~~~~~~~~⊰❂ unicode ❂⊱~~~~~~~~

လွိုင်ကော်တွင် မူးယစ်ဆေးဝါးနှင့် လက်နက်များဖမ်းဆီးရမိ
********
ကယားပြည်နယ် ၊ လွိုင်ကော်မြို့ နယ်၊ ဆောင်ကန်းကျေးရွာအနီးတွင် ၂၀၁၈ ခုနှစ်၊ သြဂုတ်လ (၁၅)ရက်နေ့ ည(၉)နာရီ (၄၅)မိနစ်ဝန်းကျင်က ဆိုင်ကယ်မောင်းနှင်လာသူတစ်ဦးအား စစ်ဆေးရာ စိတ်ကြွရူးသွပ်ဆေးပြားများနှင့် လက်နက်ခဲယမ်းများ ဖမ်းဆီးရမိကြောင်း သိရသည်။

 လွိုင်ကော်မြို့ မူးယစ်တပ်ဖွဲ့စု (၂၀) နှင့်ပူးပေါင်းအဖွဲ့များသည် လွိုင်ကော်မြို့နယ် ကုန်းသာကျေးရွာအုပ်စု ၊ ဆောင်ကန်း ရွာအနီး လွိုင်ကော်- မိုးဗြဲကားလမ်းတွင် ပိတ်ဆို့ရှာဖွေစစ်ဆေးနေစဉ် မိုးဗြဲဖက်မှ လွိုင်ကော်ဖက်သို့ ဆိုင်ကယ်မောင်းနှင်လာသည့် ကျော်သူအောင် (ခ)ကိုအောင်အား စစ်ဆေးရာ စိတ်ကြွးရှုးသွပ်ဆေးပြား (၄)ပြားနှင့်  ပွိုင့် 22 ကျည် (၅)တောင့်ထည့်ထားသည့် ငါးလုံးပြူးသေနက် တစ်လက်တို့ကို ဖမ်းဆီးရမိခြင်းဖြစ်ကြောင်း သိရသည်။

မူးယစ်ဆေးဝါး၊လက်နက်ခဲယမ်းများနှင့် ဖမ်းဆီးရမိသည့် ကျော်သူအောင်အား  လွိုင်ကော်မြို့မရဲစခန်းတွင် မယ(ပ) ၃၅/၂၀၁၈၊ မူး/စိတ်ပုဒ်မ ၁၆(ဂ)၊ ၂၂(ခ)ဖြင့် သြဂုတ်လ ၁၆ ရက်နေ့၌ အမှုဖွင့်ထားကြောင်း သိရသည်။

သတင်း #ဆန်းဖြိုးထွန်း
ဓါတ်ပုံ - ရဲတပ်ဖွဲ့