~~~~~~~~⊰❂ unicode ❂⊱~~~~~~~~

မူးယစ်တပ်ဖွဲ့စု(၂၃)တန့်ယန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် မိုင်းရယ်မြို့နယ်၊ နားလီကျေးရွာတွင် လှမြင့်မောင်းနှင်၍ ကျော်ဦးနှင့် လင်းအောင်တို့ လိုက်ပါလာသည့် HYUNDAI (၂၂)ဘီးယာဉ်နှင့် ဇော်ဇော် မောင်းနှင်၍ ကျော်မင်းထွန်း လိုက်ပါလာသည့် SINOTERUK (၂၂)ဘီးယာဉ်တို့အား ရှာဖွေရာ ဟိုဒရိုကလိုရစ်အက်စစ် (၃,၂၄၀) လီတာ၊ အီသိုင်းအီသာ (၁၅,၈၄၀) လီတာ၊ ကဖင်း (၂၂၅) ကီလို၊ ဘွိုင်လာအိုး (၅) လုံး၊ ပြွန်ပိုက် (၄) လုံး၊ မော်တာ (၄) လုံးနှင့် လက်ကိုင်ဖုန်း( ၅) လုံးတို့အား သိမ်းဆည်းရမိခဲ့ကြောင်း သိရသည်။

အဆိုပါ ပူးပေါင်းအဖွဲ့သည် မော်တော်ယာဉ်(၂)စီးကို လမ်းရှင်းပေးသည့် အိုက်ခေး(ခ)ကွမ်းခေးကို၎င်းမောင်းနှင်လာသည့် PAJERO မော်တော်ယာဉ်၊ ငွေကျပ် (၃၀) သိန်းတို့နှင့်အတူ ထပ်မံဖမ်းဆီးရမိကြောင်း သိရသည်။

ဖမ်းဆီးရမိထားသည့် လှမြင့်၊ လင်းအောင်၊ ကျော်ဦး၊ ဇော်ဇော်၊ ကျော်မင်းထွန်းနှင့် အိုက်ခေး(ခ)ကွမ်းခေးတို့အား မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများဆိုင်ရာဥပဒေအရ အရေးယူထားကြောင်း သိရသည်။

မူးယစ်ဆေးထုတ်လုပ်ရာတွင် အသုံးပြုသည့် ဓာတုပစ္စည်းများဖြစ်သည့် ဟိုက်ဒရိုကလိုရစ်အက်ဆစ် (၂၆,ဝဝဝ)လီတာ၊ အီသိုင်းအီသာ(၂၅,ဝဝဝ)လီတာ၊ အက်ဆီတုံး (၁၇,ဝဝဝ)လီတာနှင့် ကဖင်း (၂,၁၀၀)ကီလိုတို့ကို ၂၀၁၈ ခုနှစ်၊ သြဂုတ်လ(၂၉)ရက်နေ့နှင့် (၃၀)ရက်နေ့တို့တွင် ရှမ်းပြည်နယ်(မြောက်ပိုင်း) မူဆယ်မြို့နယ်အတွင်း၌ ဖမ်းဆီးရမိထားခြင်းဖြစ်သည်။

Tachileik News Agency
ဓာတ်ပုံ - ရဲတပ်ဖွဲ့