~~~~~~~~⊰❂ unicode ❂⊱~~~~~~~~

“ပညာပေး ကာလက (၈)လပိုင်းကနေ (၁၀)လပိုင်း အထိပေးထားပါတယ်။ မြန်မာနိုင်ငံကို တရားဝင် တင်သွင်းနေတဲ့ မြသြေဇာကုမ္ပဏီတွေ၊ ကိုယ်စားလှယ်တွေအားလုံး အစိုးရက ခေါ်ယူသတိပေးထားပါပြီ။ ပညာပေး ကာလကျော်လွန်ရင် ရှမ်းပြည်နယ်အစိုးရအနေနဲ့ ထိထိရောက်ရောက် ပြင်းပြင်းထန်ထန် အရေးယူမယ်ဆိုတာ သတိပေးတာပါ။ တက်ရောက်တဲ့ ကုမ္ပဏီ(၈)ခုကလည်း မြန်မာနိုင်ငံကို တရားဝင် တင်သွင်းခွင့်နဲ့ များများစားစား တင်သွင်းနေတဲ့ ကုမ္ပဏီတွဖြေစ်ပါတယ်”ဟု ရှမ်းပြည်နယ် စားသုံးသူရေးရာဦးစီးဌာန လက်ထောက်ညွှန်ကြားရေးမှူး ဦးမင်းအောင်က တာချီလိတ်သတင်းအေဂျင်စီသို့ ပြောသည်။

ရှမ်းပြည်နယ်အတွင်း ထုတ်ကုန်ဆိုင်ရာ သတ်မှတ်ချက်များနှင့် မညီညွတ်သည့် စိုက်ပျိုးရေးသုံး ပစ္စည်းများကို ဖြန့်ဖြူးရောင်းချပါက အရေးယူတော့မည်ဖြစ်ကြောင်း စက်တင်ဘာလ (၂၆)ရက်နေ့တွင် ရှမ်းပြည်နယ် အစိုးရအဖွဲ့၊ ပြည်နယ်စီမံကိန်းနှင့်စီးပွားရေးဝန်ကြီးရုံး အစည်းအဝေးခန်းမ၌ ဓာတ်မြသြေဇာ၊ ပိုးသတ်ဆေး၊ ပေါင်းသတ်ဆေးများကို ပြည်ပမှ တင်သွင်း၊ သိုလှောင်၊ ဖြန့်ဖြူးရောင်းချနေသော ကုမ္ပဏီလုပ်ငန်းရှင်များကို ခေါ်ယူသတိပေးခဲ့ခြင်းဖြစ်ကြောင်း သိရသည်။

ပြည်ပမှ တင်သွင်းလာသည့် ကုန်ပစ္စည်းများကို တင်သွင်းဖြန့်ဖြူးရောင်းချသူများ အနဖြေင့် အဆိုပါ ထုတ်ကုန်အား သုံးစွဲပုံနှင့် ပတ်သက်သော သတင်းအချက်အလက်များ၊ ညွန်ကြားချက်များကို မြန်မာဘာသာဖြင့် ဖြစ်စေ၊ မြန်မာနှင့် အခြားဘာသာတွဲလျက်ဖြစ်စေ ဖော်ပြရန်လိုအပ်ကြောင်း သိရသည်။

အဆိုပါအစည်းအဝေးတွင် ရှမ်းပြည်နယ်စားသုံးသူအငြင်းပွားမှုဖြေရှင်းရေးအဖွဲ့ဥက္ကဌ ပြည်နယ်စီမံကိန်းနှင့် စီးပွားရေးဝန်ကြီးဌာန ဝန်ကြီး ဦးစိုးညွန့်လွင်၊ ရှမ်းပြည်နယ် စိုက်ပျိုးရေး မွေးမြူရေးနှင့် ဆည်မြောင်း ဝန်ကြီးဌာနမှ ဝန်ကြီး ဦးစိုင်းလုံကျော်၊ ပြည်နယ်စိုက်ပျိုးရေးဦးစီးဌာန၊ ပြည်တွင်း အခွန်များ ဦးစီးဌာနတို့မှ ညွှန်ကြားရေးမှူးများ၊ ဒုတိယ ပြည်နယ်ဥပဒေအရာရှိ၊ တောင်ကြီးခရိုင် အုပ်ချုပ်ရေးမှူး၊ ပြည်နယ် အကောက်ခွန်ဦးစီးဌာန ပြည်နယ်စည်ပင်သာယာရေးဦးစီးဌာန၊ ပြည်နယ် စားသုံးသူ ရေးရာဦးစီးဌာန၊ ရှမ်းပြည်နယ်(တောင်ပိုင်း) သစ်သီးဝလံပန်းမန်နှင့် ဟင်းသီးဟင်းရွက် စိုက်ပျိုးထုတ်လုပ် တင်ပို့ ရောင်းချသူများအသင်း ဥက္ကဌ၊ တောင်သူကိုယ်စားလှယ်များ၊ မြသြေဇာ ပိုးသတ်ဆေးတင်သွင်း သိုလှောင် ဖြန့်ဖြူးရောင်းချနေသည့် မြင်းကျား ကုမ္ပဏီ၊ Farm Link ကုမ္ပဏီ၊ Aristaကုမ္ပဏီ၊ မြန်မာ့သြဘာ ကုမ္ပဏီ၊ ရွှခြေင်္သေ့ ကုမ္ပဏီ၊ Eagle ကုမ္ပဏီ၊ Big-Mကုမ္ပဏီ၊ ဝိစာရကုမ္ပဏီနှင့် ထက်သီဟနိုင်ကုမ္ပဏီ မှ တာဝန်ရှိသူများ တက်ရောက်ကြခြင်းဖြစ်ကြောင်း သိရသည်။

အရည်အသွေး မပြည့်မီသည့် စိုက်ပျိုးရေးသုံးပစ္စည်းများ ရောင်းချခြင်းနှင့်ပတ်သက်၍ ပြည်နယ် အငြင်းပွားမှုဖြေရှင်းရေးအဖွဲ့က ဒေသတွင်း အရောင်းဆိုင်ပိုင်ရှင်များကို ၂၀၁၈ ခုနှစ်၊ ဇူလိုင်လ (၁၈) ရက်နေ့က ခေါ်ယူသတိပေးထားပြီးဖြစ်ကြောင်း သိရသည်။

အရည်အသွေး မပြည့်မီသည့် မြသြေဇာ၊ ပိုးသတ်ဆေး၊ ပေါင်းသတ်ဆေးများကြောင့် တောင်သူများ နစ်နာမှုမရှိစေရန် ယင်းကဲ့သို့ဆောင်ရွက်ခြင်းဖြစ်ကြောင်း သိရသည်။

စိုက်ပျိုးရေး သွင်းအားစုများကို တရားဝင် တင်သွင်းဖြန့်ဖြူးရောင်းချနေသည့် ကုမ္ပဏီများရှိသကဲ့သို့ တရားမဝင် တင်သွင်းဖြန့်ဖြူးရောင်းချနေသူများလည်း ရှိနေသဖြင့် ဒေသတွင်း အရောင်းဆိုင်များအနဖြေင့် ထုတ်ကုန်ဆိုင်ရာ လိုက်နာရမည့် စည်းကမ်းချက်များကို သိရှိထားစေရန် ခေါ်ယူဆွေးနွေးခြင်းဖြစ်ကြောင်း သိရသည်။

Tachileik News Agency
ဓာတ်ပုံ - စားသုံးသူရေးရာ တောင်ကြီး