန္ဒထုတ်ဖော်ရာ၌ ငြိမ်းချမ်းစွာစေုဝးခြင်းနှင့် ငြိမ်းချမ်းစွာ စီတန်းလှည့်လည်ခြင်း ဆိုင်ရာ ဥပဒေ၊ လုပ်ထုံးလုပ်နည်းအတိုင်း လုပ်ဆောင်ခဲ့ခြင်းမရှိသဖြင့် အရေးယူခဲ့ရသော်လည်း သက်ညှာစွာ ကိုင်တွယ် ဖြေရှင်းခဲ့ကြောင်း ဝန်ကြီးချုပ်က သတင်းစာရှင်းလင်းပွဲတွင် ပြောကြားခဲ့ပြီး ဆန္ဒ ထုတ်ဖော်သူများအနဖြေင့် ဥပဒေလုပ်ထုံးလုပ်နည်းများအတိုင်း ဆောင်ရွက်ခဲ့မှု မရှိခြင်းကို ပြည်နယ် ရဲတပ်ဖွဲ့မှူး ရဲမှူးကြီး ဝင်းကြည်က ရှင်းလင်းပြောကြားခဲ့သည်။
လွိုင်ကော်မြို့တွင် ဗိုလ်ချုပ်ကြေးရုပ်တု ထားရှိရေးနှင့်ပတ်သက်၍ ပြည်နယ်အစိုးရအနဖြေင့် အစိုးရအဖွဲ့ဝင် ဝန်ကြီးများ၊ ဌာနဆိုင်ရာအကြီးအကဲများ၊ ခရိုင်/မြို့နယ် အုပ်ချုပ်ရေးမှူးများ၊ စည်ပင်သာယာရေး ကော်မတီများ၊ ရပ်ကွက်အုပ်ချုပ်ရေးမှူးများ၊ တိုင်းရင်းသားစာပေနျင့် ယဉ်ကျေးမှုကော်မတီများ၊ ကြေးသွန်းပညာရှင်များဖြင့် ၂၀၁၈ ခုနှစ် ဖေဖော်ဝါရီလ (၁)ရက်နေ့က အစည်းအဝေးပြုလုပ်ရာတွင် ကြေးအစစ်ဖြင့် သွန်းလုပ်ရန် သဘောတူညီခဲ့ကြောင်း၊ ပြည်နယ်အစိုးရအဖွဲ့ Page၊ Facebook Acc များတွင် သာမက၊ ဒေသတွင်း မီဒီယာများကလည်း အဆိုပါ အစည်းအဝေးကို Live လွှင့်ခဲ့ကြောင်း၊ ဒုတိယအကြိမ် အစည်းအေဝးကို ဧပြီလ (၃၀) ရက်နေ့တွင် ကျင်းပရာ ရပ်ကွက်/ ကျေးရွာအုပ်စု အုပ်ချုပ်ရေမှူးများနှင့် ရပ်/ ကျေးစာရေးများအား ချပြ၍ ဆန္ဒသဘောထားရယူခဲ့ရာ ကန့်ကွက်သူမရှိ ထောက်ခံခဲ့ကြကြောင်း၊ တတိယအကြိမ် အစည်းအေဝးအား ဇွန်လ(၂၀)ရက်နေ့က ကျင်းပစဉ်ကလည်း ကန့်ကွက်သူမရှိခဲ့ကြောင်း ဝန်ကြီးချုပ်က ရှင်းလင်းသည်။
ယင်းနောက် ကန့်ကွက်သည့် အရပ်ဖက်အဖွဲ့များရှိလာသဖြင့် ဇူလိုင်လ(၂၀)ရက်နေ့တွင် ပြည်နယ် အစိုးရအဖွဲ့က ခေါ်ယူတွေ့ဆုံဆွေးနွေးရာ ကရင်နီပြည်လူငယ်များသမဂ္ဂနှင့် ကယားပြည်နယ် ကျောင်းသားများသမဂ္ဂအဖွဲ့တို့က ဆွေးနွေးပွဲမှ ထွက်ခွာသွားခဲ့ပြီး ကျန်ရှိသူများနှင့် ဆက်လက် ဆွေးနွေးရာ တက်ရောက်လာသည့် လူမှုရေးအဖွဲ့အစည်းများက မိမိတို့ ဦးဆောင်မှုဖြင့်သာ ကော်မတီ ဖွဲ့စည်းပြီး ကြိုးပမ်းဖော်ဆောင်လိုကြောင်း တင်ပြသည့်အတွက် ပြည်နယ်အစိုးရအဖွဲ့က ဖွဲ့စည်းထားသည့် ဗိုလ်ချုပ် ကြေးရုပ်ဖြစ်မြောက်ရေးကော်မတီအား ဖျက်သိမ်းပေးခဲ့ကာ အဆိုပါကော်မတီသစ်ကို ဝိုင်းဝန်း ကြိုးစားသွားမည်ဖြစ်ကြောင်း ဝန်ကြီးချုပ်က ပြောကြားသည်။
အဆိုပါ သတင်းစာရှင်းလင်းပွဲသို့ ကယားပြည်နယ် အစိုးရအဖွဲ့၊ ဝန်ကြီးချုပ်၊ ပြည်နယ်လွှတ်တော် ဥက္ကဌ၊ ပြည်နယ်လွှတ်တော် ဒုဥက္ကဌ၊ ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်ဥပဒေချုပ်၊ ပြည်နယ်အစိုးရအဖွဲ့ အတွင်းရေးမှူး၊ ဌာနဆိုင်ရာ တာဝန်ရှိသူများ၊ လူမှုရေး အသင်းအဖွဲ့များလည်း တက်ရောက်ကြကြောင်း သိရသည်။
Tachileik News Agency
ဓာတ်ပုံ - ကယားပြည်နယ်အစိုးရအဖွဲ့ရုံး
~~~~~~~~~~~~~~~~~~ ေၾကာ္ျငာ ~~~~~~~~~~~~~~~~~~~~
